Nouf Alghamdi

اللهم ارزقني حسن الخاتمة يا أرحم الراحمين، اللهم ثبتني عند سؤال الملكين، وأجعل قبري روضة من رياض الجنة ولا تجعله حفرة من حفر النار.. اللهم الجنة ونعيمها ولذة النظر لوجهك الكريم ..

Christmas market, Sheffield ♥️

الأفعال والأحداث تحكي اكثر من الأقوال والسوالف ! أشوف أفعالك منافيه لأقوالك فأعرف انك ما تقول الحقيقه او تعيش ازدواجية غير مفهومه .. لذلك اما ان تتحلى بالصدق ويطابق فعلك قولك او التزم الصمت ولا تكذب .. خلي فعلك يتكلم اكثر من لسانك لانه الأقوال لوحدها ما عاد تأكل عيش ..

وانا أشوف الورق يتساقط ذكرت الآية .. ﴿ وَعِندَهُ مَفَاتِحُ الْغَيْبِ لَا يَعْلَمُهَا إِلَّا هُوَ ۚ وَيَعْلَمُ مَا فِي الْبَرِّ وَالْبَحْرِ ۚ وَمَا تَسْقُطُ مِن وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُّبِينٍ ﴾ لما تتأمل في كل الأحداث او بمخلوقات الله يزيد إيمانك ويخالجك شعور مختلف .. والله اكبر نعمه اكتسبتها في غربتي هي هالنعمه اللي ما كنت احس فيها من قبل وما اعرف السبب .. السماء، الارض، الطير، الأصوات حولي، هبّة الهواء.. أشياء كثيره تخليني اصفن واقول الله كتب كل شيء دقّه وجلّه حتى رفة جناح الطير ووجهته .. حركة الريح.. كل ورقة تسقط بأمره بالثانيه والدقيقه واليوم والشهر.. يمكن هالاشياء هي اللي تحرّك فيني شعور غريب يخليني ابكي من قدرة ربي وعظيم خلقه وانه أنا الذرّه غير منسيّه في هذا الملكوت الواسع والكبير .. رزقي مو منسي وراح اخذه قبل أغادر من هذي الدنيا .. يعلم قلبي ونواياي ومستقبلي وادق تفاصيل حياتي ما حدث وما قد يحدث..

فيه امر سبحان الله ما تيسّر لي ابد .. كل ما توقعت اني خلاص وصلت لنقطه قريبه من النهايه ارجع لاوله واشعر بالانهزاميه واليأس منه .. ارجع لنقطة الصفر فيه .. لعلّ في الأمر خير واقول بيعوضني ربي عن صبري وسنوات انتظاري .. الحمدلله وعوض الله بيكون أحنّ وابقى ..

روحي تحب الخريف..
تحب تدرّجات الألوان على الأشجار، وتساقط الأوراق، وهبّات الريح وهي تأخذها بعيد.. احب صوت الورق إذا مشيت على الأرض، والطرق المليانه بأكوام الورق الجاف ..

Still a student, yet already part of someone else's learning journey..

I love autumn, I just love it! 🧡🍂

أنتي ذوقي وأنتي شفّي وعمري والحياه وأنتي همّي وأنتي عوقي ومحصول الصدف وأنتي مطلوبٍ قضى العمر وأنا في رجاه شوفتك سقف الطموحات ووصالك هدف

(وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ)

حسيت اني في احد الأفلام ..

اعتقد ان الأشد من مشاعر الكره هي مشاعر اللاشيء.. لا مشاعر ابدًا .. رجوع الاشخاص او الشخص غريب بمعناه الحقيقي مع انك عاشرته سنين وكانت علاقتك معه وطيده.. اللي تحسه مو نسيان بس صعب أوصفه لكن تحسه إنسان ما عاشرته بتاتًا .. غريب لدرجة تلمحه وجهًا لوجه ولا له اي شيء بداخلك ..

لي فترة طويله ما اشوف واجلس أطالع التايم لاين .. لان يالله اشوف منشورات صاحباتي اللي يهمّوني .. بس لمحت منشور لشخص ما أتابعه ولكن منشوراته مسمومه وفيها تحريض ضد الزوجه .. وتركيزه على مصاريف الزوجه وعطاء الزوج لزوجته .. اللحين النفقه او العطاء اللي يتعدّى حتى حق النفقه يقدّمه الزوج لزوجته.. وهذا اللي نشوفه في اهلنا وفي الزواج الطبيعي.. إذا ما طلبت من زوجها ولا أعطاها ولا اكرمها .. تطلب من مين؟ الزوجه تحب تلمس مسؤوليتك تجاهها في أمور كثيره ومن ضمن هالامور العطاء والهدايا وإكرامها عمومًا .. اما اللي يبغى الاية تنعكس او يستكثر عليها وهو معه والله معطيه فراجع نفسك كرجل .. سألت اخوي مره ابغى أتحقق من الشعور عنده وقلت له إذا أعطيت زوجتك وش يكون شعورك؟ قال لي احب أعطيها وما احب تحتاج لاحد وانا موجود بهذي الدنيا .. شعور الرضا يحسّه لما يكرمها ويكفيها في اي حاجة لها او بخاطرها.. وانا هنا ما اتكلم لا عن الزوجه اللي ما تراعي او متطلبه بشكل غير منطقي وتغفل عن وضع زوجها، ولكن المراعيه واللي بنفس الوقت تبي تشوف النفقه عليها وعطاءك لها!

الأجواء هذي اليومين مليئة بالضباب 🩶

دموعي صبت هماليل بس كتبت هالكلمتين .. شكلي مضغوطه 💔🥲.. بس اللي اعرفه اني مشتاقه مره للأجواء هذي بالذات