عــاش الزمــالك

يعنى مصر كلها كتبت إبراهيم فايق صاحب الإنفراد بخبر إقالة حسام حسن ، ليه أي إعلامى تاني يكون قبلها بيوم بينفي الخبر يحاول ينسب إنفراد لنفسه ؟ تعالي بهدوء نتكلم عن فارق مهم ، التوقع والخبر .. مصر كلها تقريباً كانت متوقعة رحيل حسام حسن ، حتى أنا فى قهوة فايق بعد أزمة المؤتمر الصحفي قولت بوضوح حسام حسن أيامه معدودة ، بس دى مش معلومة .. دى كانت مجرد رؤية للأحداث واستنتاج نهاية المشهد . لكن إبراهيم فايق قال معلومة حاسمة مفيش فيها نسبة مئوية ومسابش لنفسه مخرج من صياغة البوست ، انتهي الأمر رحيل حسام حسن ، دى صياغة إعلامية تطلب إعتذار رسمى منه لو محصلش اللى قاله .. ده الإنفراد .. وده يوضح قوة مصادر إبراهيم ، لان اليوم ده مكنش عادي ، ده كان ابو ريده بيستقبل نجوم الكورة المصريه من المعتزلين ، ومع ذلك الخبر ده مطلعش وقتها ، والبيان اللى صدر من الاتحاد كان معناه ان حسام مكمل ، فمحاولة الركوب على انفراد إعلامى له مصادره بتفكرنى بمحاولة لاعب كبر فى السن اشترك فى كرة عرضية سبقه مهاجم تاني وسجلها ، بس المهاجم الكبير فى السن قعد يشاور للحكم انه هو اللى سجل ! شوية إنصاف

واضح إن الـ Mentality متأثرة بوجبة إسكندر كباب زيادة صلصة و زبادي

أعتقد محمد صلاح مفترض انه من الذكاء اللي يخليه يكون مدرك الأحداث أخر 48 ساعة واستدعاء اسمه في ملف رحيل المدير الفني للمنتخب الوطني. ووجود رد فعل جماهيري غاضب عند قطاع كبير لا يمكن تجاهله بيحمله المسؤولية. خصوصاً إن الناس قدامها وقائع بدأت بعدم المشاركة في مباراة جنوب السودان 🇸🇸 وأنتهت بزيارة رئيس الاتحاد لصلاح في تركيا. فأعتقد أي تصرف دلوقتي يحتمل التأويل أو يوصل صورة فيها أي شكل من أشكال الاستفزاز فهو تصرف في رأيي يضر بالمنتخب ككل ويحط على المنتخب ضغوط ويحتاج من صلاح مراجعة نفسه والتحلي بالمسؤولية وتقدير الظرف