meshal 🇰🇼

اعجبتني .. والعهدة على الراوي .. وحدة من معلمات التحفيظ تحكي عن مسابقة للحفظ في الرياض وجتهم بدويه ما يعرفون كلامها وقالت إنها حافظة القرآن واستغربوا باللجنة ما تتكلم كلمتين فصيح وشلون تسمع يوم بدت بالتلاوة و كأنها عبد الصمد بصوته و تجويده و وقفاته ولا غلطه بالحفظ قالوا وشلون حفظتي القران قالت حنا بدو رحل وأنا وظيفتي ارعي الغنم للجماعه و بفلوسي اللي يعطوني شريت مسجل و كرتون حجاره (بطاريات) واسمع اذاعة القران و كل ما عطوني فلوسي اجمعهن ، و إذا وصلنا مدينه اشتري من المحطه شريط قرآن اسمعهم اللي معي و اقول ابي هالقارئ وكل ما اخلص حفظ شريط و اتقنه ارجع واقعد على رأس البياع و اسمع الشريط الثاني اخاف يصير مثل اللي معي ، لين قالوا لي خلاص خلص القران . ثم رحت لواحد من الربع يعرف يقرأ و قلت علمني ترتيب السور ، وصرت ارسم على الشريط اسم السورة ، لين اتقنت الحفظ بالترتيب . ثم سمعت باذاعة القرآن إن عندكم مسابقة وقلت لأبوي ابدخل وقال مايخالف بس ثلث لك و الباقي لي ، وافقت . وراح يحكي على الشيخ عشان نجي للرياض يوم عرف العقيد قال تروح و ترجع بسيارتي و إن فازت لها فلوسها و كثرهن . سبحان الله وتفوز وكان من ضمن اللجنة وَحده من بنات الأمير سلطان الله يرحمه وتعلم ابوها بالقصه، ثم يجي يأمر لهم بمرعى على حدود ديرتهم لعشيرتها ويحفر لهم آبار و يبني لهم مسجد و محطه ، و تكون فاتحة رزق لأهلها ،، الله بارك لها سبحانه 💔❤️ 🍃🍃🍃🍃🍃🍃🍃🍃 قال العلامة عبدالرحمن السعدي رحمه الله: "لا شيء أعظمُ بركة من هذا القرآن، فإن فيه كل خير ونعمة، وزيادة دينية أو دنيوية أو أخروية، فإنها بسببه، وأثرٌ عن العمل به".