عاصــى

لا نفرط فى ودٍ ولا نعرف فى غضب.

عايز اتكلم عن تجربة ان ربنا يمن عليك بتكييف ٣ حصان متمثل فى بنت تكون اول سُلالتك فى الدنيا تملى عليك الكوكب وتغرقك حب وحنان ثم ياتى ولد سليل هولاكو يطربق الدنيا فوق دماغك وينغص عليك عيشتك وتبقى قاعد كل خمس دقايق عايز تجيب الطبنجة من الخزنة وتجرى وراه بس انت ناسى الباسبور كام.

الطف بعبيدك يارب

والله يا جماعة انا مش مُلم اوى بالشأن الامريكى ولا بالشأن المصرى وحتى الشأن الخاص بيا انا شخصياً فى حاجات كتير انا مُلم بيها .. بس الجدع اللى اسمه عبدول دا جاحد وعنده حضور وسرعة بديهة يُدرسوا وبالتوفيق للجميع.

الواحد زمان قبل السوشيال ميديا كان يعتقد ان الاسلاموفوبيا ظاهرة موجودة فى لندن ونيويورك وباريس والدول اللى بتدخل بفيزا .. ماكنش متخيل ابدا ان وجودها الحقيقى فى التجمع وزايد وقاطنى الكمبوندات اللى بتدخل ب كيو ار كود .. يلا وماله ماللى ملوش اصل يشوف ابوه ويقول ماعرفوش.

بنظرة تأملية فى الحياة ظهر ليا ملاحظة كده كل ابناء الاصول وابناء العائلات المحترمة -ولا اقصد بهذا المال او الجاه-انا بتكلم عن الناس اللى اتربت ع الاصول وشافت خير فى بيوتها احوالهم حاليا فى ضنك شديد والدنيا ادتهم ضهرها والسليم فيهم متدغدغ.

اوعوا تنسوا انى عايز اقول كلام مايصحش اقوله.

الساعة اتغيرت واحنا لسا

هى الساعة جات ١٢ ورجعت ولا لسا ؟!

موضوع نقل الشقة طلع اصعب من نقل الكلية وفصين من الكبد.

انا نفسى اجيب ١٢ دكتور نفسى واحطهم فى اوضة واجيب شنطة عدة مليانة مفكات و مفاتيح النكيه واقولهم صلحونى يا رجالة.

هو احنا كنا بنقول ايه فى البتاع اللى اسمه تويتر دا .. انا مابقتش عارف اكتب تويتة.

هونها ع عبيدك يارب.