معاذ المشعلي | تسويق ونمو

أرامكو تبي تقول إن ملعبها مكيف. ما جابت لاعب ولا مذيع. جابت الزعاق @dralzaaq الرجال اللي كل الناس تعرفه من كلامه عن الطقس والمربعانية. وخلّته يقول: الشتاء وصل، بس بمكان واحد بالسعودية. هنا نجح الإعلان قبل ما يبدأ. المعلومة: عشرين ألف طن تبريد وكل كرسي له مكيف. لو قالها مهندس، محد كملها. قالها الزعاق بصوته وجالس على عشب الملعب، فصارت نكتة تنرسل، والرقم داخلها. ما اختاروا شخصية مشهورة. اختاروا شخصية اسمها مربوط بالفكرة نفسها. الطقس يعني الزعاق، والزعاق يقول الشتاء هنا، فالملعب صار بارد في راس الناس قبل ما يدخلونه. أغلب الشركات تختار الوجه الأشهر. والشاطرة تختار الوجه اللي الناس تربطه برسالتها من قبل.

مشروعك ما يكبر مو لأن منتجك ضعيف مشروعك ما يكبر لأنه واقف عليك أنت كل قرار لازم يمر عليك كل عميل زعلان يبي يكلمك أنت كل موظف يسألك قبل ما يتحرك وأنت تحسب هذا اهتمام وحرص بس الحقيقة إنك صرت أنت السقف المشروع ما يقدر يكبر أكثر من وقتك وأول ما تغيب أسبوع كل شي يوقف المشاريع اللي تكبر صاحبها بنى نظام يمشي بدونه خطوات واضحة وصلاحيات واضحة وناس يعرفون وش يسوون بدون ما يسألون لو تغيب عن مشروعك أسبوع كامل وش اللي بيوقف؟ 👇

المتجر رفع السعر من ٢٥٠ لـ٥٠٠ قبل أسبوع وحط عليه خصم ٥٠٪ وأنت فرحت إنك وفّرت 🙂 صوّر سعر أي منتج تبيه الحين وقارنه في الجمعة البيضاء ..

واحد من المتابعين أرسل لي هذي بعد التغريدة 😂 العطر بـ٢٤٩.٥٠ والشحن مجاني فوق ٢٥٠ باقي لك نص ريال بس 🙂 وفيها حيلتين مع بعض خصم ٥٠٪ وشحن مجاني على الحافة تتوقعون وش بيضيف عشان النص ريال؟ 👇

التوصيل مجاني للطلبات فوق ٢٠٠ ريال وأنت سلتك فيها ١٧٠ وش تسوي؟ 😂 تضيف منتج بـ٤٠ ما تحتاجه عشان توفر ١٥ ريال توصيل وهذا بالضبط اللي يبيه المتجر

والدرس لكل تاجر من هالمقاطعة جمهورك في المنصة ماهو لك انقلهم لقناتك قبل لا تحتاجهم

الأتمتة عطت عميل معلومة غلط في الواتساب وخسرت الطلب مين المسؤول؟

أكثر جملة أسمعها من أصحاب الشركات عملائي يبون يكلمون إنسان وهذا صحيح لما كان الرد الآلي يقول اضغط ١ واضغط ٢ بس العميل ما يبي إنسان العميل يبي أحد يفهمه ويرد عليه بسرعة ويخلص طلبه ولو جاه هذا من ذكاء اصطناعي ما راح يفرق معه اللي يفرق معه إنه ينتظر

أغلى شي في أي عيادة ماهو الجهاز ولا الإيجار أغلى شي الموعد اللي ما جاء صاحبه المريض يحجز وينسى والعيادة تنتظره والطبيب جالس بدون شغل وموظفة الاستقبال ما تلحق تتصل على الكل الأتمتة ترسل له تذكير قبل الموعد بيوم وتطلب منه يأكد أو يلغي ولو ألغى ينفتح الموعد لمريض ثاني على طول موعد فاضي واحد كل يوم في كل عيادة يعني خسارة كبيرة آخر السنة لو عندك عيادة أو تعرف أحد عنده أرسلها له هذي من أول الشغلات اللي نأتمتها في القطاع الصحي

صدقوني ما تعرفون بريدة .. 😊