Eldho Jobi 07 ( INC )

రూ.200 కోట్లతో నిర్మిస్తున్న యంగ్ ఇండియా ఇంటిగ్రేటెడ్ రెసిడెన్షియల్ స్కూల్ పనుల పరిశీలన నిర్మాణ పనులను వేగవంతం చేసి, నిర్ణీత గడువులోగా పూర్తి చేయాలి: మంత్రి ఉత్తమ్ కుమార్ రెడ్డి చిలుకూరు మండలం సీతారాంపురం సమీపంలో రూ.200 కోట్ల అంచనా వ్యయంతో నిర్మిస్తున్న యంగ్ ఇండియా ఇంటిగ్రేటెడ్ రెసిడెన్షియల్ స్కూల్ నిర్మాణ పనుల పురోగతిని రాష్ట్ర నీటిపారుదల, పౌర సరఫరాల శాఖ మంత్రి శ్రీ ఉత్తమ్ కుమార్ రెడ్డి గారు పరిశీలించారు. ఈ సందర్భంగా నిర్మాణ పనుల ప్రస్తుత స్థితిగతులు, పనుల పురోగతి, నాణ్యత ప్రమాణాలు తదితర అంశాలపై అధికారులను వివరాలు అడిగి తెలుసుకున్నారు. విద్యార్థులకు నాణ్యమైన విద్యతో పాటు ఆధునిక వసతులు కల్పించే లక్ష్యంతో ప్రభుత్వం ఈ ప్రతిష్టాత్మక పాఠశాల నిర్మాణాన్ని చేపట్టిందని తెలిపారు. నిర్మాణ పనుల్లో నాణ్యతా ప్రమాణాలు పాటిస్తూ, పనులను వేగవంతం చేయాలని సంబంధిత అధికారులకు సూచించారు. ఈ కార్యక్రమంలో నల్లగొండ ఎంపీ శ్రీ రఘువీర్ రెడ్డి గారు, జిల్లా కలెక్టర్ తేజస్ నందలాల్ పవార్ గారు, ఎస్పీ నర్సింహా గారు, సంబంధిత శాఖల అధికారులు తదితరులు పాల్గొన్నారు.

కోదాడ పట్టణంలోని బాలాజీనగర్‌లో ఉన్న మాళోతు సైదా నాయక్ గ్రంథాలయాన్ని రాష్ట్ర నీటిపారుదల, పౌర సరఫరాల శాఖ మంత్రి శ్రీ ఉత్తమ్ కుమార్ రెడ్డి గారు సందర్శించారు. ఈ సందర్భంగా గ్రంథాలయంలోని సౌకర్యాలను పరిశీలించి, పాఠకులకు అందుబాటులో ఉన్న పుస్తకాలు, ఇతర వసతుల గురించి వివరాలు తెలుసుకున్నారు. గ్రంథాలయ అభివృద్ధి, విద్యార్థులు మరియు యువతకు మరింత మెరుగైన పఠన సౌకర్యాలు కల్పించే లక్ష్యంతో తన సొంత నిధుల నుంచి రూ.2 లక్షలు కేటాయిస్తున్నట్లు మంత్రి ప్రకటించారు. ఈ నిధులను గ్రంథాలయానికి అవసరమైన ఫర్నిచర్, కొత్త పుస్తకాల కొనుగోలుకు వినియోగించాలని సూచించారు. గ్రంథాలయాలు విద్యార్థులు, నిరుద్యోగ యువతలో విజ్ఞానాన్ని పెంపొందించడంతో పాటు పోటీ పరీక్షలకు సిద్ధమయ్యే అభ్యర్థులకు ఎంతగానో ఉపయోగపడతాయని పేర్కొన్నారు. ఈ కార్యక్రమంలో నల్లగొండ ఎంపీ శ్రీ రఘువీర్ రెడ్డి గారు, జిల్లా కలెక్టర్ తేజస్ నందలాల్ పవార్ గారు, జిల్లా ఎస్పీ నర్సింహా గారు, తదితరులు పాల్గొన్నారు.