મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે અમદાવાદ ખાતે ઈન્ડિયન આર્થ્રોપ્લાસ્ટી એસોસિએશનની 12મી એન્યુઅલ કોન્ફરન્સ (IAACON 2026)નો શુભારંભ કરવામાં આવ્યો હતો. મુખ્યમંત્રીશ્રીએ આ અવસરે જણાવ્યું હતું કે, ગુજરાતે હંમેશા દેશને દિશા બતાવવાનું કાર્ય કર્યું છે ત્યારે, આ કોન્ફરન્સમાં જ્ઞાનના આદાન-પ્રદાનના માધ્યમથી માનવતાને પીડામુક્ત જીવન પ્રદાન કરવા માટે ગુજરાતની ધરતી પરથી નવા વિચારોનો ઉદય થશે. તેમણે આ વાર્ષિક કોન્ફરન્સને માનનીય વડાપ્રધાન શ્રી નરેન્દ્રભાઈ મોદીના ‘યહી સમય હૈ, સહી સમય હૈ’ના મંત્રને ચરિતાર્થ કરનાર ગણાવી, આરોગ્ય ક્ષેત્રે કેન્દ્ર અને રાજ્ય સરકાર દ્વારા કરવામાં આવી રહેલા સંનિષ્ઠ પ્રયાસોની રૂપરેખા આપી હતી. મુખ્યમંત્રીશ્રીએ સસ્તી અને ગુણવત્તાયુક્ત આરોગ્ય સેવા-સુવિધાઓ પૂરી પાડવા માટે રાજ્ય સરકારની પ્રતિબદ્ધતા વ્યક્ત કરી, આ કોન્ફરન્સ જ્ઞાનના આદાન-પ્રદાનની સાથે નવા સહયોગ, સંશોધનના નવા પ્રોજેક્ટ્સ અને ભવિષ્યમાં આરોગ્ય ક્ષેત્રે ઊભા થનારા પડકારોના ઉકેલ માટેનું મંચ બનશે તેવો વિશ્વાસ વ્યક્ત કર્યો હતો.

LIVE: મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે ઇન્ડિયન આર્થ્રોપ્લાસ્ટી એસોસિએશનની એન્યુઅલ કોન્ફરન્સ (IAACON 2026)નો અમદાવાદ ખાતે શુભારંભ. xitter.cf/i/broadcasts/1dxYlaEee…

મુખ્યમંત્રી શ્રી ભૂપેન્દ્રભાઈ પટેલ અને સ્કોટલેન્ડ ગવર્નમેન્ટના ફર્સ્ટ મિનિસ્ટર શ્રી જોન સ્વિનીની ઉપસ્થિતિમાં ગાંધીનગરમાં ગુજરાત સરકાર અને સ્કોટલેન્ડ ગવર્નમેન્ટ વચ્ચે એક મહત્વપૂર્ણ MoU સંપન્ન થયા હતા. આ MoU અન્વયે ગુજરાત અને સ્કોટલેન્ડ વચ્ચે પરસ્પર મિત્રતા અને સમજણનો સેતુ સુદ્રઢ બનાવવાની સાથોસાથ પીપલ કનેક્ટ, ઈકોનોમિક રિલેશન્સ ડેવલપમેન્ટ તેમજ સસ્ટેનેબલ એન્ડ ઈન્ક્લુઝિવ ઈકોનોમિક ડેવલપમેન્ટ ઉપરાંત ઈનોવેશન અને સમૃદ્ધિ માટેના સહયોગને પ્રોત્સાહિત કરવામાં આવશે. એટલું જ નહિ, નોલેજ એન્ડ એક્સપિરીયન્સ શેરિંગ તેમજ મ્યુચ્યુઅલ ઈન્ટરેસ્ટના ક્ષેત્રોમાં પણ વ્યવહારૂ સહયોગની તકો વિકસાવાશે. ગુજરાત અને સ્કોટલેન્ડ વચ્ચેના સમાન હિતો ધરાવતા સેક્ટર્સમાં પરસ્પર સહયોગથી આગળ વધવામાં પણ આ MoU ઉપયુક્ત બનશે તેમજ એક્યુકેશન એન્ડ સ્કીલીંગ, સ્પોર્ટ્સ અને એનર્જી સેક્ટરમાં ડાયલોગ અને ટ્રસ્ટ તથા મિનિંગફૂલ પાર્ટનરશીપ ઊભી થશે. સ્કોટલેન્ડના ફર્સ્ટ મિનિસ્ટરશ્રીએ કલ્ચર, સ્પોર્ટ્સ, રિન્યુએબલ એનર્જી તથા લાઈફ સાયન્સીસના ક્ષેત્રોમાં ગુજરાત-સ્કોટલેન્ડ વચ્ચે આ સમજૂતિ કરારથી નવી વિકાસ તકો ખૂલશે તેવો વિશ્વાસ દર્શાવ્યો હતો. તેમણે ઓફ-શોર એનર્જીમાં સ્કોટલેન્ડની એક્સપર્ટીઝનો લાભ ગુજરાતને આપવાની ઉત્સુક્તા પણ દર્શાવી હતી. મુખ્યમંત્રીશ્રીએ આ સંદર્ભમાં પ્રતિભાવ આપતાં કહ્યું કે, ગુજરાત સમગ્ર દેશમાં રિન્યુએબલ એનર્જી ક્ષેત્રે અગ્રણી રાજ્ય છે. એટલું જ નહિ, સૌથી લાંબો દરિયા કિનારો ધરાવતા ગુજરાતમાં ઓફ-શોર એનર્જીની પણ વિપૂલ સંભાવનાઓ અને ક્ષમતાઓ રહેલી છે. સ્કોટલેન્ડ ઓફ-શોર એનર્જીમાં ગ્લોબલ લીડર છે ત્યારે એ તજજ્ઞતામાંથી માર્ગદર્શન મેળવવા અને અભ્યાસ માટે ગુજરાતનું એક ડેલિગેશન સ્કોટલેન્ડ મૂલાકાતે જાય તેવો સુઝાવ પણ મુખ્યમંત્રીશ્રીએ બેઠક દરમિયાન વ્યક્ત કર્યો હતો.

મુખ્યમંત્રી શ્રી ભૂપેન્દ્રભાઈ પટેલે લઘુ ઉદ્યોગ ભારતી દ્વારા આયોજિત ઈન્ડીયા ઈન્ડસ્ટ્રીયલ ફેર 'ઉદ્યમ-2026'નો ગાંધીનગરના હેલિપેડ ઈવેન્ટ એક્ઝિબિશન સેન્ટર ખાતે ઉદઘાટન કરીને વિવિધ સ્ટોલ્સની મૂલાકાત લીધી હતી. તા.23 થી 26 ઓક્ટોબર-2026 સુધી ચાલનારા આ ભવ્ય ઔદ્યોગિક મેળામાં દેશભરમાંથી આવેલા 500થી વધુ પ્રદર્શકો દ્વારા વિવિધ 12થી વધુ સેક્ટર્સમાં અત્યાધુનિક ટેક્નોલોજી, પ્રોડક્ટ્સ અને ઉદ્યોગ સાહસોના પ્રદર્શન ઉપરાંત બિઝનેસ નેટવર્કીંગ, રોકાણ ચર્ચાઓ, નિષ્ણાતો દ્વારા માર્ગદર્શક સત્રો અને અદ્યતન ઔદ્યોગિક રજૂઆતો તેમજ B2B, B2G મિટીંગ્સનું પણ આયોજન કરવામાં આવ્યું છે. લઘુ ઉદ્યોગ ભારતીનો આ એક્સપો MSME, ઈનોવેશન્સ, એન્ટરપ્રિનીયોરશીપ અને ઈકોનોમિક ગ્રોથ માટેનું સક્ષમ મંચ બનવા સાથે આત્મનિર્ભર ભારત અને મેઈક ઈન ઈન્ડીયાના માનનીય વડાપ્રધાન શ્રી નરેન્દ્રભાઈ મોદીના ધ્યેયને બળ આપશે.

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં જનસેવાના સંકલ્પ સાથે છેવાડાના નાગરિકો સુધી સુખ, સુવિધા અને સુખાકારીનાં ફળ પહોંચાડતા ગુજરાતના સમાચાર. #અગ્રેસર_ગુજરાત

મુખ્યમંત્રી શ્રી ભૂપેન્દ્રભાઈ પટેલે આજે ગાંધીનગર ખાતે આયોજિત રાજ્ય સ્વાગત ઓનલાઈન જનફરિયાદ નિવારણ કાર્યક્રમમાં ખેતી-ખેડૂત, જનસુવિધા, જમીનના દબાણ, ગ્રામીણ સડક જેવી નાગરિકોની વિવિધ રજૂઆતો અને સમસ્યાઓ પ્રત્યક્ષ સાંભળ્યા હતા. મુખ્યમંત્રીશ્રી દ્વારા સંબંધિત વિભાગના અધિકારીઓ સાથે રૂબરૂ તેમજ જિલ્લા-તાલુકાના વહિવટી તંત્રના અધિકારીઓ સાથે વિડિયો કોન્ફરન્સ દ્વારા ચર્ચા-પરામર્શ કરીને આ રજૂઆતોના તાત્કાલિક નિવારણ માટેના નિર્દેશ આપ્યા હતા.

મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે આજે ગાંધીનગર ખાતે કાઠી દરબાર એજ્યુકેશન ટ્રસ્ટના 'કાઠિયાવાડ ભવન'નું લોકાર્પણ તેમજ આ ભવન નિર્માણમાં યોગદાન આપનાર તમામ દાતાશ્રીઓને સન્માનિત કરવામાં આવ્યા હતા. મુખ્યમંત્રીશ્રીએ માનનીય વડાપ્રધાન શ્રી નરેન્દ્રભાઈ મોદીના 'સૌનો સાથ, સૌનો વિકાસ, સૌનો વિશ્વાસ અને સૌના પ્રયાસ'મંત્રને દોહરાવતાં કહ્યું હતું કે, શિક્ષણ એ માત્ર વ્યક્તિગત પરિવર્તનનું સાધન નથી, પરંતુ સમગ્ર સમાજ અને રાષ્ટ્ર નિર્માણનું શક્તિશાળી માધ્યમ છે. શહેરોમાં રહીને અભ્યાસ કરતા યુવાઓને અભ્યાસ સાથે આવાસની સુવિધા આપવા માટે વિવિધ સમાજોના ભવનો સરકારના પ્રયાસોમાં પૂરક બનીને સમાજના સહયોગથી વિકાસને વધુ વ્યાપક બનાવે છે એમ તેમણે ઉમેર્યુ હતું. મુખ્યમંત્રીશ્રીએ 'વિકસિત ભારત-2047'ની નિર્માતા એવી યુવાશક્તિના ભવિષ્યને કેન્દ્રમાં રાખીને કાઠી દરબાર એજ્યુકેશન ટ્રસ્ટના ભગીરથ પ્રયાસ બદલ અભિનંદન પાઠવતા જણાવ્યું હતું કે, કાઠિયાવાડની ધરતી ધર્મ, ભક્તિ અને શૌર્યની સમૃદ્ધ પરંપરાનો વારસો ધરાવે છે. કાઠી સમાજે પોતાની ગૌરવશાળી પરંપરાને જાળવી રાખીને શિક્ષણ, જ્ઞાન, કૌશલ્ય અને આધુનિક વિચારધારા દ્વારા સમાજને નવી ઊંચાઈઓએ લઈ જવાના કરેલા સંકલ્પની સરાહના કરવાની સાથોસાથ મુખ્યમંત્રીશ્રીએ 'વિકસિત ભારત, વિકસિત ગુજરાત' સંકલ્પમાં કાઠી સમાજને સહભાગી બની પર્યાવરણ સંરક્ષણ માટે 'એક પેડ મા કે નામ', 'વોકલ ફોર લોકલ' અને 'સ્વચ્છતા' જેવા અભિયાનોમાં યોગદાન આપવા આહવાન કર્યુ હતું.

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં વિવિધ પહેલ દ્વારા અક્ષય ઊર્જાને પ્રોત્સાહન થકી ઊર્જા આત્મનિર્ભરતા માટે કટિબદ્ધ ગુજરાતના સમાચાર. #અગ્રેસર_ગુજરાત

મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે આજે માનનીય કેન્દ્રીય ગૃહ-સહકાર મંત્રી શ્રી અમિતભાઈ શાહના જન્મદિન નિમિત્તે આયોજિત સેવાકાર્યોના ભાગરૂપે અમદાવાદના ઓગણજની આંગણવાડી કેન્દ્ર-6 ખાતે બાળકોને પૌષ્ટિક આહાર મળી રહે અને તેમના સ્વાસ્થ્યનું જતન થાય તે માટે બાળકોના વાલીઓને રાશન કિટનું વિતરણ કરવામાં આવ્યું હતું તેમજ બાળકોના પોષણ, આરોગ્ય અને સર્વાંગી વિકાસને પ્રોત્સાહન આપતા આ સેવાકાર્ય દ્વારા બાળકલ્યાણ પ્રત્યેની પ્રતિબદ્ધતા વ્યક્ત કરવામાં આવી હતી.

મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે રાજ્યના માહિતી ખાતા દ્વારા સંપાદિત ‘ગુજરાત દીપોત્સવી અંક-2082'નું આજે ગાંધીનગર ખાતે વિમોચન કરવામાં આવ્યું હતું. રાજ્યના પ્રતિષ્ઠિત લેખકો-સાહિત્યકારો દ્વારા કંડારાયેલ અભ્યાસ લેખો, નવલિકાઓ, વિનોદિકાઓ, નાટિકા અને કાવ્ય રચનાઓ ઉપરાંત ગુજરાતની સંસ્કૃતિને અભિવ્યક્ત કરતી તસવીરો સાથેનો આ વર્ષનો દીપોત્સવી અંક આપણી સાંસ્કૃતિક વિરાસતના પ્રતિબિંબ સમાન છે.

મુખ્યમંત્રી શ્રી ભૂપેન્દ્રભાઈ પટેલને ગુજરાત સરકારના જાહેર સાહસ ગુજરાત ખનિજ વિકાસ નિગમ લિમિટેડ (GMDC)ના 2025-26ના વર્ષના ડિવિડન્ડનો ₹223.54 કરોડનો ચેક રાજ્યના મુખ્ય સચિવશ્રી, મુખ્યમંત્રીશ્રીના મુખ્ય સલાહકારશ્રી અને GMDCના ચેરમેનશ્રી, GMDCના મેનેજીંગ ડિરેક્ટરશ્રી તથા અન્ય વરિષ્ઠ સચિવશ્રીઓની ઉપસ્થિતિમાં ગાંધીનગર ખાતે અર્પણ કરવામાં આવ્યો હતો. અત્રે ઉલ્લેખનીય છે કે, દેશની જાહેર ક્ષેત્રની અગ્રણી ખનન કંપનીઓમાં એક એવું રાજ્ય સરકારનું આ સાહસ ખનિજ સંસાધનોના સાયન્ટીફિક, એફિસિયન્ટ અને સસ્ટેનેબલ ડેવલપમેન્ટ દ્વારા રાજ્યના ઔદ્યોગિક તેમજ આર્થિક વિકાસમાં મહત્વપૂર્ણ યોગદાન આપે છે.

મુખ્યમંત્રી શ્રી ભૂપેન્દ્રભાઈ પટેલની ભારતીય નૈકા દળના વેસ્ટર્ન નેવલ કમાન્ડના ફ્લેગ ઓફિસર કમાન્ડીંગ ઈન-ચીફ વાઈસ એડમીરલ શ્રી સંજય વાત્સયને ગાંધીનગરમાં સૌજન્ય મૂલાકાત લીધી હતી. મુખ્યમંત્રીશ્રી સાથેની આ મૂલાકાતમાં તેમણે ગુજરાતના વ્યુહાત્મક સમુદ્ર કિનારાની સુરક્ષા અંગે ભારતીય નૌ સેનાની વિવિધ ગતિવિધિઓની જાણકારી આપી હતી. અત્રે ઉલ્લેખનીય છે કે, વેસ્ટર્ન નેવલ કમાન્ડના ફ્લેગ ઓફિસર કમાન્ડીંગ ઈન ચીફના નેતૃત્વ હેઠળ સમગ્ર અરબી સમુદ્ર, પશ્ચિમ હિન્દ મહાસાગર, હોર્મુઝ સ્ટ્રેટ, બાબ-અલ-મંડેલ સ્ટ્રેટ અને સુએઝ કેનાલ તથા મોઝામ્બિક ચેનલ અને કેપ ઓફ ગુડ હોપ જેવા મહત્વપૂર્ણ ચેક પોઈન્ટ્સ આવરી લેવાયા છે. આ ઉપરાંત, દેશના મહત્વપૂર્ણ પશ્ચિમી દરિયા કાંઠાનું રક્ષણ, વેપાર અને ઊર્જા માર્ગો સુરક્ષિત કરવા તથા ભારતની દરિયાઈ સરહદોનું રક્ષણ કરવામાં પણ વેસ્ટર્ન નેવલ કમાન્ડની પ્રાથમિક ભૂમિકા છે.

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં અવિક્ષિપ્ત અને સાતત્યપૂર્ણ વીજ પુરવઠો સુનિશ્ચિત કરી અવિરત પ્રગતિની ઊર્જા પૂરી પાડતા ગુજરાતના સમાચાર. #અગ્રેસર_ગુજરાત

જનસુરક્ષા અને કાયદો-વ્યવસ્થાની જાળવણીથી લઈને કુદરતી આપત્તિઓમાં નાગરિકોને સહાય કરવાની પોલીસ દળના જવાનોની કર્તવ્યનિષ્ઠાને કારણે ગુજરાત સમગ્ર વિશ્વમાં શાંતિ અને સલામતીના મોડેલ સ્ટેટ તરીકે પ્રસ્થાપિત થયેલ છે. આજના ‘પોલીસ સ્મૃતિ દિવસ’ નિમિત્તે પોતાની ફરજ દરમિયાન સર્વોચ્ચ બલિદાન આપનાર અમર શહીદ પોલીસ કર્મીઓના સાહસ અને સમર્પણ પ્રત્યે કૃતજ્ઞતા વ્યક્ત કરીએ. #PoliceCommemorationDay

મુખ્યમંત્રી શ્રી ભૂપેન્દ્રભાઈ પટેલની અધ્યક્ષતામાં રાજ્યમાં સતત વધી રહેલી વીજ માંગ અને પુરવઠાની પરિસ્થિતિની સર્વગ્રાહી સમીક્ષા માટે ઊર્જા મંત્રી શ્રી ઋષિકેશભાઈ પટેલ, રાજ્યમંત્રી શ્રી કૌશિકભાઈ વેકરીયા તેમજ સંબંધિત ઉચ્ચ અધિકારીશ્રીઓની ઉપસ્થિતિમાં ગાંધીનગર ખાતે એક મહત્વપૂર્ણ બેઠક યોજાઈ હતી. આ બેઠકમાં રાજ્યમાં ખેડૂતો, ઉદ્યોગો અને સામાન્ય નાગરિકોને અવિરત વીજ પુરવઠો સુનિશ્ચિત કરવા તથા તાજેતરમાં નોંધાયેલી વીજ માંગને પહોંચી વળવા સરકાર દ્વારા લેવામાં આવેલ સઘન પગલાં તેમજ ભવિષ્યના સુદ્રઢ આયોજન અંગે વિસ્તૃત ચર્ચા વિચારણા હાથ ધરવામાં આવી હતી. મુખ્યમંત્રીશ્રીએ બેઠક દરમિયાન થયેલી ગહન ચર્ચાઓ બાબતે ઊર્જા વિભાગને વધુ ગતિથી આગળ વધવા સ્પષ્ટ દિશાનિર્દેશો તથા માર્ગદર્શન પૂરું પાડ્યું હતું.