وأخذنا لعبة الشهر المنتظرة Phantom Blade Zero ومتأمل انها تطلع ممتازة وتبهرني. حجمها 133G ويبدأ تحميلها المسبق من اليوم.

بالضبط عشان كذا GTA VI جاية تنعش عالم الصناعة وتنقذه من الرمادية الكئيبة اللي تعيشها معظم الألعاب حاليًا

أخيرًا خلصت الموسم الأول، بطيحه لفترة من الوقت لأن مدري متى تبدأ الأحداث وعلى هذا المنوال يمكن أنفر منه للأبد. راجعين له باذن الله بعدما نخلص المسلسلات المهمة ومانحصل شيء نشوفه.

أكثر لعبتين أدمنتهم بهذا الجيل وبفارق عن البقية، كل لعبة تجاوزت فيها 300 ساعة لعب.

Resident Evil 4 (2005)

لحظة مشاهدتك ليوتيوبر صاعد خارج عن طاعة ميتاكريتيك

رحلتي أثناء سلسلة Dark Souls كانت ممتعة وغريبة للغاية، والمميز فيها اني بديتها من الثالث وأنهيتها بالأول، وأثناء هذه العملية العكسية كانت التجربة تتغير تمامًا مع كل جزء، وعلى عكس توقعاتي ماكنت أحس بالداونقريد ابدًا كلما نزلت من جزء لجزء آخر. بدأت بالثالث، استمتعت جدًا بخوض الرحلة بشكل تعاوني مع اصدقائي، كانت فعلًا ممتعة كتجربة فردية لكن التجربة التعاونية كانت هي الأجمل بنظري، وتوقعت ان المفروض استمتع بنفس هذا الشكل مع بقية الأجزاء. لكن يوم بدأت بالثاني ولسبب تعقيد التجربة التعاونية فيها ماقدرت اخلص كل المناطق بشكل تعاوني، واكتشفت ان التجربة التعاونية ماهي ضرورية في السلسلة واستمتعت جدًا بالتجربة الفردية رغم صعوبتها. ثم بدأت بالأول وكان هو الجزء الأخير بالسلسلة في رحلتي، الجزء هذا تحديدًا كانت تجربة ساحرة فردية تمامًا بدون أي تعاونات، ومع انها اقدم في الرسومات والأكبر في العمر ولكن مع ذلك تخللتها تفاصيل عابرة للأجيال تشعر وكأنها لعبة جديدة بأفكارها وتصاميمها. رحلتي مع هذه السلسلة جميلة وغامرة جدًا، احمل معها ذكريات رائعة تحديدًا عام 2016 مع الجزء الثالث، ترتيب تنازلي ولكنّه تصاعدي في الاحساس والوصول للذروة والمتعة، وكل جزء بنظري كان متكامل في جوانبه الخاصة. اعشق سلسلة Dark Souls.

من أكثر الألعاب الممتازة ريميك DEAD SPACE، لكن للأسف ما راح يكملون ريميك السلسلة بعد مبيعاتها المتواضعة مع ان كان عندي أمل انهم ممكن يكملونها. والحين مع اعادة هيكلة EA والقرارات الجديدة أتوقع صار من المستحيل نشوف أي شيء يتعلق بالسلسلة.

قبل اغلاق استوديو BioWare كان شغال على مشروع جديد من سلسلة Mass Effect باستخدام محرك Unreal Engine. اللعبة كانت في مرحلة ما قبل الانتاج بعد الاعلان عنها في 2020، واليوم تصبح لعبة منسية بعد اغلاق الاستوديو المطور.

والله صدمة! واحد من اكبر استوديوهات تطوير الألعاب وعنده عناوين عظيمة يعلن اغلاقه.. خبر محزن صراحة

هذه بتكون أبرز إضافات تحديث 2.5 الجديد للعبة Cyberpunk 2077، واللي بينزل يوم 22 أكتوبر. - دعم المودات على PS5 وإكس بوكس. - مهمتين جانبيتين، وحدة منها مرتبطة بأنمي Edgerunners 2. - أماكن جديدة تقدر تغيّر فيها شكل الذراعين واليدين الآلية. - خيار تعديل مجال الرؤية على الكونسول. - تقدر تستخدم مسدسين بنفس الوقت (المفروض من زمان بس هم يسوقونها شوي). - خمسة أطقم ملابس جديدة وتسريحات شعر إضافية. - محطة راديو لأغاني الأنمي وإضافات لوضع التصوير. - إصلاحات وتحسينات عامة. استوديو CD Projekt RED قاعد يطبخ لنا عشان نرجع نلعب اللعبة مرة ثانية.

الصور واضح قديمة ونزلها يوم اعجبته اللعبة، تاريخ نشر التغريدة يوم 19 والصور اللي صورها يوم 14 ولو الناس الناقدة تعبت نفسها شوي ودخلت حسابه بتحصله منزل صور للعبة وهو يلعبها مفهوم كلمة "Larper" الدخيلة علينا والاستقعاد عليها صاير مقرف جدًا

مسلسل Succession حواراته رهيبة لدرجة أقدر أعطيها تشبيه مثل البودكاست التثقيفي لتطوير الذات الي تقدر تسمعها وانت تاكل او تمارس تمارينك الصباحية أفضل مسلسل شفته من فترة طويلة