Meiko

استغفرالله العظيم من كل ذنب عظيم وأتوب إليه

ما يسادي عليّه لعبت في المطر🥲💔

حسبي الله بس سحبت عليهم ورجعت البيت وش حل السخونة تكفون نمت زين واكلت خافض وتروشت بماي بارد ولا نفع شي

على أساس جاية "الطوارئ" وللحين لاطعيني ساعة ونص بالانتظار ولا دخلت

ما ادري ليه بس دايم يروح عن بالي ان الطقس بالنخل يكون أبرد من الطقس عند بيتنا مع ان ما بينهم غير ثمان دقايق بالسيارة، توووبة اروحه بدون ما البس طبقات

دخلني هواء من يوم الاثنين وسخّنت حسبي الله على اللي حسدني

متت

يا زين النومة بدون مكيف زيناه والله صحة وعافية وهذا أكبر أسباب حبي للشتاء ترى المكيف يجيب الأمراض بس ما نعيش بدونه بغير ذا الفصل، تبًا لكارهيه

أجواء مثالية لغداء الثِيمج وخصوصا الكنعد😋

للتذكير بس استقبال المطر يكون بالدعاء والتسبيح والتهليل، مو بالأغاني، لا تشهرون المعصية في وجه النعمة عشان تدوم لنا

يارب انتا عارف ايش الهرجة

أخذت لفة بالمواقع اتفرج على الأوشحة ونقشاتهم عبارة عن: جلود حيوانات كاروهات شطرنج نقشة الشماغ الكشميري تقليد الماركات ولا يجيك سادة مول وولا شي منهم جايز لي☹️ ما ادري وش ابي يعني

خلوا عنكم دراريع المخمل هذي يبي لها اطلع الفروة🥶

أقذر المخلوقات اللي يقهرون الأم بعيالها، والمصيبة لا صارت هي أم أصلا يعني مفروض تعرف الشعور! ما يخافون ربهم

اعترف اني ما استخير وعلى طول ادعي اللهم اصرفه عني واصرفني عنه ثم اقول لهم استخرت وما ارتحت

مو آسفة لجميع المقشرات التجارية لأن مجرد حبتين سكر وقطرتين شاور جل تسكر كل ملفاتهم، ولو تطقمين معه اللوشن حقه تثبت الريحة أكثر الزيوت ما تعجبني معها لأن المقشر هدفه إزالة الجلد الميت وأحس الزيت يخرب هذي العملية ويدبق الدنيا، فيكون آخر خطوة مع الترطيب بالكريم أحسن

عودة العلاقات مع الاستشوار بس عشان انشف فروتي ولا استمرض

عن نفسي بغسلهم وبلبس وحدة بيوم الجمعة عاد انتم وبكيفكم