ياعديل الروح رد الروح قبل تموت غلّه
رد للعاشق صباه ورد له ماضي سنينه
بالشواهد ، والثوابت ، والحقايق ، والأدله
ما بعد بعدك غناه ولا بعد وصلك غبينه
القمر لو توقف بجنبه شغلت الكون كله
كيف تلقى الناس فارق واحدٍ بينك وبينه .
كل لحظه كانت بقربك عظيمه
عيا يكررها الزمن بعد ممشاك
ما عاد لـ التاريخ معنى وقيمه
عدًا على قلبٍ عجز ما تعداك
مشاعري بين إنتصار وهزيمه
من ليلةٍ فيها عرفتك لـ فرقاك
ممنون ... لكل الليالي القديمه
اللي بها صوتك ووجهك وملقاك .
في سكون الليله اللّي ماليه عيني رحابه
كل حاجه ساكنه تفضح من يتمتم بـ صوته
ياحبيبي، من يحبّك ماقدر يشكي صوابه
أنت حظ الطيّب اللّي ماتخير في بخوته
لك علي إن السهر لو طال ماطال إرتيابه
عاشقك لو هاب دورات الزمن ماهاب موته
سيّد البال .. تاخذني عليك الطواري
أثر مالي لو يطول الجفا عنك صدة
أنت ليلٍ .. تخاطفني عليه المساري
وأنا ما جابني لك غير صدق المودة
ودي آخذ من عيونك ومبسمك ثاري
شيّ يوخذ بـ لين و شيّ يوخذ بـ شدة
عاد و أنّ بان بين الساعدين إنكساري
من يلوم القوي لا بيّح الشوق سده .
مابقى لك في مشاويري مسافه
اعتقد حنا .. وصلنا لـ الأخير
الندم والعذر ودموع الحسافه
مالها قيمه بعد موت الضمير
البحر هادي و تغرينا ضفافه
بس لا هاج البحر موجه غزير
خايف من البُعد ؟ لا لا تخافه
لا تخاف البُعد و أحبابك كثير
اشكر احساسك على قل الكلافه
يا كبيرٍ طحت من عيني صغير .
أحبّك .. كثر ما قالوا هَنيك يا خلي البال
وأحبّك كثر ما أخفيتك عن رُبوعي وعذالي
حفظتك سِر ما يظهر على العالم ولا ينقال
زرعتك بين تنهيد الضلوع وبين غربالي
لك الله مال غيرك فالحَنايا والضمير ظلال
أقرب من قريب الخلق وأقرب لي من ظلالي .
وشلون تقطعني بـ سيف البعد قطاع الوصال
وأنا لو أقطع عرق قلبي ما قطعت وصالها
وشلون ماتشتاق ماترحم ماتذكر ما تسال
وشلون ما تطلق يدين كبلت بـ اغلالها
احفظ لها قيمة غلاها وأنتظرها من شمال
وإذا نستني هذي الدنيا وهذا حالها .
« أمّا أني أنساها نسى اللّٰه من نسى ذاك القبال »
استأذن العصر وانقادت خيوط الظلام
والليل تو ما استوى بشته على منكبه
الليل ستر الفضاء والطيب ستر النظام
والصمت ستر الشعور الا على المنتبه
الناس تطربهم القمرا وصوت الحمام
وانا الوحيد اللي - الثنتين ما تطربه .
والله إني شاري قدرك على حبٍ يدوم
لو يميل الوقت فينا ما يميل بي غلاك
كلما ضاقت بي الدنيا وهزتني الهموم
ما أتحرا غير قربك والسعادة في رعاك
ليه تكثر بيننا سود الظنون بلا علوم
وأنت تدري كيف قلبي بالحشا عايش معاك
بيننا عتب وتوضيح وسواياها تهون
ليه نشعل نار شكٍ ما لقى صدفه معاك؟
