"Baksol yolu"nda kanalizasiya çökməsi nəticəsində 28 yaşlı Cümşüd Cümşüdlünün ölümünə görə Bakı Su Kanal İdarəsinin vəzifəli şəxsi Azər Cümşüdov səhlənkarlıqda təqsirli bilinərək 3 il azadlıqdan məhrum edilib. Cəzasını məntəqə tipli müəssisədə çəkəcək Cümşüdov ittihamı rədd edir.
2027-ci ildən EKTİS-də qeydiyyatı olmayan şəxslər kənd təsərrüfatı məhsullarını şirkətlərə satarkən 2% vergi tutula bilər. İstehsalçıların mövcud 100%-lik vergi güzəştinin isə 90%-ə endirilməsi təklif olunur. Ekspertlər bunun qiymətləri artıra biləcəyini istisna etmir.
BDU-nun dosenti Nərman Süleymanov barədə cinsi qısnama iddialarından 2 gün sonra evində ölü tapılıb; prokurorluq araşdırma aparır. Ertəsi gün Elçin Babayev BDU rektoru vəzifədən azad edilib, yerinə Məleykə Abbaszadə təyin olunub. Hadisələr arasında rəsmi əlaqə təsdiqlənməyib.
2027-ci ildən Azərbaycanda taksi sürücüləri sabit məbləğ (9-18 AZN) əvəzinə aylıq gəlirlərinin 1%-i həcmində sadələşdirilmiş vergi ödəyə bilər. Vergi operatorlar vasitəsilə tutulacaq: Bakıda 1800, regionlarda 900-1350 AZN-dən çox qazananın yükü artacaq, az qazananın isə azalacaq.
2027-ci il yanvarın 1-dən qeyri-neft-qaz özəl sektorunda 2500 AZN-dək maaşlardan tutulan gəlir vergisi 3%-dən 5%-ə (2028-də isə 7%-ə) yüksələcək. İlk 200 AZN-lik güzəşt qüvvədə qalır, amma işçilərin xalis gəliri azalacaq. Dəyişiklik dövlət və neft-qaz sahəsinə aid deyil.
QHT qanununa yeni dəyişikliklərlə şəffaflıq və maliyyə nəzarəti pozuntularına görə QHT-lərin fəaliyyəti məhkəməsiz 1 ilədək dayandırıla, "dövlət maraqlarına təhdid" və digər yeni əsaslarla ləğv edilə bilər. Fond yaratmaq üçün ilkin kapital 10 min AZN-dən 100 min AZN-ə qaldırılır.
Astara sakini Şəmistan Nabatzadəyə boşandıqdan sonra qərar verilir ki, o həftədə 2 dəfə övladları ilə görüşə bilər. Amma görüş icra olunmadığından o Polis İdarəsinə gedir. Orada ona "Sən qudurmusan, 30 sutka yat, ağlın başına gələr" deyib, Psixiatriya xəstəxanasına qapadıblar.
“Meydan TV işi” üzrə həbsdə olan baş redaktor Aynur Elgünəşin ağır böyrək əməliyyatından cəmi 1 gün sonra Kürdəxanı təcridxanasına qaytarılması planlaşdırılır. Vəkili Zibeydə Sadıqova onun həkim nəzarətinə ehtiyacı olduğunu, yaxınları ilə görüşünə icazə verilmədiyini bildirib.
AXCP-nin Sabunçu rayon şöbəsinin sədri Elnur Yusubov 30 sutka inzibati həbs edilib. Partiyanın məlumatına görə, o, sosial şəbəkədəki tənqidi paylaşımlarına görə İXM-in 388-1.1.1-ci maddəsi ilə təqsirli bilinib. Konkret hansı paylaşımına görə cəzalandırıldığı bəlli deyil.
Biznesmen Emin Ağalarov Afrikanın Esvatini Krallığında kral ailəsi üzvü şahzadə Majaha ilə tərəfdaşlıq çərçivəsində 60 lüks villadan ibarət “Sky Breeze” kompleksi tikməyi planlaşdırır. Layihənin onun bu ölkədəki $100 milyonluq investisiya planının hissəsi olduğu bildirilir.
5
219



















