أرتوي من عز نفسي وانفرادي
ولا سألت الغيم عن برق ورعد
غيمتي راسي ومرباعي فؤادي
وما يقل الفيض لو طال الأمد
في غيابي باس وعنادي بلادي
وفي حضوري يقترب مني بلد
رافعٍ قدري عن قصار الأيادي
فوق عرش ما يطوله أي أحد
معك من وين ما ودك بلا مرسى ولا ميقاف
معك لو مالت أوراق الشعور المنهك الذاوي
معك حتى لو سنين الحنين الماضيات عجاف
معك حتى وأنا مدري علينا الوقت وش ناوي 🤍
وش تبي آمر والبيك يالوجه الضحوك
أنت ما تستاهل تحس بإحساس العنا
لك بقلبي عرش الأسياد وأحكام الملوك
شيل من ودّك تشيل عساهم للفنا
ما ينافسني بمحبتك بعد أمك وأبوك
غير أنا وأعوذ بالله .. من كلمة أنا 🤍