⭕️ Ерөнхийлөгч Бага тэнгэрт 1.4 тэрбумаар хаус авсан гэсэн ч зах зээл дээр 7.5 тэрбумын үнэтэй байна 🟡 Ерөнхийлөгчийн тамгын газраас Х.Нямбаатарын өнгөрөгч амралтын өдрөөр хийсэн мэдэгдэлд хариу няцаалт хийв. Өөрөөр хэлбэл Ерөнхийлөгч У.Хүрэлсүхийн эзэмшлийн хөрөнгийн асуудлаар үүсээд буй маргааныг эцэслэхээр түүний хэвлэлийн төлөөлөгч Ц.Ганзориг дахин ил гарлаа. 🟡 У.Хүрэлсүхийн гэх Бага тэнгэрийн хаусын тухай тэрбээр, “Ерөнхийлөгч өмнө нь өөрийн нэр дээрх хадгаламжаас 1.2 тэрбум төгрөгийг цувуулан авч, Бага тэнгэр орчимд байршилтай хаус захиалсан. 2022 онд 360 мянган ам.доллар, 2025 онд 200 сая төгрөг шилжүүлж захиалсан баримт байгаа” хэмээн мэдэгдэв. 🟡 Тэгвэл яг үнэндээ Бага тэнгэр дэх хаусыг 1.2 тэрбум төгрөгөөр худалдан авах боломж бий юу. Доллар 2022 онд 3144 төгрөг байсан гэж үзвэл тухайн үеийн ханшаар 1.2 тэрбум төгрөг, нэмэлтээр 200 сая төгрөг шилжүүлсэн гэвэл 1.4 тэрбум төгрөгөөр Бага тэнгэрт байрлалтай амины орон сууц худалдан авсан гэсэн үг. Харин зах зээлийн ханшаар Бага тэнгэр дэх сингл хаус дунджаар 7.5 тэрбум төгрөгийн үнэлгээтэй байна. Үл хөдлөх хөрөнгө худалдааны үнэгүй.мн дээрх заруудаас харахад Бага тэнгэрийн хаусууд нь 7.5 тэрбумын үнэтэй бөгөөд энэ зарууд нь гурваас нэг долоо хоногийн өмнөх зарууд байлаа. Ерөнхийлөгчид 1.4 тэрбум төгрөгөөр амины орон сууц худалддаг, харин ард иргэдэд 7.5 тэрбум төгрөгөөр худалддаг юм биш биз. Бага тэнгэр дэх “тэнгэрийн хаусуудыг 1.4 тэрбум төгрөгөөр авна гэдэг өөрөө байж боломжгүй мэт. Ямартаа ч Ерөнхийлөгч Бага тэнгэрт хаустай нь үнэн харин үнэ нь зах зээл байтугай санаанд багтамгүй хямд үнэтэй аж. mpress.mn/p/1009293

ВИДЕО | Хятадын гал сөнөөгчид Нөмрөгийн түймрийн улмаас дайжсан зэрлэг ан амьтдыг аюулгүй газар хүргэжээ

⭕️ У.Хүрэлсүхийн дүү холбогдсон учраас Засгийн газар хорь хоног дуугүй байв уу? 🟡 Нөмрөгийн дархан цаазат газарт түймэр дэгдээд 20 гаруй хоногийн хугацаа ард хоцров. Монгол Улсын Засгийн газар байгалийн үзэсгэлэнт тогтоц, ховор ан амьтад, Монгол Улсынхаа дархан хилийн тэрхүү эмгэнэлт явдалд нэг ч үг дугарахгүй хорь хонов. 🟡 Харин Нөмрөг дэх үйл явдалд Хятад улсын засгийн газар түймэрт 3400 алба хаагчаа дайчлан ажилласан. Хил дамнан дэгдсэн энэхүү их хэмжээний түймэрт Хятадын хэвлэлүүд Япон улсыг уучлалт хүсэх ёстой хэмээн шаардаж эхэлсэн нь олон улсын анхаарлын төвд авчрав. Улмаар өчигдөр буюу аравдугаар сарын 26-ны өдөр Япон улсын засгийн газраас Нөмрөгт дэгдсэн түймэрт эмгэнэл илэрхийлж, уучлалт хүссэн. Мөн түүгээр ч барахгүй учирсан хохирлыг барагдуулахад хамтран ажиллана гэдгээ илэрхийллээ. Өөрөөр хэлбэл Нөмрөгт учирсан хохирлыг нөхөн төлнө гэдгээ албан ёсоор мэдэгдэв. 🟡 Харин үйл явдал Монгол Улсад хэрхэн өрнөв. Олон улсын анхаарлын төвд орсон уг асуудлыг Монголын хэвлэл мэдээлэл ч зогсоо зайгүй мэдээлж, хариуцлага нэхсээр байв. Харин Монгол Улсын Засгийн газар Н.Номтойбаярыг эс тооцвол Н.Учрал тэргүүтэй бусад эрхэм энэ явдалд хариуцлага нэхэх хумсын толионы чинээ үйлдэл хийгээгүй. Ийн Н.Учрал хорь хоногийн дараа анх удаа хил хамгаалах газрын генерал болон холбогдох албан тушаалтнуудыг цуглуулан ээлжит "поп жүжгээ" хийжээ. Хорь хоногийн дараах хожимдсон ухаарал гээч нь энэ үү. Эсвэл Ерөнхийлөгч У.Хүрэлсүхийн төрсөн дүү У.Отгонбаяраас улбаатай хэлээ залгисан мэт байв уу. У.Отгонбаяр тухайн багтай хамт байсан нь гэрэл зураг болон хэвлэл мэдээлэлд дурдсанаар нотлогдож байгаа. Иймээс Монгол Улсын Засгийн газар уг асуудлыг чимээгүй өнгөрөөх гэсэн боловч арга буюу олон улсын анхаарлын төвд орсноор үг дуугарахаас өөр аргаггүйд хүрсэн бололтой. Угтаа бол аливаа асуудалд түүчээлэн хариу арга хэмжээ авч, хариуцлага нэхэх ёстой Засгийн газрын ажил хэдий ч хэн нэр холбогдож, хэний хүү гэдгээс шалтгаалж асуудалд хандаж буй нь үүгээр харагдаж байна. ДЭЛГЭРЭНГҮЙ | mpress.mn/p/1009286

🟡 Том тендерт дандаа “ялдаг” Бодь группийн тухай 5 баримт Хотын дарга асан Х.Нямбаатар алс холын Канад руу шувуу болон нисч очин тэндээсээ 7 хоног бүр улс төрийн цуврал “контент” цацах болсон. Үүний нэг буюу хамгийн сүүлд уржигдар хийсэн лайв бичлэгтээ “Дэглэмийн хамгийн том санхүүжүүлэгч, түрийвч болсон хүн бол Бодь группийн үүсгэн байгуулагч Д.Баясгалан” хэмээн нэлээн ноцтой байж болзошгүй баримтуудыг түүвэрлэн ярив. 🟡 Ингэхэд Бодь групп хэзээнээсээ Монголын улс төр бизнест ингэтлээ хүч нөлөөтэй болсон юм бол. Төмөр зам, цахилгаан станц, сайжруулсан түлшний үйлдвэр, банк, уурхай лиценз гээд нэг л мэдэх нь ээ “Бодийн Баясгалан” гэх хүнийг тойрсон улс төрийн халуун сэдвүүд, томоохон тендер, хөтөлбөрүүд гарын арван хуруунаас хальж, эдүгээ Монголд хэрэгжиж байгаа том дүнтэй бүх гэрээ энэ группийн аль нэг компаниар дамжиж явдаг нь хууль мэт болжээ. Ингэхээр мань эр улс төрийн оролцоо, нөлөөгүй бол улсаас зарлаж буй том тендерүүдэд дандаа ингэж чиглэл бүрээр аль нэг компанин нь шалгараад байх боломж хэцүү гэдгийг хэн ч гадарлана. Тэгвэл “Бодь”-ийн Д.Баясгаланд олноос давсан ид шид юм уу эсвэл ямар нэгэн үл үзэгдэх гар дээрээс татаад байх шиг аз, од нь гийсэн томоохон дүнтэй тендерүүд бэлэг мэт очдогийг доорх баримтуудыг жагсаан, эрэмбэлж уншигч танд хүргэе. 🟡 1.Бодь интернэйшнл “Тавантолгой – Гашуунсухайт” 233,6 км төмөр замын төсөл. Төсөвт өртөг 1 тэрбум ам.доллар Д.Баясгалангийн улс төр, бизнесийн талбарт босоо аварга болох зам эндээс эхэлсэн мэт. Энэ бол тус компанийн хамгийн “алдартай” төсөл. Араасаа олон ч улс төрийн хэрүүл маргаан, хууль хяналтын байгууллагын анхааралд тогтмол ордог сэдэв гэхэд болно. Анх 2017 оноос эхлэн баригдсан Тавантолгой-Гашуунсухайтын 233,6 км-ийн босоо тэнхлэгийн төмөр замд ямар нэгэн тендергүй “улсын нууцад оруулж байгаад” шалгарсан гэгдэх Бодь групп зөвхөн энэ төсөлтэй холбоотойгоор улс төрийн маш олон сэдэв, сенсаацитай нэр холбогдож хоёр ч Ерөнхийлөгчийн нүүр үзэхдээ Бодь интернэйшнл группээрээ уг төслийг хийж гүйцэтгэсэн. Тухайн үед Бодь группийн захирал байсан А.Амундра эдүгээ гадаад улсад бүгж буй бөгөөд тэрээр улс төр ид халж байх үед “Би Бодь группийг хэнд, хэзээ хэдэн төгрөгийн авилга өгснийг мэднэ. Хууль зүйн сайд Б.Энхбаяр та /Нэг жилийн өмнө хууль зүйн сайд асан/ намайг төрийн хамгаалалтад авбал би бүх үнэнээ ярина” гэж байв. Ингээд бодохоор уг төмөр замын төсөлтэй холбоотойгоор хожмын нэгэн өдөр шалгаж, эргэж асууж ярих асуудал хожмын нэг өдрийн улс төрийн том сэдэв байх нь зүй. 🟡2. Тавантолгой–Гашуунсухайт / Тавантолгой–Зүүнбаян холболт. Төсөвт өртөг 218.08 тэрбум ₮ Бодь групп зөвхөн төмөр зам тавиад зогссонгүй. ТТ-ГШ-Зүүнбаянгийн төмөр замын холболтыг мөн л 218 орчим тэрбум төгрөгөөр барьж гүйцэтгэсэн. Энэ төсөлд хэрхэн шалгарч, ямар арга замаар гүйцэтгэгч болж ажилласан талаар тодорхой мэдээлэл байдаггүй. Ердөө л Тавантолгой төмөр замын нийтэлсэн гэрээний мэдээлэлд дурдагдсан түүхтэй. Энэ холболтын төсөл нь “Бодь” группийн Д.Баясгалан цаашид төмөр замын олон арван төсөлтэй нэр холбогдох, ажил төсөл хөтөлбөрүүдийг өөрийн компаниар дамжуулах ердөө эхлэл болно. mpress.mn/p/1009273

Нийслэлийн Засаг дарга бөгөөд Улаанбаатар хотын Захирагч Б.Пүрэвдагва: Эрүүл мэндийн салбарын байгууллагуудыг өвлийн ачаалалд бүрэн бэлтгэх, тусламж үйлчилгээг иргэддээ түргэн шуурхай, хүнд сурталгүй хүргэхэд онцгойлон анхаарч ажиллаж байна. Эрүүл мэндийн салбарт цаг алдалгүй шийдвэрлэх нэн шаардлагатай асуудлуудыг 2026 оны төсвийн тодотголд тусгаж, 2027 оны төсөвт суух хөрөнгө оруулалтын саналуудыг хэлэлцлээ. Мөн нийслэлийн Эрүүл мэндийн газрын харьяа байгууллагуудад түргэн тусламжийн тусгай тоноглол бүхий авто машин гардуулж өглөө. Нийслэлийн Эрүүл мэндийн төвүүдийн удирдлагатай хийсэн уулзалтаас...

ТОЙМ | Ногдол ашиг буцаж, төсвийн ил тод байдал гацаж, амлалт уралдсан долоо хоног Дэлгэрэнгүй | mpress.mn/p/1009270

Х.Нямбаатарын мэдэгдэл Б.Жавхланг Ерөнхийлөгчийн сунгаанаас хаслаа Хотын дарга асан Х.Нямбаатарын өчигдөр хийсэн мэдэгдлийг 800 гаруй мянган хүн үзжээ. Товчхондоо бол сенсааци тарьж. Х.Нямбаатарын мэдэгдлээс хамгийн онц сонирхолтой нь “МУ-ын шинэ Ерөнхийлөгч Болдын Жавхлантай танилц. Ерөнхийлөгч өөрийн үеэл дүүгээ дараагийн Ерөнхийлөгч болгоод өөрөө цаашаа “Дэглэм”-ээ удирдана гэдэг бодлоо надад хэлж байсан. Надаар “МАН-ын дараагийн даргад нэр дэвшихгүй” гэж өргөдөл бичүүлж авсан” гэдэг хэсэг байлаа. Ийн Х.Нямбаатарын “Дэглэм”-ийн тухайд хэлсэн нь 2027 оны Ерөнхийлөгчийн сонгуулийн өмнөх улс төрийн байрлалд нөлөөлөхөөр болчихлоо. 2027 оны Ерөнхийлөгчийн сонгуульд МАН-аас хэнийг нэр дэвшүүлэх тухай таамаг аль дээрээс яригдаж эхэлсэн. Г.Занданшатар сурталчилгаагаа хэдийнэ эхэлсэн бол УИХ-ын дарга С.Бямбацогт ч санаатай байгаа нь хэн бүхэнд илт харагдана. Цаашлаад Ж.Энхбаяр, Л.Энх-Амгалан гээд олон жилийн туршлагатай улстөрчидс бий. Тэдний дунд УИХ-ын гишүүн, Сангийн сайд асан Б.Жавхлан жагсаж байв. Б.Жавхланг Ерөнхийлөгч У.Хүрэлсүхийн үеэл гэж хэвлэлүүдэд бичиж, тэдний улс төрийн ойр харилцааг эртнээс онцолсоор ирсэн. Тиймээс зөвхөн хувь хүнийх нь улс төрийн замналаас гаднаУ.Хүрэлсүхтэй холбоотой хэсгийг нь сонгуулиар хөндөх нь зүй ёсны явдал. Хэрэв МАН Б.Жавхланг дараагийн Ерөнхийлөгчид нэр дэвшүүлэхээр шийдвэл Х.Нямбаатарын хэлсэн үг нотлогдож У.Хүрэлсүх Ерөнхийлөгч маань “Дэглэм”-тэй, “Дэглэм” нь улс төр, бизнес, бусад намыг хамарсан гэдэг нь бодит үнэн байжээ гэж олон нийт ойлгох болно. Цаашлаад улстөрчдийн нэгэнт зурсан зургаар зохиогдох сонгуульд хэн ч оролцохыг хүсэхгүй, Б.Жавхланг дэвшүүлсэн МАН ч Ерөнхийлөгчийн сонгуульд ялахгүй. Ийм том эрсдлийг одоо МАН гаргахгүй байх. Тэгэхээр Болдын Жавхлан гэдэг кандитат Ерөнхийлөгчийн сунгаанаас албан ёсоор хасагдчихлаа гээд хэлэхэд буруудахгүй.

Ц.Элбэгдорж: Хэвлэл төрөөс санхүүжилт авахыг хуулиар хориглоё. Харин иргэд, аж ахуйн нэгжээс тэдний үйл ажиллагааг нь дэмжиж өгсөн хандивыг татвараас чөлөөлдөг. Тэр дэмжлэг, зарцуулалт нь нэр устайгаа ил тод, шилэн байдаг. mpress.mn/p/1009264