يقول عايش بن رزيق الزواري القثامي :
حلفت انا يا خلف ١ ما ابيع مرزوقه ٢
ابغى بها المدح من ماضين الافعالي
بكره اليا ونفّوا برقا مع الروقه
مع طلعه الصبح جاء لـ الملح زلزالي
يجيك شولٍ يجيب اهل اليمن فوقه
واللي كسبها البخت عشرين مشوالي
١-خلف بن ماطر بن عجيان الزواري القثامي
٢-مرزوقه بندق لـ عايش
وهي أطول .
#موروث_عتيبه #عتيبه #برقا #الروقه #القثمه #الزوران_القثمه
غزا الأمير مصلح ابن مسيفر الشيباني ، امير القرافين من الشيابين في زمنه ، وخال جهز بن هذال بن فهيد الشيباني
⬇️
على احد القبائل في السويرقيه وتُعرف السويرقيه بتضاريسها الوعره ، ومعه جموع من عتيبه تحديداً ( القثمه - المقطه - الشيابين )
⬇️
وكانوا على الهجن ( الجيش ) عددهم يتراوح ما بين « ١٥-٢٥ » ، وتُروى في كتاب " قال الراوي " لـ الراوي القدير مرزوق بن عبيد الدهاسي بأن عددهم « ٣٥ »
⬇️
وكان عند القبيله التي ينوون غزوها خبر بهم وعندما وصلت عتيبه تفاجؤوا بالبوارديه الذين خرجوا من بين الظلعان واستخدموها حصن لهم
⬇️
واشتد الرمي على عتيبه ومنهم الشاعر المعروف دهيّس الهمرق المقاطي ورمى الخرج والدلو والشداد وأخفض راسه وتمسك في شعفه الذلول
⬇️
ورأى مصلح بن مسيفر الفارس مسلّم بن سليمان الزواري القثامي عندما حوّل من ذلوله وجاله فعلٍ قوي ، وقال مصلح لأخيه قماهيد يا قماهيد مسلّم وش اسمه ؟ قال اسمه مسلّم وكرر السؤال ثلاث مرات وقال في المره الاخيره يا قماهيد مسلّم وش اسمه لا بعث ابوك ؟! رد قماهيد اسمه مسلّم لا بعث ابوك انت ، ومسلّم من الزوران من القثمه ، والقصد في قول مصلح بن مسيفر مسلّم وش اسمه هو ان اللي بيسلمنا من العدو وش اسمه ولم يعلم بأن اسمه فعلاً مسلّم
⬇️
وطلب قايد الغزيه ابن مسيفر ان يتقدم مسلّم الجيش ويرمي لين يفك لهم الدرب واخر واحد من اهل الجيش يشيل مسلّم معه لأن القبيله المعاديه كانوا محاصرينهم بالخيل وذبح مسلّم ٢ من الخيل ومن خوف القبيله المعاديه على باقي خيولها فكوا لهم الطريق ، واعجب مصلح بن مسيفر بفعل مسلّم وكان يردد لـ عتيبه المتواجدين " مثل مسلّم مثل مسلّم "
⬇️
وبعد المعركه قالوا أشخاص لدهيّس انت يوم رميت الخرج والدلو والشداد كله من الذلّه ؟ ورد عليهم دهيّس بالقصيده ،،، وقيل في روايه اخرى ، ان دهيّس الهمرق شال الشداد عن ذلوله لحمل المصابين عليها وبعد المعركه سمع من يقول ان دهيس رجع ولا كسب من غزوته شيء الا انه ضيع شداده
⬇️
ورد عليهم بهذه القصيده وهي تحتوي على باقي التفاصيل :
١
•يزرى عليه كل خايب ومثبور
•خطو النصوب اللي يسوي الكلامي
٢
•يفرح اليا نادوه ربعه على السور
•وضلّا يرسرس عندهم فالعظامي
٣
•ولا تراه عن المقاليط مقصور
•هاذيك عند الطيبين الحشامي
٤
•ولا شاف سبرٍ واق في راس حثرور
•وضلّت مضاحيهن سوات الادامي
٥
•ولعطوبه الملهاب ركّابه الكور
•اهل الركاب مقطعين المظامي
٦
•ولا به تغبي عقب شفنا هل الخور
•ثم انكفينا فوقهم مع عدامي
٧
•واثر الجماعه جايهم سبر ونذور
•وقاموا علينا واعجلوا بالمقامي
٨
•قالوا ارجعوا بالنص والحال مستور
•يا اهل الركاب انتم وهنّه قوامي
١٠
•ورمى السلَب من دونها كل منعور
• « ونادى الأمير مجربين الاسامي »
١١
•تكفون يالظفران ياللي لكم نور
•تكفون ياللي تنقلون الحزامي
١٢
•نلوفهم بمسلبٍ مالها سور
•سردٍ مضاربها تشذ العظامي
١٣
•وياشوف عيني بأحمر الدم دعثور
•يوم اعرضن وقربن المرامي
١٤
•يمينا طابور ويسار طابور
•وخلافنا مثل الجراد التهامي
١٥
•ولبوس اهل هنه سراويل وكمور
•وضارين بأخذات العرب كل عامي
١٦
•وصفرٍ عليهن احمر الجوخ منشور
•تقطع عَقاب الجيش والكون حامي
١٧
•واللي علاها كل فارس ومشهور
•وشلفٍ مزرجةٍ بريش النعامي
١٨
•وحنا ملابسنا تطاريف وكمور
•وروس الفتيل محكمٍ بالبشامي
١٩
•على حراير بس اواريك وصدور
•ومعزلاتٍ كنهن الادامي
٢٠
•وحنا وردنا ماردٍ من ورى القور
•هاك العدود مقلبات الاسامي*
٢١
•عساه لا جاها من الوسم شختور
•شابه وروم نشوفها عنه شامي
٢٢
•نشرب شرابٍ كنه الملح ممقور
•نشرب اليا عافت ذلول القثامي*
٢٣
•تبي شرابٍ يبهج الكبد خيصور
•وادي العقيق تقيضه كل عامي
—
البيت ١٠ / الفارس مسلَّم بن سليمان الزواري القثامي
البيت ٢٠ / فج وفجيج الابيار المعروفه بملوحتها
البيت ٢٢ / ذلول مثيب بن عسيود الجباري القثامي واسم ذلوله " وحيشه " كانوا يسقونها بماء القرَب لين وصلوا عشيره
#موروث_عتيبه #عتيبه #القثمه #المقطه #الشيابين #العبادل #مطير
مشاركه قبيله القثمه ، في حملات توحيد الدوله السعوديه الاولى ، مخطوطه ابن عبدالشكور 📚
#موروث_عتيبه
« القثامي » retweeted
Replying to @Thearabicword
واجرّ قلبي جرّ غربٍ على بير
على ثلاثٍ حيل بهنّ زرقا
فيما يصبنّه لياهن محادير
وفيما يصغنّ به مع الحبل يرقا
"مرسى بنت عايض العطاويه"
ياجرّ قلبي جرّ غرب السواني
على ثلاثٍ حيل باللون الاصفرّ
ياصغيّر الغزلان حبّك سباني
في صغركم والويل له يوم تكبرّ
"هليّل بن زامل القثامي"
الشاعر مخلد بن شايد الزواري القثامي
« شاعر عتيبه » ( 1265 - 1337 ) تق
#موروث_عتيبه
« القثامي » retweeted
يذكر المستشرق داوتي ان قبيلة عتيبة من افضل ما شاهدته عيناه في براري الجزيرة العربية و هم شجعان في الحرب و أعداء #ابن_رشيد الأساسين
يقول الشاعر دهيّس الهمرق المقاطي ، من عرض قصيده ممتدح فيها اثنين من قبيله القثمه في احد الغزوات ، مع جهز بن هذال بن فهيد الشيباني :
العلم عود . لامهات المشاقيص
بنادق .. الظفران ..ما يبخلني
يا ذيب ياللي فالهضاب المراويس
تلقى . العشاء . طايح على دربهني
حوّل .. وتلقى لك .. مهارٍ مكاويس
بين الركيب .. وبين .. مطموعهني
#موروث_عتيبه #عتيبه #القثمه #عسكر_البارود
بخصوص قبيله القثمه فهي قبيله حجازيه ونجديه
مثل العصمه والمقطه والنفعه والدعاجين وغيرهم من عتيبه
وفي بدايه توحيد المملكه تمت إزاله ابيارهم التي تقع في نجد من الحكومه رعاها الله ، أثر خلافات مع القبائل المجاوره
ولـ شاعر عتيبه الشاعر مخلد القثامي قصائد في نجد معروفه ولا داعي لذكرها
—
بخصوص مشيخه الهيضل
كبار السن من قبيله القثمه قالوا لي انهم لم يسمعوا من اسلافهم بأن الهيضل شيخ عيال منصور او برقا او عتيبه
بل يقولون انه شيخ ربعه الدعاجين واحياناً الملابسه
والهيضل من اشهر شيوخ عتيبه ما تزيده اذا قلنا عنه شيخ برقا او عتيبه
فأتمنى ان محد يشيّخ علينا شيخ الملابسه خاصه والدعاجين عامه 🙏
وشكراً
يامرحبا وعقاب راعي سيف ماهوب اي سيف
سيفٍ مقدّم من ( ولـي العهد ) رمز المملكه
#موروث_عتيبه #المحاوره #القثمه #عادل_القثامي
@8as511










