أنـيـن

عندي تساؤل ( ( طالع - شمس - زهره - مريخ - قمر ) ) الجوزاء والعذراء السرطان والحمل | وش نوع القلق الي تمرون فيه الان وايش الموضوع بالضبط ؟

كثير أتجنب الرد على مثل هالحسابات وعلى هالكلام الفارغ 🙏🏽🙏🏽 لكن اللي يقهرني ويزعلني جدًا إن فيه ناس عابرين ممكن يزرعون الخوف في قلوبكم تجاه مستقبلكم وأقداركم بسبب هالخزعبلات والأحكام المطلقة الزواج أمر الله أولًا وأخيرًا والله لو زحل يخترق غرفتك إذا ربي كتب لك الزواج بيصير بإذنه! الأقدار والتأخير والتقديم والأرزاق كلها بيد الله ومو مرتبطة بدروس كونية معينة لازم الإنسان يجتازها عشان يُسمح له يتزوج!! حدث العاقل بما يعقل يعني بالله عليكم ثلاث سنوات يتوقف فيها الزواج بسبب عبور زحل؟ وعلى أي أساس نطلق حكم بهالحجم على مستقبل إنسان وحياته؟ حتى في التنجيم الكواكب لها دلالاتها وتأويلاتها لكن مو من حق أي شخص يحول هالدلالات إلى أحكام قطعية على أقدار الناس وفوق هذا كله الله سبحانه يقول ﴿ادْعُونِي أَسْتَجِبْ لَكُمْ﴾ ماقال ادعوني وبعد دروس زحل بستجيب لكم فكيف نعلق آمال الناس وأرزاقهم على حركة كوكب ونخليهم ينتظرون سنوات وهم مقتنعين إن أبواب حياتهم مقفلة؟ المشكلة مو بس في الكلام نفسه المشكلة في أثره النفسي على الشخص اللي يقرأه! لما تقولين لإنسانة إن زواجها متعطل ثلاث سنوات بسبب زحل انتي هنا زرعتي في داخلها خوف وترقب وقلق تجاه مستقبلها والخوف أحيانًا يصير عائق نفسي بحد ذاته يخلي الإنسان يتردد وينسحب من الفرص ويعيش في انتظار شيء ما له أساس مؤكد والنبي ﷺ استعاذ بالله من الهم والحزن والخوف والعجز والكسل فليش نزرع في الناس مشاعر تثقل عليهم حياتهم بدل ما نفتح لهم أبواب الأمل وناخذ اجر الاحسان بالعلم الي الله رزقنا معرفته ؟ فيه فرق كبير بين قراءة الدلالات الفلكية وبين إصدار أحكام على أقدار البشر اقرؤوا وتعلموا وناقشوا لكن لا تسلمون مستقبلكم لأي شخص يتكلم بثقة عن شيء ما يملك علمه ولا تسمحون لأحد يقنعكم إن حياتكم متوقفة أو إن نصيبكم مؤجل أو إنكم محكومين بسنوات من الحرمان بسبب كوكب! 🙏🏽 أتمنى من الجميع الوعي ثم الوعي ثم الوعي مو كل شخص يتكلم بثقة يعني إنه يملك الحقيقة ومو كل توقع يُقال لكم يستحق إنكم تحملون همه وتعيشون على أساسه. أقداركم بيد الله مو بيد زحل ولا غيره 🤍 تصبحون ع خير

الوضع المهني عندك حاليًا مو راضي يمشي والسبب إن زحلك متراجع بنفس درجة زحل اللي يعبر بيتك العاشر الان وكلهم بحالة تراجع 🙏🏼 وفوق هذا فيه تربيع مع الزهرة وعطارد المرتبطين بالأوراق والمعاملات والمال والعقود المهنية فطبيعي تشوفين هالفترة تأخير وتعطيل في اجرائاتك وفي أمورك المهنية وتحسين إنها واقفة مهما حاولتي تحركينها لكن هذا التعطيل مو يعني رفض و خسارة هو واقف بس لأن كل الكواكب الي تحرك وضعك المهني واقفه الان ف إذا رجع زحل للحركة ووقف تراجع ارجعي ((( كثفي ))) سعيك ومحاولاتك وراح تتم بأذن الله الترقيه ✅🩵🩵

الارتباط غالباً يتسهل وقت عودة زحل لأنك تكونين خلصتي دورتك الحياتيه ف الزواج والارتباط خلال هالفتره ممتاز وصحي وطبيعي وبالعكس يستمر وقت اطول ✅

مبدئياً اذا زحل يعبر عاشرك راح تكون هالسنتين ونص عليك تجبرك تبنين لك وضع مهني من اتفه الاشياء 👏👏👏 لذلك استغلييييي عبوره بعاشره لأن اذا بنيتي وسعيتي راح يكون لك بناء مهني اساسه صحيح وقوي وماراح تتعرضين لأي فصل او امور سيئة مستقبليه ✅✅ نبتون بكل مره تتكاسلين راح يروعك ويخليك تشدين حيلك 😂😂 الوضع صحوه لك بس

الترقيه موجوده بأذن الله بعد شهرين او ثلاث اشهر ياصاحبة العيون الحلوين🩵🩵🙂‍↔️ teapawt.org/9f9szd/status/21202152…

اكتبوا لي تحت هذا البوست وش المواضيع المهمه الي تبون تعرفون عنها 👏👏 انا اليوم راح افيدكم بكل شيء 😉

موجودين ؟

لازم تعرفون إن مافيه أي تغيير يصير في حياتنا إلا ووراه خيرة لنا حتى لو بدا لنا في البداية إنه تغيير سلبي 🙏🏼🩵 كل تغيير يقدّره الله لنا تجي معاه خيرة ويمكن مانشوفها في وقتها لكنها تتضح لنا مع الأيام يمكن يكون خطوة نخطيها تفتح لنا أبواب ما كنا نتوقعها ودرس نتعلمه ويغير نظرتنا للحياة بشكل يفيدنا ومسؤولية نشيلها اليوم وتكون سبب في قوتنا ونضجنا بكرة مو كل شيء نفقده خسارة ولا كل شيء يتأخر عنا حرمان ولا كل طريق يتغير يعني إننا ضايعين أحيانًا الله يغير مسار حياتنا بالكامل عشان يوصلنا لمكان أجمل من المكان اللي كنا نتمناه فلا تخافون من التغيير وثقوا إن تدبير الله دائمًا أرحم وأحكم من تدبيرنا وإن الخيرة أحيانًا تكون في الشيء اللي ما اخترناه 🩵🩵

كرري اية ( ربي اني لما انزلت الي من خير فقير ) 🤍

تبون تأثير عبور الزهره على زهرة الشريك او على مريخ الشريك | 😉😉😉

♒ طالع الدلو | البيت العاشر العمل والسمعة المهنية وامور تخصها بيكون عندكم رغبة تغيرون وضعكم المهني ✅✅ راح تبدون مشروع مهني جديد او مالي 💰 مسؤولية جديدة راح تمسكونها بترجعون تعيدون التفكير بعلاقتكم مع مدير أو بمكانكم الحالي قرار بتقررونه يخص الخطوة المهنية القادمة لكم ✅ امر جديد عائلي

لالا طبيعي عبور اي قمر على بيتكم الثاني عشر يجيب كتمه وخوف وعزله وصمت ويدخلكم في دوامات نفسيهه عادي تقبلوا العبور وتحمموا بملح خشن نصيحتي والله يخفف عليكم ثقل طاقة الثاني عشر كثير ✅✅ نزلت التأثير ع طوالع العقرب + الولاده هذي بتفتح لك امور مهنيه كثير خلال هالشهر

♏ طالع العقرب | البيت الأول أنتم أبطال هذي الولادة لأنها بتكون لكم بداية شخصية جديدة بيكون عندكم رغبة بتغيير المظهر و أسلوب الحياة ✅✅ قرارات تخص هويتكم وشكلكم اتخذوها بدون تردد 😉 قرارات تخص مستقبلكم اتخذوها بدون ماتدخلون احد فيها ( نصيحة) 🤷🏽‍♀️ بيكون فيه امر عاطفي مابتتقبلونه بترفضونه امر عائلي بتوقفون بوجهه برضو امر مهني بتتخذونه بكل صرامه ممكن تحسون انكم تغيرتم وما عدتم تتقبلون أشياء كنتم تسكتون عنها سابقاً وعادي طبيعي

♋ طالع السرطان | البيت الخامس الحب والرومانسية راجعين لكم ( الفتره الاخيره يمكن مشاعركم كانت راكده) مشاعر قوية بتطغى عليكم ✅✅ انجذاب لشريك حالي او شخص جديد رغبة بالاهتمام ( تكلموا واطلبوا بدون ماتدخلون الدراما بالموضوع ) 😂😂 رجوع تفكير بشخص قديم ✅ مشروع بتبدون فيه بيدر عليكم مال علاقة عاطفية مو واضحه بتحطون فيها قرارات مع تراجع عطارد في خامسكم ... راح يرجع لكم اشخاص من الماضي (انتي شخصياً يربع قمرك لذلك لا تخافين من اي مشاعر جديده تحسين فيها ولا تقاومينها مشي الحياه بشكل طبيعي )

بكل قوه وامتياز .. استغلي وقت قبل النوم اذا تبين تتخاطرين مع احد 👏👏

♉ طالع الثور | البيت السابع العلاقات مسوين عليها فوكس وبتكون تحت المجهر ✅ بتوصلكم مصارحات ✅ بتتخذون قرار لشراكة عاطفية ✅ أمر مهني بتغيرونه 👏 بدايته خير لكم رغبة بمعرفة نوايا الطرف الاخر ✅ حاولو ماتركزون كثير لأن قمر العقرب يحب التهاويل البعض ممكن يفكر بخطوة عاطفيه جدية والبعض يكتشف إنه يحتاج يحط حدود

🌑🦂 ولادة القمر في العقرب.. مشاعر عميقة وتحولات قوية👏 الولاده هذي طاقتها هادئة أبداً احنا قدام بداية جديدة لكن قبلها لازم تنتهي أشياء قديمة ✅✅ 🦂 القمر في العقرب | مشاعر غريبه سيطرت علكم الفتره السابقه كلها وكنتو مصدومين وش الي قاعد يصير أسرار انكشفت وشفنا فضايح على جميع الاصعده واكيد بحياتكم الشخصيه صارت انكشافات ومواقف طلعتوا فيها الي بقلوبكم🙂‍↔️ الحقيقه بانت وطلعت قدام الجميع عندكم رغبة قوية بالتغيير والتخلص من كل شيء يستنزفكم نفسيًا ☀️ اقتران الشمس بالقمر | بداية صفحة جديدة في بيت العقرب عندكم قرارات مصيرية ✅ ترتيب الأولويات لأن بيت العقرب عندكم كان مهمل الفتره السابقه ✅ راح تحسون انكم ما عاد تبون نفس الأشياء و العلاقات اللي كنتو متمسكين فيها بترخون يدينكم شوي 🔥 تربيع القمر والمريخ | يسبب عصبية و اندفاع وحساسية من أبسط التصرفات كونو رايقين ومارسو التنفس ترا الاتصال هذا مايجيب شيء غصب عنكم 😂😂 يجيب مواجهات ممكن تطلع فيها مشاعر وغضب مكبوت من زمان لاتاخذون قرارات وقت الانفعال ✅✅ 🌊 اتصال القمر بنبتون | حدس قوي وخيال واسع لكن بنفس الوقت ممكن تبالغون في تفسير المواقف و تشوفون الأشياء بالطريقة اللي تتمنون تكون عليها مو بحقيقتها 🗣️ اقتران القمر بعطارد | تفكير بالماضي ورغبة بالفضفضة وفتح مواضيع عاطفية قديمة كان مسكوت عنها 🩵 هذي الولادة جايبه لكم تنظيف عاطفي ونفسي عميق ومواجهة مشاعر كنتو تهربون منها كشف حقيقة مشاعركم تجاه أشخاص و وتقررون تحطون حدود وتبدون من جديد رسالة هالقمر لكل البشريه | مو كل شيء تخسرونه خسارة أحيانًا التخلي هو بداية التحرر والحياه الهاديه 🌑✨