📡 𝕏 رادار retweeted
الفرق بين #سانت_ليفانت الواثق بنفسه وبفنه، اللي بيقدّم شغلو وإبداعه الفني بكل رواق وبيفرض حضوره وبيتصدر الترند من دون إستعراض وضجيج، وبين #الشامي اللي النرجسية عنده طاغية على كل شي، ومليان عقد نفسية عم يحاول يغلّفها بشعارات عن الفن والاختلاف‼️
الأول بيترك فنه يحكي عنه، والتاني مصرّ يحكي عن نفسه وكأنه اكتشف الموسيقى من جديد😏
المشكلة إنو كل ما ارتفع منسوب الأنا عنده، انخفض منسوب الفن... وصار محتاج يثبت حالو بالكلام أكتر من الموسيقى نفسها
الوضع اللي واصلو #الشامي صار مخيف ومش طبيعي كمية النرجسية والثقة المفرطة عنده صارت أكبر من حجم الإنجاز نفسه، مفكّر حاله عامل اختراع غيّر البشرية، بينما نحنا عم نحكي عن أغنية لا راحت ولا إجت، وما نالت حتى شرف إني اسمعها بسيارتي‼️
الصبي، بعد ما أطاح فيه كل من تووليت وسانت ليفانت بالفترة الأخيرة، عمل أزمة نفسية كبيرة ومن الواضح إنو نجاح اغنيته «تعا» رجّعلو شوية ثقة بحالو، ويا ريت هو اللي كاتبها وملحنها😏
كل هالضجة والتعامل مع الأغنية كأنها فتح موسيقي تاريخي يضعنا أمام علامات استفهام كثيرة حول صحته النفسية لعبدالرحمن🤔
وأنا بتحدّى يكون في حدا حافظ منها أكتر من هالمقطع: «تعا نتحدى الفراق، تعا ما نغيب ونشتاق»‼️
📡 𝕏 رادار retweeted
#سانت_ليفانت تخصص كسر خواطر 🤣
وليش أصلا #نانسي_عجرم ما تقبل تطلع بهيك برنامج ناجح ومكسر الدني في مصر وبيلبقلها كتير هيك برامج عفوية وخفيفة نظيفة ما بتحتاج فلسفة وإجابات عميقة متل برنامج انس بوخش
📡 𝕏 رادار retweeted
بين الشائعات والتسريبات والحقيقة... «ليل يا ليل» للنجمة اللبنانية #اليسا تتصدّر الترند وتثير الجدل، بعد تداول أخبار عن اختيارها لتكون الأغنية العربية الوحيدة ضمن قائمة اغاني لعبة GTA 6.
«ليل يا ليل» أغنية بوب بإيقاع راقص وأجواء احتفالية، بتوزيع هادي شرارة وألحان محمد يحيى وكلمات ملاك عادل. فيها طاقة ليلية وحيوية وإحساس بالتحرّر والاحتفال، وهي الأجواء اللي بتتقاطع مع عالم GTA 6 المليان حركة وسهر ومغامرات
أغنية بإيقاعها ولازمتها بتقدر تنسجم بسهولة مع أجواء اللعبة
📡 𝕏 رادار retweeted
الحفل والمقابلة لمجلة «ڤوغ» بنسختها العربية، المذيعة لبنانية بتحكي عربي، والجمهور المتابع عربي…
بس الثريا #نادين_نسيب_نجيم قررت تلوء حنكها وتحكي استرالي ويا ريت صابت شي كلمة‼️
افتخروا بلغتكم العربية، اللغة العربية مش عيب، العيب هو تخبيصكم بلغات اجنبية على حساب لغتكم الأم من دون أي حاجة أو داعي 😏
📡 𝕏 رادار retweeted
بمقابلتها الأخيرة، طلعت #باميلا_الكيك ترقّع وتبرر تصريحها السابق بأنو «ما عندها مشكلة ولا مانع تتزوج بإمرأة إذا انغرمت بإمرأة» وبررت بإنو كلامها كان مجتزأ، وحديثها كان عن موضوع فلسفي‼️
بس وين الاجتزاء إذا كان جوابها واضح وصريح على السؤال المباشر🤔
المشكلة مش بفهم الجمهور، المشكلة بمحاولة التنصّل من كلام انقال بوضوح، مش كل ما تصريح يعمل ضجّة وجدل منحوله لفلسفة ونتهم الجمهور إنو ما فهم العمق الفكري والفلسفي لتصريحاتنا الصريحة والمباشرة…في جمهور متعلم ومثقف وبيفهم 😏
#باميلا_الكيك قررت ترقيع تصريحاتها المثيرة للجدل عن عدم ممانعتها الزواج من إمرأة إذا وقعت بغرام إمرأة، واعتبرت إن كلامها كان فلسفي مش حرفي... يعني التصريح ما كان بحاجة لتوضيح، الجمهور هو اللي بحاجة لدروس بفك شيفرات فلسفتها 🤔
المشكلة إنو هيك تصريحات حساسة ما فيها تكون مساحة للاستعراض الفكري والفلسفي، وبعدين لما نواجه ردود فعل الناس السلبية تتحوّل فجأة إلى سوء فهم وفلسفة عميقة…الجرأة الحقيقية إنك تتحملي مسؤولية كلامك، مش تعيدي نفسيره على قياس ردود الفعل‼️
📡 𝕏 رادار retweeted
#يبليك_بالحب هي أغنية عودة #اليسا إلى جذور مسيرتها الفنية، مع الشاعر محمد رفاعي، الذي شكّلت كتاباته محطة أساسية في بناء هويتها الغنائية، من «عايشالك» و«أجمل إحساس» إلى «أحلى دنيا» و«كل يوم في عمري» 🎶✨
وبعد ١٩ عاماً من انتظار الجمهور وتعطّشه لتجدد هذا التعاون، تأتي «يبليك بالحب» على قدر التوقعات، بل وأكثر، لدرجة أنها كانت تستحق أن تحمل اسم الألبوم وتكون أغنية الافتتاح.
ولا يمكن إغفال بصمة أحمد إبراهيم، ملحناً وموزعاً، الذي قدّم واحدة من أجمل المقطوعات الموسيقية في الألبوم، ومنح الأغنية مساحة موسيقية تليق بعودة بهذا الحجم.
يُذكر أن آخر تعاون جمع إليسا بمحمد رفاعي كان في ألبوم «أيامي بيك»، من خلال أغنية «أنا بستغرب عليه».
📡 𝕏 رادار retweeted
هيدا اللي بيميّز الفن والألبومات اللي بتقدّمها #اليسا، ولا مرة لحقت الترندات، بالعكس، هي اللي بتصنعها، وبتقدم أعمال بتتحول لترندات بلحظتها أو حتى بالمستقبل، وأكبر دليل أرشيفها اللي لليوم عم يتصدر الترند...
ولا مرة قدّمت ألبوم دون المستوى فنياً، يمكن تتفاوت النجاحات من ألبوم للتاني، بس ولا مرة خيّبت توقعات عشاق فنها، ولا مرة غابت عن صدارة المشهد الموسيقي والساحة الفنية…
ببساطة، ممنوع تقدّمي شي ما بيشبهك، لأن أعمالك اليوم صارت بحد ذاتها أحد معايير الفن بالعالم العربي.
📡 𝕏 رادار retweeted
بعيدًا عن جمال الديفا #هيفاء_وهبي اللي خطف الأنظار 🤩
بس المدام شام #اصاله الذهبي، حرم رجل الأعمال أحمد هلال، لازقة بالمصمم نيكولا جبران هيك ليه؟😏
تخيّلوا لو فنانة، وخصوصًا إذا متزوجة، ظهرت بهالقرب من رجل بهالشكل... كانت قامت القيامة وبلّشت حملات التنظير والأخلاق، بس يبدو إنو المعايير بتتغيّر حسب مين بالصورة، واللي بيكون مقبول عند البعض ممنوع على غيره…
📡 𝕏 رادار retweeted
أول شي بعتذر عن الفيديو اللي فايح منّو ريحة الدخان 😷
بس #الشامي طلع مخترع كلمة «فاشينستا»، وكمان Fashion Icon ‼️
ولك إذا إنت الوجه الإعلاني لفندي وبرادا، شو ضلّ للموضة بعدك 🤢
عنجد مش عارف مين لازم نراجع ذوقه،
الشامي أو الماركات اللي قررت إنو هو بيمثّل صورتها! صار المهم تكون ترند، مش بالضرورة تكون عندك علاقة بالموضة...او عالأقل تتعلم تلفظ عبارة «Fashion Icon» لتكون فعلا ايكون
📡 𝕏 رادار retweeted
رزق الله على أيام كان فيها الفنان يرجف قدّام قلم الصحافة، ويحسب ألف حساب ويشتغل ليكسب احترامها ورضاها... أمّا اليوم، فصارت الصحافة ملطشة عند بعض المشاهير الشوارعيين، أمثال #الشامي والوقاحة صارت تُقدّم على إنها نجومية‼️
إذا في صحافة بعدها بتحترم حالها وعندها ذرّة كرامة ومهنية، أقل واجب تقاطع هالمستويات من المغنّين، بدل ما تعطيهم منبر وقيمة أكبر من حجمهم. لأنو مش كل مين مسك ميكروفون صار نجم، ومش كل مين اشتهر صار من حقّه يهين الصحافة بلا حساب 🤢
📡 𝕏 رادار retweeted
بكل ثقة #نادين_نسيب_نجيم بدها تبيعنا انو ٧٠ ألف اشتروا حقيبة «نادين نجيم بيوتي» طيب قولي ١٠٠ الف كرمال المصداقية 🤣
علميا وإذا سألنا حمار بعلم الرياضيات والمساحة بيقول ما في اكتر من ألف اسم بالصندوق 🫠
منطقيا وحسابيا ونظريا الصندوق ما بيساع ٧٠ ألف ورقة 😏
📡 𝕏 رادار retweeted
لما #باميلا_الكيك قالت إنو إذا بتشوف عند شخص إعاقة، بتشوفو أجمل من #نادين_نسيب_نجيم، كتار وقتها اعتبروا كلامها مجرّد مجاملة وإطراء لنادين…
بس مع الوقت،اليوم تبيّن إنها كانت لطشة مبطّنة، مش مجرّد كلام إيجابي متل ما فهم البعض🙂
عالعموم يا باميلا ويا نادين، لا الإعاقة بتقلّل من جمال حدا، ولا الشهرة بتعطي حدا صك الكمال...تصرّفات الإنسان ونفسيته وحدها اللي بتكشف الإعاقة الحقيقية مش الشكل أبداً ‼️
وهيك طلعت الحمامة #نادين_نسيب_نجيم بدور المظلومة والملاك والشجرة المثمرة اللي بترشح زيت كانولا او دوار الشمس 🤣🤣
ونسيت انها مصدر الإلهام لزميلاتها والكل بيستوحي منها الأدوار والمسلسلات والنفسيات😒
📡 𝕏 رادار retweeted
هلأ صار كل حدا بدو يبيّض صفحته ويمحي أرشيفه من ذاكرة الشعب السوري، بيستخدم اسم #سلاف_فواخرجي كبش محرقة، وبيطلع بكل ثقة يعلن إنّه بيختلف معها‼️
يعني فجأة صار الاختلاف مع سلاف صك براءة، وكأن تصريحين ضدّها كفيلين يمحوا كل المواقف السابقة ويغسلوا الأرشيف 😏
📡 𝕏 رادار retweeted
يا استاذ #هاني_رمزي انت بتخبص وبتهبب بتقول ايه عن حضارة بلدك، إذا حضرتك مصري بتقول هيك كلام شو تركت للغريب‼️
اختزال الحضارة الفرعونية بمعابد ومقابر هو اختزال لتاريخ واحدة من أعظم حضارات البشرية، الحضارة المصرية القديمة قدّمت إنجازات هائلة في الطب والهندسة والرياضيات والفلك والزراعة والري، وطوّرت الكتابة واستخدمت ورق البردي، وتركت معارف وآثاراً ما زالت تثير إعجاب العالم حتى اليوم.
الأهرامات والمعابد مش مجرّد حجارة، بل شواهد على علم وهندسة وتنظيم متقدّم بالنسبة لعصرها.
المشكلة مش إن الحضارة الفرعونية عبارة عن معابد ومقابر، المشكلة إنك مش شايف أبعد من الحجر اللي انبنت منه 😏
📡 𝕏 رادار retweeted
مرور شهر على عودة #اصاله المؤقتة إلى الشام، بس الصدمة الحقيقية هي هالإعلان عن عودتها‼️
«قولوا يا عالم لإمي حطّوا صورتي فوق مكبّ النفايات»🙂
هلّق صحيح إنو عودة أصالة عالشام ما قدّمت ولا أخّرت بشي بواقع بلدها، بس مش لهالدرجة يا جماعة‼️😅
📡 𝕏 رادار retweeted
مش ملاقين «أبجح» من هالمذيع ليتولّى تغطية أحد أهم المهرجانات العربية، #مهرجان_الجونة_السينمائي عامل فيها كزكوز 🤡‼️
أسئلة كلها بجاحة لطارق العريان وزوجته، وتمسخر على طريقة كلام نيكول، وهو عامل حاله خفيف دم ومهضوم، وكأنّه حدا موكلو لإحراجهم ‼️🙂
محظوظ إنو طارق العريان تعامل مع الموقف برقيّ وأخلاق عالية
📡 𝕏 رادار retweeted
#نانسي_عجرم زيها زي أي إمرأة ومطربة عادية‼️
لكن ليش كل الحفلة مدحوشة فيها وبدك تتصوري معها 😏
يا حرام فانزاتها شايفينها اهم فنانة بالعالم ومتميزة عن الجميع وعالمية وتكاد تكون انسانة وفنانة كاملة بنظرهم 🙂
والمدام هون نسفت كل تاريخ ومستقبل نانسي🫠
لما قلنا حفل مش مستوى نانسي فانزاتها انتقدونا هيك كلام عنها بيعجبكم ⁉️
لما تتواجد بحفل مش بمستواك كفنان طبعا رح تتعرض لهيك مواقف وتصوير بفلاتر السناب شات مع أشخاص متابعينهم عاملين منهم «مسخرة» السوشيل ميديا لدرجة بيقفلوا التعليقات‼️
مؤسف جداً من فنانة بحجم #نانسي_عجرم تنزل لهيك مستوى وين صورتها اللي فانزاتها بيفتخروا فيها وانها عالمية أخرها تحيي حفل عيد ميلاد
النجومية مش بس أغاني وأرقام ومشاهدات، النجومية كمان خيارات، حضور، وهيبة فنية لازم الفنان يعرف كيف يحافظ عليها
📡 𝕏 رادار retweeted
اقوى توصيف لعودة #اصاله إلى سوريا…«صلاح الدين الأيوبي» 🤣🤣🤣
عنجد، من كتر ما ضخّموا عودتها وصوّروها كأنها حدث تاريخي مفصلي، صار الواحد يعتقد إنها «المخلّصة» للشعب السوري، وإنو بعودتها رح يعمّ الأمن والاستقرار، ويتحسّن الوضع المعيشي والاقتصادي بالبلد 🫠
مع إنها بالواقع، بالكاد كمّلت ٤٨ ساعة على أراضي وطنها الأم قبل ما تسارع بالمغادرة إلى مصر




