لو تعتذر و دموع عينك من محاجرها تسيل
بستان حبَّك يا قديمي صارت ورودة سُمر
وشلون تبكي فوق نعشي وأنت مرديني قتيل
و تقرا علي سبع المثاني وأنت دامرني دمر
خذ أسفك ماعاد لي بال على كذبك طويل
إن كان بعدك مر قربك ياشقى قلبي أمرّ !
يقولون انصرم عمرك وحيد وقلت يا عذال
مقاسيم كتبها الله وانا مافي يدي حيله
جروح من ظهور جروح وأمال بنات آمال
لو اني ما أتململ من وجعها قلت منهي له
يكفيني عن الدنيا وأهلها غالي لا زال
حبيبي جعلني ما أعتاض حتى في غرابيله
صكوك الجمايل فـ النشاما مسنّ سيوف
ما دام السنافي بين وقفه و ترحيبه
'
تقدّم على درب القدا و العيون تشوف
سهوم الليالي تخطي الكفْو و تصيبه
'
ترى شرهة اللي لا جماله ولا معروف
مثل مِنّة اللي ما عطا شي من جيبه !
على اخر محطات الغلا الليل هذا غير
مع المجريات اللي بدت لي مأربها
انا كنت احارب فكرة البعد والتهجير
بسيف الاماني و اتلجد واحاربها
عقدت العزم سعياً للاصلاح والتطوير
وملتني الساعه وتكه عقاربها
رفضت العذر كله مع الشرح والتبرير
ورفضت العهود اللي ما صرت اتغاربها !
عليل النسيم يجيب طاريه،وإنّ طراه
اجر النفس وازفر من الشوق تنهيده
'
ياحلوه،وحلو ايامي اللي مضت وياه
حلالاه .. لو الوقت ينعاد ، و آعيـده
'
أنا ودي إن الماء يعوّد على مجراااه
لكن مستحيل وصعبه يعود وبعيده
'
وعدته،بعيش العمر متشبّث بذكراه
ولاني بـ من يوعد ، ويخلف مواعيده !
كم مرّ سبت من التحرّي وعوّد سبت!
لكن الوعد .. لا من عتق مشرقه دارك
أنا اللي سقيتك من بياض الوجيه و غبْت
ولا جيت ليل ولا أقتطفتك من أسوارك
متى ما أعتراك الشك في مامضى و ارتبت
أنا أقرب من مزوحك .. وضحكات زوارك !
ما يحس بلذة الفوز و غرابيل الهزيمة
غير من وقف على حافة طموحاته يثابر
'
الجروح دروس عمري والمواجع مستديمة
وخابرتني لو يعيش الجرح فوق الجرح صابر
'
عندي بدروب المواجع و الفرح خبرة قديمة
ووسط صدري من عرفتك صالة أفراح و مقابر !
"فاقد اللي زود بعده مانقّص من غلاه
من يبشّرني بـ شوفه.. ويبشر بـ سعده
'
مابقى في ساحة البال من ذكرى لقاه
غير تلويحة وداعه.. وخذلان وعده
'
قلبي اللي عاش حلم المواصل في ذراه
خايف انه من مهاده يوارى فـ لحده
'
كني أبوٍ مسّه الفقر من بعد الغناه
يتّقي من نظرة العَجز في عين ولده !
أرقّ من النسيم اللي بعد طشّ المطر صدّيت
و احنّ من الكلام العذب ، ودّعتك و خلّيتك
نويت اشفي غليل الحزن و جراحك معي و ازريت
نعم ، لاني ورى قلبي عن الاوجاع خبّيتك
أبد والله ما احب الوداع لكن انحدّيت
و إعذرني على هذا الطريق المرّ حدّيتك
و عزاي ان الندم مامرّ قلبي قدّ ما حنّيت
وكنت الطف من الدنيا عليك و ما تحدّيتك
سمعتك للأخير و قمت استأذنتك ، و قفّيت
و خلّيت العمر عندك و أحلامي و خلّيتك ..
الليل يستنزف أخلاقي و يبحث خفاي
و قد جاني اللي كفاني لين ما سدّني
أخفّي الضيق عن وجهي لا جيت أصدقاي
و انا مابه حاجه من الضيقه تلدّني
مشكلتي أعرف بلاي الله يسامح بلاي
ليته لا دورت حبل أوصاله يمدّني
يحدّني لـ الهجر !! و يقول ذا مبتغاي
والله لو شاف حبه كان ما حدّني
لا تنشد مناي وشهو و انت غاية مناي
و أعدّك أغلا خوي يا ليييتك تعدّني
أعماني الضيق لين أقفيت على عماي
و انا لو أزل دربك ( طالبك قدّني )
ما شدّني كل قاااطع زين يسرق غلاي
بس انت وشلون زينك قادر يشدّني ؟
ما اقول ذا من جزاك ولا غدا من جزاي
لكنني كل ماسرع فالزعل هدّني
محتاج بعض الكلام اللي يهوّن عناي
وبقول صح الله لسانك و صح بدني
أقفيييت متردد و عيني تلّفت وراي
أدور أدناة حاجه ممكن تردني ؛)