تطبيق خيرة على iPhone Duo 👀

السلام عليكم، لاحظنا مؤخرًا كثرة الحسابات اللي تنشر تغريدات قذرة ومحتوى عشوائي ما له علاقة بالمجتمع، لذلك نحتاج مشرفين أكثر لمتابعة هذي التغريدات وحذفها. إذا ودك تصير مشرف ومستعد تتولى هذي المسؤولية اكتب تحت هذي التغريدة.

التجربة بتكون بهذا الشكل بمشيئة الله، بيتم أيضًا إضافة نفس التأثير إلى باقي الهواتف.

وصلتني البادجات الجديدة بالديسكورد وصرت أقدر أتحكم في ظهورها

نقدر نقول إن وقت التغيير قد حان أخيرًا، رغم حبي للأصل إلا أن الجديد عاجبني جدًا وبإذن الله بنثبت عليه.

لا تقتصر في دعائك على ميليشيا الحوثي الإرهابية وحدها، بل ادعُ أيضًا على كل من يواليها، أو يؤازرها، أو يبرّر جرائمها، أو يتغاضى عن أفعالها، فمن يبرر المساس بالحرمين الشريفين والاعتداء على المعتمرين لا يقل سوءًا في موقفه عمّن يرتكب هذه الاعتداءات، عليهم من الله جميعًا ما يستحقون.

الحمدلله أن أفعالهم فضحت حقيقتهم أمام العالم وفضحت معهم كل من دافع عنهم أو حاول تبرير جرائمهم، وأسقطت ما تبقّى من الغطاء الشرعي والسياسي الذي كانوا يتحصّنون خلفه، لم يعد لهم عذر ولا لمن كان يلمّع صورتهم ونهايتهم قريبة جدًا بمشيئة الله.

قريبًا في تطبيق خيرة — راح تقدر تضيف أي دعاء أو ذِكر أو آية لمحفظة أبل بنفس الشكل الموجود بالصورة، بحيث الوصول لها يكون أسهل ⏳

بعد 30 كوب قهوة بهذي الآلة، أعتقد حان الوقت لإبداء رأيي الصريح عنها. هذي قد تكون من أدق وأطول المراجعات اللي بتشوفها للآلة، لكن أوعدك أنها بتوضح لك معظم النقاط اللي تساعدك تقرر شراءها أو لا. من ناحية توفير الوقت؟ نعم وبشكل كبير جدًا.. لأول مرة صار عندي وقت أسوي قهوتي قبل الدوام، سابقًا كنت أتكلّف للأمانة.. الآن 5 دقايق بالكثير والكوب جاهز. من ناحية جودة القهوة والطعم مقارنةً بالتحضير اليدوي؟ للأمانة أنا مو أفضل شخص في تحضير القهوة بشكل يدوي، ولكن بعد تجربتي للآلة استوعبت قد أيش كان تحضيري اليدوي سيء مقارنةً بالنتائج اللي حصلتها منها. طبعًا هذا لا يعني أن الآلة بالضرورة أفضل من التحضير اليدوي، هذا شيء ما أقدر أجزمه بناءً على تحضيري اليدوي السيء من الأساس.. لكن بالنسبة لي الآلة قدرت تحصل نتائج ما كنت أقدر أوصل لها بنفسي وبنفس الجودة تقريبًا في كل مرة أستخدم فيها نفس الوصفة، وما لاحظت فرق بينها وبين نتائج المقاهي. من ناحية التطبيق والوصفات؟ من أكثر الأشياء اللي أعجبتني أن للآلة تطبيق متكامل تقدر من خلاله تسوي وصفاتك وتحفظها، وتشاركها مع أخوياك أو تاخذ وصفاتهم وتطبقها بكل سهولة. يعني لو خويك جرّب وصفة وعجبته يقدر يرسل لك رابطها وتستخدمها مباشرة، بنفس درجة الطحن والحرارة والصبات وغيرها من التفاصيل. وتقدر تجرب وصفات مختلفة لنفس المحصول وتحفظ اللي يعجبك منها وترجع له بأي وقت. والجميل أنك مو مضطر تفتح التطبيق في كل مرة تبي تسوي قهوتك، تقدر تحفظ حتى 3 وصفات في أزرار الآلة نفسها وبعدها تختار الوصفة وتشغّل التحضير مباشرة دون الحاجة للتطبيق. من ناحية توفير الفلوس؟ من وقت ما شريت الآلة ما شربت قهوة برا لحالي، فهي للأمانة وفّرت علي بشكل كبير.. لكن هل سعرها يستاهل هذا التوفير فعلًا؟ متوسط سعر كوب الـ V60 هو 20 ريال تقريبًا، وسعر آلة الـ xBloom يختلف من مكان لآخر لكن بنعتمد 2700 ريال. بحثت عن أسعار محاصيل القهوة من أشهر المحامص، ووجدت أن متوسط سعر عبوة الـ 250 جرام في العينة يقارب 61 ريال. وبنفترض أن كل كوب سواءً في المقهى أو البيت يُحضّر باستخدام 20 جرام بن بحيث تكون المقارنة متساوية. عبوة الـ 250 جرام تكفي لتحضير 12.5 كوب تقريبًا، وبالتالي تكلفة البن للكوب الواحد: (61 ÷ 250) × 20 = 4.88 ريال. نضيف عليها حوالي نصف ريال للفلتر والماء والكهرباء، فتصبح تكلفة الكوب المنزلي 5.38 ريال، مقارنةً بـ 20 ريال في المقهى. يعني توفّر 14.62 ريال مع كل كوب تسويه بالبيت. الآن نجي لسعر الجهاز نفسه: 2700 ÷ 14.62 = 185 كوب تقريبًا. بمعنى أنك لو كنت تشتري كوب واحد يوميًا واستبدلته بكوب منزلي، فبتحتاج حوالي 6 أشهر عشان تعوّض سعر الجهاز، ولو تشرب كوبين يوميًا فالمدة تنخفض لحوالي 3 أشهر. وبالنسبة لتجربتي الشخصية بعد 30 كوب وفّرت حوالي 439 ريال مقارنةً بشرائها من المقاهي، يعني باقي لي تقريبًا 155 كوب عشان أعوّض قيمة الجهاز. وحتى بعد الوصول لنقطة التعادل، التوفير يعادل حوالي 439 ريال شهريًا إذا كنت تشرب كوب يوميًا.. وعلى مدار سنة ممكن يتجاوز صافي التوفير 2600 ريال بعد خصم سعر الجهاز نفسه. طبعًا هذي الحسبة تقريبية، وبدون مثلًا احتساب رسوم توصيل المحاصيل أو اختلاف أسعارها مثل حقيقة أن سعر البن بيطلع عليك أرخص للكميّات الأكبر، وما إلى ذلك.. تحديد ما إذا كانت هذي المعادلة توفير لك أو لا يعتمد على استهلاكك وعاداتك، لكن بالنسبة لي أشوفه توفير كبير، خصوصًا أن المكسب مو مادي فقط بل حتى في الوقت والراحة. لكن في نقطة مهمة بكون صريح فيها.. في ناس متعتهم بالقهوة مو بس في شربها بل في تحضيرها بأنفسهم.. يحب يوزن البن ويطحنه ويسوي الصبات بنفسه، وله أجواؤه وطقوسه الخاصة في تحضير القهوة. إذا كنت من هذا النوع فأعتقد أن الآلة مو لك، أو على الأقل ماراح تستفيد من أهم ميزة فيها وهي اختصار معظم هذي الخطوات. أما إذا كنت مثلي تحب القهوة المختصة وتجربة مُختلف المحاصيل والوصفات لكن مو دايم عندك الوقت أو المزاج تسوي كل شيء بنفسك فهنا الآلة بتكون جدًا مناسبة لك. الآن نجي للسلبيات، وفي بعض النقاط اللي لازم أوضحها لأن ممكن البعض يكون فاهم فكرة الآلة بشكل مختلف. الآلة ما تخزن البن ولا توزنه تلقائيًا من مخزون داخلي. يعني لا تتخيل أنك تحط كيس بن كامل داخل الآلة وهي تسحب منه الكمية المطلوبة في كل مرة. لازم توزن البن بنفسك باستخدام ميزان الآلة وتحطه في مدخل المطحنة عند كل تحضير. ممكن البعض يشوفها ميزة خصوصًا إذا عنده أكثر من محصول ويحب يغيّر بينها باستمرار. يوجد خطوات يدوية لازم تسويها قبل التحضير، مثل وضع الفلتر ووزن البن وإضافته، بعدها الآلة تتولى الباقي بالكامل، تطحن البن وتسخّن الماء وتبدأ الصب حسب الوصفة اللي حددتها. وهنا يجي الشيء الجميل فعلًا.. تقدر تتحكم بتفاصيل دقيقة جدًا من التطبيق، مثل درجة الطحن وعدد الصبات وكمية الماء وحرارته في كل صبة، وطريقة الصب سواءً دائرية أو غيرها، وحتى فترات الانتظار بينها. في ميزة تستحق الذكر.. الآلة مو شرط تستخدمها لتحضير القهوة بشكل كامل، تقدر تستخدمها كميزان مستقل، أو كمطحنة لطحن البن، أو حتى كمصدر للماء الساخن بدرجة حرارة وكمية تحددها بنفسك. يعني فعليًا عندك 3 أجهزة في جهاز واحد تقدر تستفيد منها بشكل منفصل. من ناحية التنظيف والصيانة؟ طبعًا هذي ما أسميها سلبية وقد تكون شيء بديهي لكن يستحق التوضيح بما أن المراجعة هذي تفصيلية. بعد كل كوب لازم تتخلص من الفلتر والبن المستخدم وتنظف القطع اللي تحتاج تنظيف، وبرضو تحتاج تهتم بنظافة المطحنة وإزالة التكلسات من وقت إلى آخر. الشركة توصي بإزالة التكلسات كل 3 أشهر تقريبًا أو بعد 300 كوب، أيهما يجي أول. يعني التنظيف والصيانة موجودة مثل أي جهاز قهوة، لكنها بالنسبة لي خطوات بسيطة مقارنةً بالوقت والجهد اللي تختصره الآلة. طيب بعد هذي التجربة هل أنصح بشرائها؟ بالنسبة لي نعم وأشوف أنها من أفضل مشترياتي المتعلقة بالقهوة لكن ما أقدر أقول إنها مناسبة للجميع. إذا كنت تشرب القهوة بشكل يومي وتصرف عليها باستمرار في المقاهي وودك توفّر وقت وفلوس فأعتقد أنها مناسبة لك. أما إذا كنت تشرب القهوة بين فترة وفترة أو تستمتع بتحضيرها يدويًا فممكن سعرها المرتفع ما يكون مبرر بالنسبة لك. وبالنهاية تجربتي مبنية على أول 30 كوب فقط، فما أقدر أحكم حتى الآن على اعتمادية الآلة وعمرها الافتراضي أو أدائها على المدى الطويل، لكن من ناحية التجربة اليومية والراحة وسهولة الاستخدام فهي إلى الآن ممتازة جدًا بالنسبة لي. وبكذا أكون غطّيت معظم النقاط اللي أشوفها مهمة قبل اتخاذ قرار الشراء، وإذا عندك أي سؤال عن الآلة أو تجربة معينة تبي أختبرها اكتبها لي وبجاوبك حسب تجربتي معها.

القرآن الكريم في تطبيق خيرة من أكثر الجوانب التي حرصنا على تقديمها بأفضل صورة ممكنة، بتجربة متكاملة تجمع معظم المزايا التي يبحث عنها المستخدم أثناء القراءة والتدبّر. عندك اقتراح ممكن يضيف للتجربة ولك أجر من استفاد منه؟ اكتبه لنا وبإذن الله سنعمل على تنفيذه بما يتناسب مع التطبيق.

هل أنت كثير السفر، حتى لو كان بين المدن؟ في تحديث خيرة القادم، سيتم تحديث موقعك ومواقيت الصلاة تلقائيًا دون الحاجة لفتح التطبيق فور وصولك إلى مدينة أو دولة جديدة، مع إرسال إشعار لإبلاغك بذلك. وسيكون هناك خيار لتعطيل هذا الإشعار في الدول صغيرة المساحة التي تكون مدنها متقاربة جدًا، مع استمرار تحديث الموقع والمواقيت تلقائيًا دون الحاجة لفتح التطبيق.

شكرًا لكل من ساهم في نشر التطبيق، أسأل الله أن يكتب لكم الأجر ويجعل ذلك في ميزان حسناتكم. أعمل حاليًا على مراجعة جميع ملاحظاتكم واقتراحاتكم وجمعها، وسيتم بإذن الله تنفيذ ما يمكن منها ضمن التحديث القادم. وسأعتمد هذه التغريدة أيضًا لاستقبال أي ملاحظات أو اقتراحات جديدة وسأتابع ما يرد فيها باستمرار بإذن الله.