Ndumva nshaka guhaguruka nkacyemura ikibazo😂 Nkabajene ndumva tutaba indorerezi gusa , ahubwo tube bamwe mubafata ibyemezo bitugenewe. Ejo mugitondo kare , saa moya za mu gitondo tuzindukire aho tuzatorera ku rwego rw’umudugudu, dushyireho alarm nibiba ngombwa. Kandi tuzatore twisanzuye kuko amatora ni ayacu, ijwi ni iryacu kandi n'ejo hazaza ni ahacu. #Amatora2026

Harabura umunsi umwe gusa ngo amatora y’inzego z’ibanze ku rwego rw’Umudugudu abe. Ku wa 24 Ukwakira 2026, turatora abayobozi bazadufasha kubaka Umudugudu wacu no guteza imbere imibereho y’abaturage. Muri aya matora, tuzatora: 🔹 Komite Nyobozi y’Umudugudu: Umukuru w’Umudugudu, ushinzwe umutekano, abinjiye n’abasohoka, ushinzwe imibereho myiza n’imibonezamubano, ushinzwe amakuru n’amahugurwa y’abaturage, n’us hinzwe iterambere. 🔹 Inama Njyanama y’Akagari: Abajyanama b’abagore, aho bagomba kuba nibura 30%, n’umujyanama uhagarariye Umudugudu. 🔹 Inama Njyanama y’Igihugu y’Urubyiruko: Abahagarariye urubyiruko, barimo abahagarariye urubyiruko muri rusange n’abahagarariye ibyiciro by’urubyiruko byemewe aho bihari. 🔹 Inama Njyanama y’Igihugu y’Abagore: Abahagarariye abagore, barimo umuhuzabikorwa, umuhuzabikorwa wungirije, umunyamabanga, n’abashinzwe inshingano zitandukanye. 🔹 Abahagarariye amatsinda atandukanye: Abasaza n’abagore, abafite ubumuga, abahinzi n’aborozi, abacuruzi n’abashoramari, n’abajyanama b’ubuzima. Aya matora ni amahirwe yo kugira uruhare mu ifatwa ry’ibyemezo, guhitamo abayobozi bizewe no gushyigikira iterambere ry’Umudugudu wacu. Ijwi ryawe rifite agaciro , byuka kare, ujye aho utorera kandi wuzuze inshingano zawe nk’Umunyarwanda. Ntuzabure , uzatora neza, ugire uruhare mu kubaka Umudugudu wawe. #Amatora2026