Probably overthinking this bio ، مذكرات شخصية
Joined May 2024
- Tweets906
- Following30
- Followers836
- Likes66
الصبح مريت المذاق المغربي أبي شاهي، وشفت عندهم سندوتشات قلت خلني أفطر، شيكت على أقل واحد بالسعرات لقيت التونا ٤٨٠ قلت يالله نمشيها طلبت وفطرت، وبعد ما خلصت جيت أرمي الكرتون إلا مكتوب عليه ٧٨٠ سعرة؟؟؟
يا إنسان، مو كل شيء بالدنيا لازم تكون له فائدة مباشرة عشان يستحق التفكير، ولا كل سؤال لازم ينتهي بإجابة تغيّر حياتك العقل أوسع من إنه يكون مجرد أداة للمنفعة، ومن طبيعة الإنسان إنه يطرح الأسئلة ويفهم الأشياء حتى لو ما كان لها أثر مباشر عليه، لأن قيمة العقل مو بس في وش يحقق لك
الحب المشروط إنك تحب الشخص مقابل شيء يقدمه لك، أما الحب غير المشروط فهو إن مشاعرك ما تكون مرتبطة بمصلحة أو مقابل، لكن حتى هذا الحب ما يعني إنك تقبل الأذى
المثير للاهتمام إننا نعتقد إننا اخترنا الأشخاص اللي نحبهم، بينما كثير من مشاعرنا بدأت قبل ما نمتلك القدرة على الاختيار
امي توريني حساب باكستاني مولود بالسعودية عنده مزرعة ويصور يومياته، والصدق صفر اهتمام بس انبسط وامي تسولف لي وغريب كيف ان قيمة اللحظة مو دايم بالشيء اللي يصير فيها أحيانًا قيمتها بالشخص اللي يشاركك إياها ويمكن هذي أبسط صورة للحب انك تهتم بسوالف شخص مو لأنها تهمك، لكن لأنه يهمك
المشكلة مو إنك تولد في عائلة فيها مشاكل، لأن ما فيه عائلة خالية منها، المشكلة يوم تقنع نفسك إن اللي تعودت عليه هو الطبيعي لمجرد إنك عشته من صغرك ، أحيانًا أكبر خطوة للنضج إنك تدرك إنك مو مسؤول عن الماضي، لكنك مسؤول عن إنك ما تورّثه للمستقبل
بعض الناس وجودهم في حياتك ما يغيّر الظروف، لكنه يغيّر طريقة تعاملك معها، وهذا بحد ذاته شيء عظيم ، مو لازم الشخص يحل مشاكلك كلها، أحيانًا يكفي إنه يخلي الحياة أقل ثقل
