فيلم سويسرا المرشح للأوسكار السنة دي فيلم بالعربي عن غزة، اسمه Who Is Still Alive. كنت بقرأ شوية عن الفيلم، واكتشفت إن الحكومه السويسرية منعت أبطال الفيلم من دخول سويسرا علشان يشاركوا في تصويره، فاضطر صناع الفيلم يصوروه في جنوب أفريقيا! اللي مش قادر أستوعبه إزاي فيلم زي ده يبقى ممثل رسمي لدولة منعت أبطاله أصلاً من دخول أراضيها علشان يصوروه! هو الموضوع بقى مجرد مين بيمول الفيلم؟ وإمتى الأفلام اللي بتمثل الدول في الأوسكار هتبقى فعلاً انعكاس للمجتمعات اللي بتمثلها؟ أنا مش ضد إن السينما تتخطى الحدود والجنسيات، بالعكس تماماً، بس شايف إن فيه تناقض يستحق النقاش لما دولة تتبنى فيلم لتمثيلها دولياً، وفي نفس الوقت أبطاله ماقدروش يدخلوا البلد علشان يعملوه.