لاول مره احس انه بيئة الهلال ماعاد هي مميزه ولا هي جذابه للاعب المحلي وصار زينا زي باقي الانديه ويكفي لما تشوف ناصر مع انه اساسي وولد النادي يفكر بالرحيل ويفكر انه ممكن يكون افضل بمكان ثاني
هذي من ضمن الامور اللي خسرها النادي اخر السنوات
سيد المهازل خذا الهلال لحم ورماه عظم، دمار شامل مايسويه عدو
بمجرد ماسجلها غريزمان صار بايرن يحتاج هدفين عشان مايغادر ويلعب بفرصه وحده للتأهل وهي الفوز بمجموع المباراتين
نظام الهدف بهدفين من اغبى الانظمه بالكوره وقاعد افكر كم عدد الانديه اللي تضررت منه وخسرت مباريات وبطولات بسببه واولهم الهلال مرتين ضد اوراوا
هالشيء ينفي كليًا وجود العدالة باللعبه
حكيمي غليل يخربيت الضحك قسم بالله افشل تجربه شفتها
هو كان متخيل بيلعب اساسي مع روما بعدها بيجي ارتيتا يقول وش الظهير الخارق ذا جيبوه ارسنال ويروح ينافس تيمبر عالخانه
اقول ارجع روشن بس يامحرول والله مالك فيها
فريق سعود عبدالحميد خسر 9 !!!
خلونا نكون صريحين شوي..
أنا أتابع سعود عبدالحميد من أيام الفئات السنية، ومع الاتحاد، ثم الهلال اللي وصل معه لأفضل مستوياته، وبعدها روما والان حاليا مع لانس.
اللاعب حاليا صفر شراسة، صفر رغبة، ما يبادر ولا يصنع الفارق. تأثيره ضعيف وتقييماته متدنية.
فقد ثقته السابقه
لا يساهم، لا يسجل، لا يصنع، وحتى مستواه البدني تراجع بشكل واضح. إصاباته اللي كانت نادرة صرنا نشوفها، ومع المنتخب اختفى وتأثيره صار أقل بكثير.
بكل صراحة، ما أشوفه قاعد يتطور أو يقدم الإضافة المنتظرة منه.
رجعوه لدورينا بس.
لاي فريق يحتاجه وعنده نقص في خانته
لان اللي نشوفه حاليا مضيعه وقت
واللي يفقده .. اكثر من اللي يكسبه.
الهاله والسمعه شيء مايستهان فيه كرويًا، عادي تكون لاعب زبال كارثي سلبياتك اكثر من ايجابياتك عيوبك لاتعد ولاتحصى بس تلقى عامة الجماهير تعتبرك نجم لان السمعه تقول كذا
وعامة الجماهير نفسها ماتدري ليه نجم ولما تسالهم بتكون حجتهم السمعه والاغلبيه ويبدا يرمي لك اجوبه استنكاريه سخيفه غبيه مبتذله مالها معنى ولا ارتباط بالواقع لانه اصلًا ماعنده رد وتسبيب حقيقي
ما ابرئ نفسي.. انا اول واحد تأثر بالسمعه لما قلت قبل سنه كامله -على استحياء- انه ناصر افضل منه رغم انها حاجه وحقيقه بديهيه والمفترض ما اقولها بخجل
احلى شيء بتأجيل اسيا انه الدوري بينلعب ٤ شهور بدون توقف واستاد الملك فهد بيكون جاهز بشكل كامل للنخبه
فرصه للانديه بعد تشم هواء بدال ضغط المباريات ذا
هذا المطلوب نبي ملعب طارد للهبات نبي ملعب لعيال شرق وجنوب الرياض اللي كانو يهزون الدره خلو ذوليك يتابعون في بيوتهم
وفوقها بتكون الاسعار منطقيه لان التكاليف التشغيليه قليل
ياحبايب الحقونا ترا العين ذا مندعس من شباب الاهلي مرتين دوري وكاس بخمس ايام وبنلعب ضدهم بجناح واحد
ياساتر يا رب
اتمنى وقفه جاده من جميع الجماهير الواعيه لايقاف الكرنج اللي تنتجه حسابات الانديه الرسميه، ياخي الطقطقه مب لك وقف تتصنعها وتمغنا بثقالة دمك انت حساب رسمي بالاول والاخير
المشكله المحتوى الرخيص ذا مايطلع من كبار الانديه والدوريات في اوروبا الا نادر ماراح تشوفه الا عندنا وبتركيا والبرازيل متى ناوين نوقف التخلف ذا؟
وش الصفه الغير قابله للايقاف عند واتكينز ؟ او الشيء اللي يسويه بجوده مذهله غير عاديه تميزه عن باقي المهاجمين؟
بالنسبه لي مافيه او للحين ماظهرت بس هو يتقن اكبر عدد من الاشياء ويملك مجموعة خصائص اكثر من اي مهاجم صريح قد جاء للهلال او موجود حاليًا بالدوري
اختلف مع ماجد بسالفة انه قوي وقوي الخ.. هذي مبالغه
هو جيد في كل شيء تقريبًا -مب قوي-
التهديف هو أهم مسألة تقيم عليها مهاجمك هذه مسألة لا شك فيها ، لكن قيمة أي مهاجم لا تُختزل بالتسجيل وحده فيه مهاجمين يعطونك رفاهية كبيرة في مختلف مراحل اللعب ، واتكينز منهم
الشوط الأول واتكينز لمس الكرة 19 مرة ، نفس عدد مرات لمس مندش للكرة (رقم كبير لمهاجم مقارنة بلاعب جناح).
واتكينز قوي وظهره للمرمى ، قوي في المساحة لما يواجه المرمى ، يفرق في البناء ويفرق أكثر في تطوير الهجمة
مهاجم شموليته مرعبة
لو بس يتحسن شوي بدنيا وترتفع فعاليته على المرمى نسخة مهاجم خارقة صراحة
