واحد من اقل اللعيبة حضور في اي لحظة مهمة في مسيرته توج بالبالون دور لمجرد انه راح دوري وهمي، اهم صحفي في العالم كان بيقول عليه هو في حد بيشوف الدوري ده، سجل ارقام كبيرة، مكانش احسن لعيب في دوري الأبطال ولا ظهر لما فريقه احتاجه -كالعادة-.. ولعب كاس العالم ومكانش احسن لعيب اداء في بلده بشهادة صحفيين بلده ومدرب المنتخب. لمجرد ان في قناعة متنامية ان هو مظلوم وبيعمل اللي عليه و بيساعد الفريق ومش دوره يجيب جون في ماتش مهم -امنع الضحك- اهم حاجة يساهم في البيلد اب مع لاعب الارتكاز ويجيب ٧٠ جون في بقية الماتشات اللي محدش بيشوفها. ٩٥٪ من اللي كسبوا البالون دور في سنين متابعتي اي مشجع عادي يقدر يقولك اهم لحظاتهم و اهدافهم في الموسم ده.. حاليًا انت محتاج خبير استراتيجي الماني عشان يقولك لقطات كين الحاسمة في الموسم اللي كسب فيه الجايزة. في وقت اللي البعض بيشوف فيها فوزه ب البالون دور انتصار على محاولات مبابي و لامين الاعلامية و اسلوبهم في تمييل الجايزة ناحيتهم.. وده طرح مظبوط كين مدخلش في المهاترات دي. وفي سنة انا شايف فيها ان مفيش مرشح مستحق بالكامل وكلهم موسمهم معيوب بشكل او ب اخر.. فوز كين من منظور موضوعي مش كارثة، وهيجي واحد يقولي ماهو مش بينافس كرستيانو ٢٠٠٨ يعني يا ريس ف عادي يكسب. و انا فعليًا معنديش مشكلة مع كين، بل في فترة طويلة من مسيرته كنت بتمناه في مدريد، ومقتنع انه تيم بلاير عظيم ومستعد يبذل مجهود كبير عشان فرقته.. بس الكورة مش رياضة نوايا يعني بالذات لو انت لعيب متكرر الوجود في مسرح الجريمة في ما يخص الاختفاء في الماتشات الحاسمة في مسار البطولات. بس تاني، هو مبابي و لامين حسموا ايه يعني الموسم ده؟ ف عادي بقى.. مجبورة ان شاء الله يا رجالة.