شهد

اهلا اهلا اهلا 👋🏻 خلونا نتكلم اليوم عن Postman وش هو ؟ ووش فايدته ---- خلينا ناخذ السيناريو هذا : انت مطور Backend زميلك مطور Frontend اتفقتم انه بتقومون ببناء نظام يقدم خدمات وفيها نقاط متعلقه بالذكاء الاصطناعي و انت بتبني هذا العنصر بالنظام , بكل بساطة بتحتاج تبني APIs عشان زميلك يقدر يستخدم النظام الي انت بنيته وشو ال APIs ؟ بإختصار هو انك تبني للنظام الي اشتغلت عليه واجهة برمجية تسمح لأطراف اخرى او انظمة اخرى تستعمل الميزة الي انت بنيتها وتكون موضح مسبقا وش المعطيات ووش المخرجات وما يتغيرون ! يعني - النظام أ - يرسل Request للنظام حقك عن طريق ال API الي انت بنيتها و رح ترجع له الرد بطريقة معينة وواضحة ومحددة مسبقا وبعدين هو يستفيد منها طيب كيف بشرح لزميلي انه ال API الي انا بنيتها هذي طريقة استعمالها ؟ و هذا مدخلاتها و مخرجاتها ؟ بكل بساطة هنا دور Postman 🔥 عن طريق تطبيقهم/موقعهم تقدر تبني Requests بشكل مسبق وتعينها و توضحها و حتى وانت تبرمج تقدر تجرب نظامك انه شغال عن طريقها , و تحفظ شكل المدخلات المطلوب - و المخرجات و حتى تحفظ امثلة لجميع الاحتمالات الي ممكن تصير. واذا كان عندي اكثر من Request نسميهم Collection و بنهاية عملك انت بكل بساطة بتشارك هذي ال Collection مع زميلك من نفس التطبيق ! ترسل له دعوه و يجيه ويقدر يشوف كل انواع ال Requests الي انت بنيتها و يجربها و يستعملها بعدين بالواجهات و يعرضها للمستخدمين ✨ ---- بسيط صح ؟ والهدف منه واضح و جا من احتياج كبير للموضوع وسوا تسهيل بشكل كبير , و تخيل الان في مميزات كثيرة في المنصة غير العمل مع الفريق تقدر تسوي اختبارات للباك ايند حقك عن طريقه ! وتسوي انواع مختلفه مثلا Load (Performance) Testing والي عبارة عن انك تجرب هل النظام يتحمل ارسل له ١٠ الاف طلب بنفس الوقت ؟ وش يصير ؟ الخ ... ---- من المميزات العظيمة جدا والي اشوف من اهم استعمالاته هي الشركات , وش اقصد بالشركات ؟ مثلا OpenAI مسوين Collection مفتوحه للجميع تقدر عن طريقها تستعمل ChatGPT او اي نموذج ذكاء اصطناعي هم بانينه 🔥 مثلا هنا في الصورة سويت تجربة ل ChatGPT اسأله مين ريان 😴 وطبعا اعطاني اجابة دقيقة جدا وكأني استعمله من موقعهم او تطبيقهم. ---- برضو من اهم الميزات انه ما تحتاج تكتب الكود الي بيرسل ال Request اصلا ! متخيلين ؟ لما يكون كل شيء مرتب بالتطبيق تقدر تطلع الكود حق ال Request بأكثر من ٣٠ لغة برمجية او مكتبة انت الي بيفيد زميلك بال Frontend ما يبرمج كثير. وطبعا فيه مميزات كثير ثانية لكن حاولت اوضح اهمها و ابسط طريقة شرحها و بالتوفييق للجميع , وحملوه كلكم الحين وجربوه 🔥