رغم ضغط الاختبارات الحمدلله 🥰

محظوظين احنا كسعودين خصوصًا كمهتمين بالمجال التقني بشكل خاص بوجود مؤسسات ومبادرات مثل أكاديمية طويق ، مسك ، الأكاديمية السعودية الرقمية، وأكاديمية كاوست وحتى أكاديمية سدايا مؤسسات تفتح ابواب التعلم والتطوير ، وتوفر فرص وبرامج نوعية تساعدنا في اكتساب المهارات ويمكن نوع المخرجات توضح القيمة المعرفية الي تملكها هذي المؤسسات , صح يمكن قبول فيهم صعب بس الميزة التنوع في المؤسسات وكلها تملك قيمة مضافة عن الثانية كل الشكر لحكومتنا على هذا الدعم والتمكين والاستثمار في شباب وشابات الوطن 🙏🙏 الي نحتاجه اننا نستغلها بالشكل الصحيح

إذا كنت تشتغل على مشروع تخرج او مشاريع خاصة فيها قاعدة بيانات ، غالبًا بتحتاج تصمم ERD يوضح الجداول والعلاقات بينها قبل تبدا بالتنفيذ قعدت ادور وابحث على ذا الموضوع لان كنت استخدم برنامج معقد قبل من المواقع الجميلة اللي تساعدك في هالشيء موقع dbdiagram.io بكل بساطة تكتب اسماء الجداول والاعمدة والعلاقات باستخدام لغة DBML ، والموقع يحولها مباشرة الى مخطط بصري يوضح هيكلة قاعدة البيانات والحلو فيه انه تقدر تستورد SQL او تستدعي من SQL أداة مفيدة خصوصا لطلاب الحاسب واللي يشتغلون على مشاريع فيها قواعد بيانات

على طاري مشروع التخرج، احد الزملاء ناقشني عن مشروع التخرج واهميته ولفت نظري كلامه فيه بعض الطلاب يدفعون لشخص ثاني عشان يسوي مشروع التخرج عنهم! والهدف انهم يعدو المادة باعلى درجة ويتجنبو التعقيد وعوار الراس والله شيء غريب ما ودي اكبر مشروع التخرج واهوله لكن اشوف خصوصًا للتخصصات التقنية انه فرصة اكبر من مادة وتعديها ومن ذا الكلام ممكن يكون بداية لتحديد مجالك لانك بتشتغل على مشروع كامل من البداية الى النهاية او مشروع تضيفه في سيرتك الذاتية وتتكلم عنه لانك اشتغلت عليه انت و تيمك او حتى يتحول إلى منتج في المستقبل ومو شرط يكون مشروعك فكرة جديدة ما احد سواها احيانًا القيمة الحقيقية في طريقة تنفيذك للفكرة، والمشاكل اللي واجهتها وكيف قدرت تحلها والاشياء الي تعلمتها من ادوات جديدة صح ان مشروع التخرج مادة لكن الفرق ان عندك مساحة تطبق فيها كل الي تعلمته طوال دراستك تعلم وجرب واغلط لانك انت في مرحلة تعلم، ومن وجهة نظري إنك تتعب على مشروعك وتطلع منه بخبرة افضل من انك تحصل على درجة عالية في مشروع ما تعلمت منه شيء لا تختصر التجربة كلها عشان تختصر عوار الراس و التعقيد يمكن أكثر شيء تتعلم منه هو نفس الشيء اللي تحاول تتجنبه

من مميزات مشروع التخرج انك تكتشف ادوات جديدة تختصر عليك الوقت والجهد من الأدوات الي بدينا نتعرف عليها انا والشباب بفضل دكتورنا موقع "Overleaf" بكل بساطة هو محرر يعتمد على لغة اسمها LaTeX يساعدك في كتابة وتنسيق التقارير والأبحاث الأكاديمية بطريقة احترافية بدل ما تنشغل بتنسيق كل صفحة يدويًا مثل Word تقدر تركز على المحتوى والبرنامج يساعدك في تنظيم العناوين والجداول والمراجع وترقيم الصفحات صحيح يحتاج تتعلم بعض الأوامر في البداية، لكن مع الوقت بتلاحظ فائدته خصوصًا في التقارير الطويلة زي مشروع التخرج انصحك المقبلين على مشروع التخرج يجربوه : overleaf.com/ - وحدة من التوتريال الموجودة في اليوتيوب : youtube.com/watch?v=pLjtV0Xf… وفيه غيره الكثيرر

المقارنات الغير عادلة تقتل اي شخص يحب يطور من نفسه او حتى يحب يشتغل على نفسه , ويحب يتعلم ومع الاسف يوصل لمرحلة يفقد لذة الانجازات و يفقد لذة شعور الفرح ب انجاز معين او شي جديد تعلمه يمكن يفرح لكن لمدة ثواني بعدها؟ يشوف انه فيه شخص افضل ويبدا عقله بالتفكير ب انه ماحقق شي او انه الي حقق شي تافه والمعادلة الصح في المقارنات هي المقارنة مابين نفسك , بين اول يوم الى ثاني هل تطورت بشغله معينه؟ هل تعلمت شي جديد؟ مديري ايام التدريب قال ليي نصيحة جميلة , انك تطور 1% هذا يعني انك انجزت انجاز ومابتحس بطعم هذا الانجاز لانه قليل ولكن بتستوعبه مع مرور الوقت ان 1% افضل من 0% وفعلا لو تطورت يوميا بنسبة 1% هذا يعني بتوصل نهاية السنة وانت افضل من نفسك بنسبة اكثر من 30% من بداية السنة قارن نفسك مع نفسك عشان تعيش لذة الانجاز🙏

علم وصلت lnkd.in/p/d__NUtWj والكثير منهم شيكو لينكدان وبتشوفو