Tareq Alangari طارق العنقري

تذكرون يوم قلت لكم عن صفقة @alat_tech الاستراتيجية طويلة الأجل مع @Lenovo مقابل بناء مصانع حقيقية في السعودية؟ يبدو إن Lenovo وآلات ما يلعبون، وأنا أعتقد إن هذا أعظم خبر سمعته في ليب 2026 أمس أنتجوا أول لابتوب سعودي الصنع مع إنه ما مر على الاتفاقية حتى سنة، وفوق هذا لينوفو جعلت مركزها الرئيسي في الشرق الاوسط و تركيا و افريقيا في الرياض ! يا إخوان هذا الخبر عظيم وكبير للي يعرف هذا النوع من الصناعات، لأن اللي حاصل مهو زي سالفة غزال وما غزال وأول سيارة سريعة وما شابه، وإنما نقل حقيقي للتقنية وهذا اللي نحتاجه صح إن المشروع ببدايته وربما عدد الموظفين قليل بالمصنع لكن هذي خطوة جبارة وكونهم نفذوها بهالسرعة يعني الطرفين جادين بكل ما تحمله الكلمة من معنى، بل إنهم أعلنوا إن الـ Mass production يعني الإنتاج الكثيف بيكون نهاية السنة! ولينوفو واعدة إن الهدف النهائي 2 مليون جهاز يتم صناعته سنويًا بهالمقر ما بين كمبيوترات وسيرفرات وجوالات موتوريلا وغيره، ولهذا لينوفو الآن قاعدة تدرب سعوديين خريجين هندسة في أنحاء العالم بكل مقارها هذي هي الشراكات اللي تبيض الوجه.. هذا الخبر بالنسبة لي يعني: 1: مصنع سعودي حقيقي مهو سوالف و Hype وهياط 2: جديّة من قبل لينوفو 3: تجربة إننا نصنع شيء تقني Mass production بكثافة وهي أصعب مهمة، أما لو هي على التقنية مهي مشكلة 4: احتمالية البدء في التصدير، يعني صناعة جديدة دخلت للتصدير 5: وظائف هندسية أخيرًا، خريجين الهندسة يبون هندسة حقيقية 6: نقل التقنية، ولو جزئيًا وأقصد بهذا نقل طريقة إدارة مصنع متكامل من الاسمبلي إلى التكنشنز إلى حل المشاكل وما شابه، وهذي كانت بداية الصين وغيرها من الفوائد الكثيرة .. الزبدة خبر رهيب ويبيض الوجه وتونا بعد لينوفو واعدة إنها تسوي كامبس صناعي كامل فوق 200 ألف متر مربع لأنها من 2025 خلت مقرها الرئيسي للشرق الأوسط وتركيا وأفريقيا في السعودية!! مركز كبير يخدم عدة دول وقارّات، لا غرابة انهم يستهدفون 2 مليون لابتوب سنويا