الأخطل

عرفتك وانا نفسي صبوره على الاقدار قبل تختبر . . صكات الاقدار مقدرتي ماعاد آعرف من كثر ماني معك محتار تغيّرت انا . . ولا أنتي ، اللي تغيرتي - عبدالله السراهيد

كل ما هيفت شمس العصر لـ المغيب اسري الليل مسرا الي تباطا هله يالقريب البعيد و يالبعيد القريب اخر الدرب يا شينه و حلو اوله انت ريمً تذير في جراهيد ذيب وين ما هب ذعذاع الهوا جفله .

قلتي لي : انت تراوغ ! يسار ويمين طيب حلو ! خلّيني اروح سيده 🚶.

لاتسأل " الليل هذا " يبتدي من متى ؟ الليل هذا طويييل و ظلّمته فاضحه مو بس الاصوات تطلع واضحه فالشتا حتى الاحاسيس تطلع فالشتا واضحه

وليفٍ بنا له في قصار الضلوع قصور قصورٍ لها حروه دهر منه مهجوره .

بعنا علاقات ورياجيل وسلاح صدورنا ما عاد فيها مساحه .

وعسى شبك حظّي من الله تصيدك ترميك بأسبابٍ بلا رمي بارود لا واهني من تمّ نومه على ايدك على النقا غصبٍ على كل حاسود .

ياصاحبي ياكبرها من فشيله تكيدلي كيد النسا وانت رجال !

احيان حجاتنا معه وانتعدّاه من خوفنا لا نزهمه ويتردّا .

كني الليلة عراقي من هل " الفلوجة " ودّع اجمل ذكرياته ف العراق وهاجر .

انتي ، اصلاً من سلالة طيبين السيرة من يردك دام جدّك كلمته مسموعه الجمال العالمي يطغى على أهل الديرة كل ما تمشين من شافك لقى موضوعه والشجاع اللي سرقتي فرحته ماغيره يوم ، يومين و تشوفينه يمّش دموعه لا تقولين الحزن واضح عليّ تأثيرة الحزن لا شاف وجهك" غادر المجموعه

إن كان جيتي ، مجيك فوق صدري وسام وإن كان رحتي فمان الله ... ورعايته

ودعيني  بـ السلام  ورحمة  الله  وبْركاته وأذكريني كل ما تطري على البال التحيّه .ة

وإن هوّد الليل .. ذكر الليل ماهوّد الشوق مايعرف البايع من الشاري لو ما أنت طيفٍ يروح شوي ويعوّد ماجاملتك الضلوع ، وجرحها عاري وإن قلت مانقّص فراقي .. ولا زوّد ماهانت المقبلات إلا على الداري لا تحسب إنك على فرقاي متعوّد بكره يطيح المطر ويجيب لي طاري .

اللي مايصخي بالمحبة ليا حب قولوا له ان الوقت مهوب وقته انا حبيبي شفت فيه لحمة ضب وسابقته لدرب الفراق وسبقته حبوه غيري عالماً مالهم طب لين سرقوا قلبه مثل ماسرقته حصلتهم كنهم دجاجاً على حب وفهقتهم والحب كله فهقته ولو عاد لي معتذراً قلت له چب من يطبخ الهجران يشرب مرقته .

انا اخاف من فصل الشتا والبراد الجاف ليامن دخل راسي وحول على ساقي ولا والله اذكر صار جسمي بدون لحاف مع العلم لو دفيت راسي دفى الباقي - هدى الناصر

البارحة مرني طيفك بـ نص الكلام واشتقت لك لين قالوا كمل السالفة .

والله مايطفي ضماي وثورة إحساسي " إلّا دماث النحر .. يوم أتلمّس له "

كن طعم الليالي " عقب فرقاها " طعمة الشاهي الخالي من السكر .

يرضيني اني عشت وافي ولا برت واعلنت بالهرج الصريح انطباعي زاد النفاق الاجتماعي وانا صرت ما عاد احب اصير شخص اجتماعي .

لك علي أني ما أحطك على لسان الشموت ولي عليك أن كان صدرك تضايق .... مرّني .