شيمه الطويل

متذوّقه أختار الأبيات من حرّ جوف ولا لكم إلا المرحبا .

حلف و مدّ البطاقه ناسي ظروفه سجيّة الجود فوق القل .. مفروضه

كنت ممّلي من بريد الناس .. ناس و كم من وجيه و ضماير و أقنعه و من عذر و من ورد و من غصنٍ يباس ترتسم لي في الجهات الأربعه

ملامح وجهك الصامت على عيني لها مفتاح و اقرأ اللي تخبّيه العيون ولا تحكينه ..

شامةٍ مثل الحجر بين الحرم و أركانه و طلةٍ لا بانت .. أبيض من بياض النيّه لو يقولون البشر بـ إن الهوى زنزانه قلت من شافك يشوف إن الهوى حريّه ما غلب حب العيوف الترفه الرويانه غير حبي للجميل و ردّته مثنيّه

أثر الهوى غدار .. جاني بلا سيف جيته و أنا متحيزمٍ في سلاحي قلبي هواك .. و عن هوى غيرك معيف و أسقيتني كاس المحبه ذحاحي

تستطيع أن تستميل القلوب بالعاطفه لكن العقول لا تُستَمال إلا بالحجة و المنطق الرصيف .

يشوف فـ الذلّه مراجل و نوماس و أشوف فـ العزّه كرامه و تقدير

أعرف إنك قديم و عندك أسباب و الليالي بها زيف و حقيقه و أنت ما لك حبيب ولا لك أقراب غير قلبٍ عجزت أعرف طريقه

من يشتكي و الجرح يقدر يخيطه .. ميت على الجنّه و خايف من الموت

و أملت العين خدي دمع مدري قيح و أنا صوتي ثقيل و صعبٍ صياحه لو أقرر بعد هذا الوقوف أطيح كان ظلي وقف مشغول بـ جراحه

يحطب الحزن من طارف ضلوعي ما حسبت حساب كريمٍ يوم شحت فرحته ما شح منطوقه على إنه ما رضى يجرح خفوقك و الهوى غلاب تقبّل كل جرحٍ من يدينك و أنكر حقوقه

يا مصدر النور ما بعدك على الأرض نور و إن سدّك الحب .. عمر الحب ما سدّني لو خانت الذاكره ما خان ذاك الشعور اللي ليا من نويت أخونك .. يردّني

من شاف قدري من ورى الجدي و سهيل شفت الجدي و سهيل من دون قدره

من تهقوى بـ الردى فينا نخيّب ظنه الكبود المبغضه من سمّها نسقيها ..

أتحسس وجهي من اللي تجمّل فيني .. الحياء ياكل من وجيه الناس أكثرها

ذنوبي وش هي ؟ إلا إنّي حبيس ألحاظك النعّاس معك صرت الوحيد اللي يحسدونه على ذنوبه

كلنا قد فاتنا اللي فات .. و الباقي قلايل ما تشوفين الليالي خفاف و الغيبه ثقيله

الله خلقنا و حط ظروفنا صعبه .. يدري بنا بـ الشدايد علمنا طيّب

عن مجلس الحقران تقفي عيوني و أنا عن الهزلات شمت و تأففت