تساؤلات

#تساؤلات | ممكن تنزل سوالي اللي على علاقه مع شخص يعني حب من جوال بس تملكوا او تزوجوا غيره كيف تأقلمتوا وش سويتوا مع اللي تحبونه هل انسحبتوا منه فجأه ؟

#تساؤلات | تزوجت زواج تقليدي بدون حتى مكالمات ماكلمني طوال الفتره ومر عيدين على فترة الملكة بدون هدايا ولا اي شي وكملت ٤ شهور الان متزوجه لكن مو مرتاحه ابداً لعدة اسباب كذب تافه حرص على المصاريف اذا بطلع لازم ادفع للعشاء لانه يطلب اعشيه يقول شاركيني بمصروف البيت مع ان ماخذت منه ولا ريال طوال الاربع شهور يصور حسابه انه مامعه شي ومطفر ويبي يتسلف مني غير ان بالسفر كان يتكلم بالمصاريف وان التاكسي اغلى من اوبر وهكذا ، مافي اهتمام بالجلسة والسوالف ولما اقول بجيب لعبه نلعب نقوي العلاقة مايحب يلعب يقول ماعندي صبر اذا اقول نروح سينما يقول مقدر اجلس ساعتين عشان فلم (هو مزوجينه مع اخوه) واضح الي ماهمه شي الا العلاقه الخاصه ولما اقول له ليه تكذب مافي تبرير ليه كذب قام يقول صليي على النبي ، وغير تفاصيل كثير مب مريحة يعني الشيء الايجابي الوحيد اذا دخلنا بنقاش يكون هادي بس . عمري ٣١ ومب مرتاحه بالبدايه كنت اقول يمكن طبيعي حياة جديدة ودام لسى بالبدايه وبدون اطفال اتخذت قرار الانفصال ومستعدة ارجع مهره فيه احد انفصل بسبب عدم الراحة ؟ ووش حس بعدين ؟

#تساؤلات | عمري ٤٠ ومتزوج ولدي ابناء وليس لدي اصدقاء واحس للامانه اني غريب يعني لدرجة ابوي وامي واخواني ما يتواصلون معي واذا جيتهم في الاعياد كل واحد مشغول بجواله او عياله والله يمر شهر شهرين ما يدق علي الا دوامي ولا مناديب توصيل وفي بيتي زوجتي ما تطبخ لي ولا تهتم بس قايمة بالاولاد اكلي اسويه بنفسي ولا من مطعم وملابسي اغسلها بنفسي واحيان اوديها المغسلة واذا قلت لها سويلي اكل قالت مالي شغل فيك علماً اني كريم معها اعطيها مصروف وامشيها حتى امس تسبني عند عيالي اسمعها وانا أصلس وقلت لها ليه تحرضين عيالي علي قالت وش تبي الحين أنت ؟ احس اني مهمش لاحد يبيني واذا يبوني بس وقت الحاجة يتذكروني ، هل هذا ابتلاء من الله او انا جيت في بيئة ما تصلح لي

#تساؤلات | السلام عليكم ورحمة الله وبركاته كيف تشوفون الزواج من رجل قصير القامة اقل من 155، بحيث تكون الزوجة أقصر منه؟ هل فرق الطول البسيط ممكن يكون عائق في الزواج والحياة الزوجية، أو مع الوقت يصير موضوع عادي ويكون التفاهم والشخصية أهم؟ وهل فيه تجارب تعرفونها؟ خلقة ربّي ،والطول والقصر بيده، اتقّوا الله بكلامكم🤍

#تساؤلات | السلام عليكم امس صار موقف بيني وبين زوجي وزعلت على نفسي الصراحة وتضاربنا هو كان برا البيت وانا بالبيت وقبل مايجي سويت اجواء ورتبت البيت ورتبت نفسي وطلبت له بوكيه ورد بمناسبة اليوم المميز 11/11 وقبل مايجي قلت له اختي عندي بالبيت لاتجي ذحين (كنت اجهز وقتها) وبالصدفة طلع جا ومالقي سيارة اختي وقعد يدق ويسال لين قلت له خلاص اطلع (لسى الورد ماجا) ويوم جا وين اختك ووين السيارة!! وقلت له مقلب بس عشان مجهزة لك مفاجاة ماصدقني قال بلا كذب ايش كنتي تسوين ووين اختك ووو وتضاربنا هل لي حق ازعل ولا انا دراما ؟ ولا هو منجد غلط وحاول يشكك فيني وفي ثقتي زعلانه مره وبكيت وقفلت على نفسي وهو ماهمه فوق غلطه ايش الحل والله ماراح ارضى بسهولة حسيت عيب الي انقال

#تساؤلات | زوجي قالي كلام جارح وفيه إهانه وذل واحس بمووت من القهر كل ما اذكره خصوصاً انه قاله بدون سبب وبدون ما اسوي شيء يأذيه وكان يعلق علي تعليقات زفته كذلك وانا اضطريت امشيها له لاني كنت حامل وولدت هو تعدل شيء بسيط بعد فترة لكن خلاااص قلبي طاب منه وعفته وكل يوم ادعي عليه والله ما يمر يوم إلا واتذكر كلامه واحس بنااار ف قلبي ووجع لدرجة مرات اخاف يجيني شيء من القهر احسني مو قادره أكمل حياتي معه ولا قادره انفصل ماعندي إلا اخو واحد ولا ابي أجيه ف بيته اخرب حياتهم واخاف على بنتي تتعقد كل يوم ادعي ربي يمسح على قلبي ويهدي بالي لكن تعبتتت هل فيه مستشارين ممكن يساعدوني إذا احد يعرف يحط رقم لهم او موقع او لو احد عنده حل ؛(؟؟؟

#تساؤلات | السلام عليكم بسالكم ليش الرجل اسرع من المرأه في الجري ؟ حتى لو كانت رياضيه يكون اسرع منها يسبقها ليش؟

#تساؤلات | السلام عليكم انا ابي مشورتكم نصائحكم متزوج لي سنه وعندي طفل وزوجتي عمرها 25 مدري وشفيها من بدايت حملها ومزاجها متقلب من بداية حملها صارت تطبخ على خفيف والصباح ما تسوي فطور كان عذرها الحمل تعبها سكت وتحملت والآن بعد مولدة مرتاحة عند اهلها من أول ما جت البيت ونفسها في خشمها مالها خلق . تطلب مني إني اهتم بالبيبي اغير الحفاضة كذلك تطلب إني أسوي الرضاعة وهي بس ع الجوال وإذا وصلنا إلى محل تقول أنت تشيل البيبي دايم طلبتها تحس فيها تطفيش ما ادري وش تبي توصله وكل شوي تتوندق من اول م جت البيت م طبخت ولا شي مع اني مالي البيت من كل شي ابي نصيحتكم بحكمه هل اكلم امها او اخوها مع ان اهلها محترمين ابي حل

#تساؤلات | السلام عليكم، أنا من صغري بتعرض للنبذ والإقصاء، وهالشي أثّر على شخصيتي وخلاني خجول وما عندي ثقة اجتماعية. ما عندي صداقات، وما حدا بيبادر معي، وحتى لما بحاول أفتح حديث الناس بتجاملني وما بتتفاعل معي وبنص كلامي يمسك جواله ويكلم وانا قاعد بتكلم معه !! بحس ما عندي قبول اجتماعي بعكس بعض الأشخاص اللي الناس بتنجذب إلهم وبتبادر تتعرف عليهم بدون أي مجهود منهم. مع إني مهتم بنظافتي وكل شي، بس لليوم بعاني من هالمشكلة كيف ممكن أتخلص من هالشعور وأصير شخص عنده قبول اجتماعي والناس بتحب تتقرب منه؟

#تساؤلات | كيف نتصالح مع الماضي ؟

#تساؤلات | تعبني التفكير انا انقبلت في شركة سويت المقابله مع مديري المباشر و موظفه HR الحمدلله خلصتها وارسلو لي بعدها ب يوم ايميل رسمي اني انقبلت حتى ارسلي موقع الدوام وسالني متى تباشر وقلت جاهز في اي وقت وطلب مني بيانات كثيره منها الشهادة والسيرة والهويه والايبان وكل شي حتى ارسلو لي فورم اعبيه ولكن اتفاجى بعد ما ارسلتها انتظرت اسبوعين ويوم تواصل مع HR ارسلي هذي الرساله : صباح الخير يا غالي اعتذر منك يا غالي للأسف الشديد تم تأجيل الشاغر انت مرشح ولكن القرار مو بيدي من عند الاداره العليا انا الحين مشتت ما ادري هو صادق في كلامه ولا كنسلو بس يجاملني عطوني شوركم الله يسعدكم

#تساؤلات | السلام عليكم ورحمة ورحمة وبركاته ممكن تنزل استفساري جزاك الله خير انا شخصيه حساسه ورسمي مع الكل كيف اتخطى الحاله شاكر ومقدر

#تساؤلات | عقد قراني قريب وانا ماعندي اخوات واخوان تزوجوا قبلي وما اعرف ايش اكتب شروط وهل لازم احط مؤخر ولا مو مهم وايش الشروط اللي احطها ؟ انا اعرف الشخص ومتفاهمين على كل شيء على الوظيفه والطلعات والسفر والسواقه يعني فيه اشياء قالي عادي مسموح فيها واشياء رافضها وخلاص انا عارفتها وراضيه واحس مايحتاج احط شروط .. بس سالفة المؤخر هذي احسها غريبه وهل لازم احطه او لا

#تساؤلات | السلام عليكم بسالكم الي اطفالهم خلصو ثالث ابتدائي اكبر من ثالث كيف دربتوهم و حفظتوهم جدول الضرب دحين اختي ثالث ولازم تحفظه وهي من النوع الي ينسى بسرعه وتاخذ وقت على الاجابة وفصلها كله شاطر فالمعلمة تبي سريع سريع؟

#تساؤلات | بنات، ابغى من تجاربكم انتوا، مو من كلام الدكاترة، اللي ولدت طبيعي واللي ولدت قيصري، وش حسيتوا بجسمكم بعد الولادة؟ وش اللي تعافيها أسرع؟ وش اللي حسيتوا إنه ما خرب جسمكم؟ احكوا لي تجاربكم

#تساؤلات | انا تخصصي علاقات عامة ابغى اعرف وش الشهادات الاحترافيه المناسبه لمجالي ومن وين اقدر اخذها وكيف طريقتها

#تساؤلات | هل ممكن الأم تكون مصدر الأمان لاطفالها، وفي نفس الوقت تكون اكبر مصدر لجرحهم!؟؟ انا بنت عمري 23 سنه انا واختي عشنا معاناة ما يعلم فيها الا الله بعد طلاق امي من ابوي الله يرحمه، تغيرت علينا وصارت قاسيه مرااا، ضرب واهانات ودعوات علينا وتهديد وصراخ وكبرنا واحنا نحاول نرضيها ونتجنب زعلها لكن مهما سوينا ما يكفي وصل فيها الامر انها تحرمني من الاكل اذا كنت تعبانه وما قدرت اخلص شغل البيت صرت احس ان قيمتي عندها بقدر تعبي وكرفي والله اني اصحى من النوم ابكي واحيانا احلم بالظلم اللي اعيشه. تعبت نفسيًا وجسديًا وحتى صحتي تأثرت من كثر القهر والبكاء اقسم بالله ان كل كلمه كتبتها ما تعبر حتى عن ربع اللي نعانيه الى الان وان اللي نعيشه اكبر بكثير من انه ينحكى في منشور والله تمنيت الف مرة اني ما جيت للدنيا وتمنيت ربي ما يبتليني بأم تكون مصدر خوفي ووجعي بدل ما تكون مصدر اماني انا ما اقول ان الأم ما لها حق لكن هل الأمومه تعطي الانسان الحق انه يحطم نفسية بناته ويخليهم يتمنون الاختفاء من شدة الألم؟؟؟ سؤالي: هل بر الأم يعني نسكت عن ظلمها ونتحمل اذاها طول عمرنا؟!!

#تساؤلات | كم يحتاج وقت لتنفيذ الزياره عبر شمل بعد تقديم طلب التنفيذ؟

#تساؤلات | انا مطلعه وثيقة حضانه وطفلي عندي وعمره سنه وابوه من زمان مو شايفه والحين تو طلب زياره وانا بطلب ان الزياره تكون في المركز مايطلع فيه هل يوافق القاضي لان صغير واخاف عليه ويحتاج رضاعه وتغيير؟ برضو لو رفض القاضي وقال عادي ياخذه البيت وبعدها سحب ولا عاد رجعه للمركز انا في الحاله ذي ايش اسوي ؟ وش الشي الي يضمن لي الحين يعني تشوفون اطلع صك حكم بالحضانه علشان لو رفض يسلم اسلمه للشرطه ولا المركز يضمن لي

#تساؤلات | أنا مريت بفترة اكتئاب وقلق أهملت نفسي فيها مرررة، وزاد وزني وصار جسمي متأثر وتصبغات وزوائد.. ما صحيت على نفسي إلا يوم ملكت وانتبهت لكل التفاصيل، ومن كثر ما صرت حاسه بعدم ثقة وتعبت من هالوضع أجلت زواجي فترة عشان أنحف وأرجع أرتب نفسي ونفسيتي وأدخل حياتي الجديدة وأنا راضية. تعبانة من اللوم الداخلي، ومحتاجة نصيحة طيبة ودعوة صادقة.. واللي ما عنده كلمة حلوة أو دعوة تفتح النفس، تكفون يسكت