D’Angelo

التصرف الوحيد اللي ينفع معهم

بما أن الردود نفسها تتكرر في المنشن هذا ردي عليها هنا مرة وحدة 1- الناس أذواق وش دخل الجنس؟ صحيح الذوق شخصي ومحد قال غير كذا بس الذوق نفسه يتشكل من البيئة والتربية والاهتمامات واللي عشته عبر السنين واللي تشوف نفسك فيه، والناس اللي تتشابه تجاربهم في الحياة بمختلف أشكالها تتقارب أذواقهم والجنس من أكبر الأشياء اللي تصنع تجارب مشتركة فطبيعي لما تجمع أذواق الملايين يطلع لك نمط واضح الكورة كمثال ذوق شخصي وأغلب جمهورها رجال والروايات الرومانسية ذوق شخصي وأغلب قرائها نساء ومحد اعتبر هذا إهانة لأي طرف، والكلامين يمشون مع بعض، الذوق الشخصي يعبر عن الفرد والنمط يعبر عن الصورة العامة والاستثناءات موجودة أكيد بس ما تلغي وجود أغلبية 2- حتى المسلسلات صار لها جنس؟ هذا التقسيم موجود في صناعة الترفيه بالعالم كله ومن زمان. شركات قياس المشاهدة في كل بلد تقسم الجمهور حسب الجنس والعمر والمعلنين يشترون أوقات الإعلانات على هالأساس، وعشان كذا تشوف إعلانات السيارات وأدوات الحلاقة وقت المباريات وإعلانات مستحضرات التجميل والعناية بالبشرة ومنظفات البيت وقت مسلسلات النهار وبرامج الواقع ومثال ثاني تسمية سوب أوبرا نفسها جاءت من شركات الصابون اللي كانت ترعى مسلسلات موجهة لربات المنازل في الخمسينيات والتيلينوفيلا في أمريكا اللاتينية بنت جمهورها الأساسي على النساء وفيه قنوات قامت كلها على جمهور نسائي وبالمقابل قنوات أخرى موجهة لجمهور رجالي وفي اليابان المانغا مقسومة إلى شونين للأولاد وشوجو للبنات وسينين للرجال وجوسي للنساء وفي السينما فيه تصنيف اسمه chick flick ويقابله guy movie وحتى النقاد عندهم مصطلح لهالشي male coded و female coded وكل هذا لا يعني أنها حصرا على جنس محدد ويمنع للجنس الآخر مشاهدتها بل تستهدف أغلبية من جنس ما 3- أنا بنت وسوبرانوس مسلسلي المفضل و أعرف بنات كثير يحبونه حياكم والله ولهذا قلت أغلب. الفكرة عن الأكثر والأقل ومحد قال إن البنت ممنوعة تحبه أو مطالبة تبرر حبها له وأظن نص الزعل في المنشن جاء من قراءة "أغلب" على أنها "كل"ولو أنا قايل كل البنات كان من حقكم تزعلون بس كلمة أغلب نفسها معناها إن فيه بنات خارج الوصف وأنتم منهم والتجارب الشخصية عينات صغيرة في كل الأحوال فأنتِ تعرفين عشر بنات يحبونه وغيرك يعرف عشرين ما يطيقونه فخلنا نرجع للصورة العامة 4- لو انتقد رجل المسلسل بتقول إنه ما يناسب أغلب الرجال؟ لا لأن كلامي مبني على شي ألاحظه من سنين في جمهور المسلسل والتغريدة مجرد مثال. القاعدة ما تنبني على تغريدة وحدة ولا تنهدم بتغريدة وحدة، فرجل ينتقده ما يغير شي زي ما بنت تحبه ما تغير شي والقاعدة نفسها تمشي بالعكس ف Gossip Girl و Gilmore Girls و Pretty Little Liars ما راح تعجب أغلب الرجال، وأكيد فيه رجال يتابعونها وعاجبتهم ومحد يقدر يمنعهم أو يلغي اختياراتهم بس وجودهم ما يغير إن جمهورها الأساسي نساء وما أظن رجل بيزعل من هالكلام لأنه يعرف إنه وصف لميول وما فيه حكم عليه 5- المسلسل يفكك النفس البشرية وحصره في جنس ما لأنه عمل مافيا تسطيح وواضح إنك ما فهمت عمقه أتفق إن سوبرانوس من أعمق ما قدمه التلفزيون، عمل ثوري يتكلم عن أفكار كثيرة ضمنها الاكتئاب والعلاج النفسي والعائلة وانتهاء الحلم الأمريكي والفراغ اللي يجي بعد ما يحصل الإنسان على كل شي ولا يصل لغاية، وتوني يلخص هالإحساس من أول حلقة لما يقول: Lately, I'm getting the feeling that I came in at the end. The best is over صحيح أن هالعمق إنساني ويخص الكل بس الوصول له أو تناوله يمر بعالم رجالي بحت من أوله لآخره، عصابة رجال وولاءاتهم وقوانينهم وعنفهم ونكتهم وجلساتهم في Satriale's والBada Bing وعلاقة الأب بولده ورجل تربى على صورة معينة للرجولة ويسأل: happened to Gary Cooper? The strong silent type نتفق أن المسلسل يقول كلام عام شامل عن الإنسان عموما بس يقوله بلغة الرجال وفي فضائهم، وهذا اللي يخلي أغلب الرجال يتقبلونه ويعجبون فيه بسهولة وكثير من البنات ما يستهويهم محتواه ولا يناسبهم. 6- هذا تحقير للمرأة وعنصرية "جندرية" لما أقول إن أغلب الرجال ما يعجبهم Gossip Girl هل أنا أحتقر الرجال؟ نفس الشي هنا التحقير يكون لما تحط ذوق فوق ذوق أو تقول إن البنت ما تفهم سوبرانوس أو ما تستاهل تشوفه، وكلامي وصف لوش يفضل الجمهور وما فيه حكم على عقل أحد ولا على ذوقه وتوجيه العمل لجمهور معين ما له علاقة بجودته أصلا، فيه أعمال موجهة للنساء تحف فنية وفيه أعمال موجهة للرجال تافهة والعكس صحيح. فلما أقول سوبرانوس ما يناسب أغلب البنات فأنا ما أرفعه فوقهن ولا أنزلهن تحته

دعوة لفك الحصار عن مدينة تعز اليمنية | فضيلة الشيخ محمد الحسن الددو

مقطع ماله تاريخ إنتهاء الصلاحية 😂

بيان صادر عن وزارة الخارجية والمغتربين في الجمهورية العربية السورية

ما توقعت الخط بشاشة الآيفون دوو يطلع بهذي السرعة