قروب شعر

قناتي بالتليقرام ( ابيات مكتوبه ) قناتي بالواتس اب ( فيديوات قصيد ) سنابي ( صور وابيات ) جميع حساباتي في هذا الرابط : reach.link/group_she3er

من عاش عمره للمخاليق تبّاع يشرب فناجيل الغبن والمذله .

من توّلاه الحنين وذاق طعم .. الفرقى لو تشوف الناس من حوله تراه لحاله .

ماشتقت ماحنيْت ماضِاق لك بَال معُقوله قلبّك بالخطأ .. ما ذكرنِي .

يقولون الوله حاجه تجي سبة غياب أنسان وأنا ياما تعبت من الوله .. وأنت قدامي .

إنّ كان شوقي لك عن الذنب تطهير عزّ الله .. أن ما عاد باقي علي ذنب .

ليت الرجا بك .. يا هوى البال ما طال حسبت أني قمر ليلك أثر شوفك تعداني .

ما فيه داعي تعود .. لي على خبري انا من المستحيل ارجع على خبرك .

ما عاد تغريني الليالي والأيام الوقت علمني فنون التجاهل .

تذكرني ليا ضاق المكان وشانت ظروفك تراني مثل طيّات الذهب ما يختلف لوني .

بين حُب الجواب و بين كُره السؤال القلب لو تاه ماينزل عليه الوحي لازلت قدّ الفراق و قدّ حلو الوصال لو المفارق مصيبه و الوصال أريحي يازين والطق في موت المشاعر حلال إلى متى و أنت لا مقبل ولا منتحي ؟ يامقربك لو دعيتك بس كلمة تعال أثقل على خاطري من حاجة المستحي

غريب شكل الجرح ، لكنّ الاغرب شكلي وانا ادور .. لجرحك معاذير .

ياكثر ماكنت أزيح الناس ما أزيحك طرقت بابك وأنا الأبواب ما أطرقها .

ما عاد لي خاطر ولا عاد لي نفس ولا قمت ادوّر وصل من لا يجيني .

لا تعطي أكثر من المطلوب واللازم تراك لا طحت .. بيشوفونك مقصّر .

ماخفت من ليلة وداعك كثر خوفي تقفي وأنا أبيك .. وتعوّد وأنا سَامح .

اللي على أصغر عيوبي ما تحمّلني يا مرحبا بالظروف .. اللي تقفّي به .

ليت النوايا مالها ستر ولباس تظهر من صدور المخاليق جردى اللي تظنه غير عن كل هالناس بكره تشوفه مثل هالناس واردى .

الوجيه اثنين متبسم وعابس لا حداك الوقت لارقام الشريحه فيه رقمٍ لا قبس للنار قابس وفيه رقمٍ للسواليف المليحه الدليل تشوف معلاق الملابس مايقوم بدور معلاق الذبيحه .

يالله برزقٍ منك يغني عن الناس يغني عن ضعاف النفوس وعطاها .

وجيهنا فيها حيا ماله قياس تردنا عن شي يدنا تطوله حتى الكلام اللي يقولونه الناس والله حنا نستحي لا نقوله .