🚨MURARARITSWE🚨 Tubararikiye gukurikira ikiganiro kuri @RadioHuye (100.4 MHz) uyu munsi kuva saa kumi (16h00) kugeza saa kumi n'imwe (17h00) z’umugoroba. Iki kiganiro kiribanda ku myiteguro y’igihembwe cyo gutera ibiti n’amashyamba cya 2026/2027. 🗓️ 26 Ukwakira 2026 ⏰16h00 – 17h00 📍Radio Huye, 100.4 MHz #IgitiCyanjye, #UmurageWanjye

Umushinga Congo-Nile Itoshye (#CND Project) urimo gukora ibikorwa byo gukangurira Abaturage gahunda yo kubungabunga inkombe z’imigezi minini n’imito iboneka mu Turere umushinga ukoreramo. Ubu bukangurambaga bugamije kandi gukusanya ibitekerezo n’ibyifuzo by'Abaturage kuri iyi gahunda. Mu gihembwe cyo gutera ibiti n’amashyamba cya 2026–2027, Umushinga Congo-Nile Itoshye uteganya gutera ibiti byiganjemo ibiti gakondo n’ubwatsi bw’amatungo ku butaka bwo ku nkombe z’imigezi, bufatwa nk’umutungo rusange wa Leta, kuri kilometero 361 hagamijwe kuyibungabunga no kuyirinda iyangirika mu buryo burambye. Kubungabunga imigezi bifite akamaro kenshi, harimo: 🟢Kurwanya isuri no gukumira itwarwa ry’ubutaka, 🟢Kugabanya imyuzure n’izindi ngaruka z’ibiza, 🟢Guteza imbere ibikorwa bibyara inyungu bishingiye ku mazi, birimo ubworozi bw’amafi, ubukerarugendo n’inganda zitanga amashanyarazi akomoka ku mazi, 🟢Gusigasira amasoko y’imigezi n’ingano y’amazi mu buryo burambye, 🟢Kubungabunga ubwiza bw’amazi no kuyungurura ibishobora kuyanduza, 🟢Kurinda no guteza imbere urusobe rw’ibinyabuzima, 🟢Kurinda ibikorwa remezo n’imiturire byegereye imigezi, birimo imihanda, ibiraro, imyaka n’inyubako zitandukanye, 🟢Guhangana n’imihindagurikire y’ikirere, aho ibiti n’ibimera byo ku nkengero z’imigezi bifasha gufata imyuka yangiza ikirere no kugabanya ingaruka z’imihindagurikire y’ikirere. Kubungabunga imigezi ni ugusigasira umutungo kamere w’amazi, kurengera ibidukikije hagamijwe iterambere rirambye.