لما جيت مكتب إسكندرية، تعرفت اكتر على زميلة ليا شفتها مرة عابرة، وقالتلي إنها خريجة صيدلة برضو، ولاحظت حاجات كتير مشتركة بينا. أصرت إنها تجيبلي كتاب وخيرتني بين تلاتة، اخترت واحد عشوائيا لما جيت أقراه، طلع عنوان أول فصل فيه: ريشة في الهوا :)
إسكندرية عرفتني النهارده إن طريقتي في حب المدن لا تختلف عن حب الناس؛ لما أحب حد بصبر عليه، وبديله كامل المساحة يشاركني كل شيء، ويوريلي نفسه لحد آخر تفصيلة وحكاية. وهي بتعمل كده معايا، وده مخليني حاسة إنها، هي كمان، بتحبني.