قلبي اللي ما بعد ذاق للراحه طعم
يوم واحد والله انّي ما اخبره ذاقها
عايشٍ ما بين همٍّ شديد و بين الم
يـ الله انّك ترحم الحال يا خلّاقها
ارحم اللي جسم حاله غدى مثل القلم
تلعب الرياح به لعبها بـ اوراقها
انبرى مما يرى من ظليمه و من وهم
من همومٍ طاقها القلب محدٍ طاقها
غيرك من الناس يمشي على الكبد العيوف
وانت لو تاطى على قاعها ماتوجعه
السنين اللي عرفتك ولا يوم مْحذوف
كل شي يمر في البال ياخذ موقعه
عندي صغار التفاصيل ودقاق الوصوف
ابسط من اللي على الشي يشّر بإصبعه
مابعد دلّهت روحي وسويت معروف
لو اقول لْك: العمر راح قلت: الله معه
رجّعوا لي صحبتي مع الوسادة
وحفّزوا فيني على النسيان غِدة
وأحقنوا شرياني التاجي بلاده
قلبي من الهم واصل فوق حدة
و دوروا لي في خزانتكم ضمادة
تصلح لبالٍ كثير الفكر هدّه
وعلموني كيف أموت من السعادة
وباب ريح الذكريات شلون أسده
كان هذا الوقت م هوّد هجادة
باقي لعلوى هل الردات رده
لا خذتني غايتي وابطيت يا غاية مرادي
والمسافه كايده والحب باقٍ له شريده
زملّيني من هواجيس الغياب ال لا ارادي
ان ذبحني طاري الفرقى وش انتي مستفيده
واعبري به لا اغدي عادي وانا مانيب عادي
الحريص تورّده لـ الموت .. غلطته الوحيده
وقفت مذهول من كلمة ومن شوف عين
مستغرب اللي سلم من كثرت اللي هلك
ياصاحب الوجه الابيض والكلام الرزين
ماكل حاجه لغيرك .. لا زم تصير لك
يدور من حول .. نفسه مره ومرتين
اللي ورى الناس .. داير مثل دور الفلك
" إذا استقليت في رايك عن الآخرين
صدقني انك تعيش العمر عيشت ملك