لهذا حظر الإنترنت والتلفونات عن المراهقين الولد اصبح ضرورة بهذا الزمن الولد هو من كاعه عربانة وبحجايتين يتقشمر انوب تفتحله باب لهاي الافكار والمراهقين اللي انضموا لداعش اكبر مثال المفروض اقوى شي يكون مسموح اله هو بلي بدون تواصل ويه ولد ثانين غيرها ماكو

نعم هذه حقيقة صعب تقبلها لكن اني حجيتها قبل الرجال فعلاً يأسسون هيج أنظمة وتقاليد لكن ما يساهم باستمرارها لأجيال غير النسوان وقبولهن بهذا الشي رجال الغرب مثلاً تفكيرهم مو احسن من اللي عدنا بس نسوانهم حاطة حدود وما ترضى بالمهانة اكثر فيصير الرجال يجر ناعم اكثر حتى ما تعوفه

التايم يمي من البارحة عبارة عن شعوب العالم دتتعارك كالعادة لكن اللافت للانتباه ان كل البوستات اللي جانت عن العرب جانت تقلل منهم بشغلة وحدة وهي مذلة عيشة نسوانهم بحيث اشوف تعليقات من أتراك صينيين إسبان وأرجنتينيين كلهم نفس الحجي رحم الله والديكم على السمعة الخايسة هاي

هذا الحال اللي تنتهي بيه المرة من تظل تمشي ورة الاسلامجية وأهل الدين و "كوني معززة مكرمة ببيتج لتخلين النسويات يغيرون تفكيرج" اخرتها تصيرين تتوسلين على خمسين الف وشابعة مذلة كدام الغريب والقريب

يعني على كم الاخبار الطايح حظها ماعرف منين ابدي رح اقسطهن عالايام احسن

على كد هوسة الأخبار آخر فترة اكو سالفة مضمومة شوية مدينحجي بيها هواي لكن يبدو ان اكو فد احداث وهجمات جديدة رح تصير بين حرب امريكا-ايران شو ديحوصون هواي هاليومين

لهذا احنه ضد قرارات منع الاختلاط لان اللي يصير بالحقيقة ان كلشي ما يتغير عد الولد بس البنات يتحولن إلى بنايات اقل بقاعات وكتب تعبانة وقرارات متشددة اكثر يعني الأخ يجي يتبرطح يطب ويطلع براحته بنص الدوام بس البنية تعاي ظلي ورة الستة لحد ما تظلم الدنيا وأنتي حيري بروحج بالرجعة

قرار جديد بفصل طالبات معهد الفنون الجميلة عن الذكور قبل كم يوم تم نقل 140 طالبة فجأة بدون سبب إلى معهد الفنون الجميلة المسائي للبنات وإبقاء الولد بالمعهد الأساسي كذلك يمنع عليهن استخدام التلفونات او الخروج من المعهد خلال ساعات الدوام الرسمي وتالي ويه الحكم الجعفري الاسلامي؟

خلي نجهز الكلاوات اللي رح يطلعون بيها الحبايب بعد مظاهرات باجر: هاي مظاهرات صهيوأمريكية تعمدوا يسووها ويه استشهاد الزهراء حتى يلهون الشيعة عن احياء ذكراها

اكو مثل يكول "اللي فيه شوكة بتنخزه" من البارحة لليوم المسلمين هاجمين على اي فنان مسيحي ينزل خبر تعزية او اي شي اله علاقة بأحداث الكرك بالأردن لانهم يعرفون كلش زين شلون التصرف مخجل ومعيب على المسلمين لكن يظلون يخادعون نفسهم واللي حواليهم بانهم ما مهتمين وان ذول ما يمثلون الاسلام

يمشون على خطى إمامهم الكاظم الذي كان يمنع أسهم أوقافه عن بناته في حال تزوجن وما ينطيهم إياها إلا في حال طلاقهن او عدم زواجهن اصلاً كذلك كان يذكر في وصيته ان أسهم أمواله تروح لأحفاده من ولده الذكور فقط الكاظم كان عنده تقريباً 18 بنت حسب المصادر ما تزوجت منهن إلا وحدة بالمناسبة

على ذكر سوالف الأسمدة وملفات الفساد فقبل فترة تم الإعلان عن مشروع مصنع لانتاج اليوريا بالبصرة بقيمة 1.6 مليار دولار بنفس الوكت طلع نائب سابق يحجي عن وجود "مشروع وهمي" للأسمدة بالبصرة وأنه بالحقيقة الشركة المنفذة وهمية ما الها وجود عاد انتو شتكولون؟ اكو ربط بين الاثنين لو لا

في أعمال شغب فرنسا الأخيرة تم تدمير ومهاجمة عدة كنائس في مارسيل، باريس، وألبي لكن الغريب انه لم تتم مهاجمة مسجد واحد على الأقل بس لا لا اكيد هذه صدفة ما الها علاقة بهوية الفاعلين وهذا بس مخطط صهيوني من اسرائيل لتشويه صورة المسلمين هناك

داعش كفرت العالم من السنة وهسه العصائر حتكفر العالم من الشيعة استمروا ما تتخيلون شكد العالم بدت تكره وتحشد ضد الأحزاب والمراجع الشيعية بآخر سنتين بالاخير انتو اللي تأكلوها وترجعون تبوسون القنادر

لهذا تعمدت شخصياً ما أستنكر قرار منع الحجاب بأذربيجان اعرف بروخونيات المسلمين من تشد عليهم يشغلولك كاسيت المظلومية بس من تنطيهم مجال يدوسون زايد

ال🧢🧢 حاذفين صفحة ميثاق لان نازللهم عالترابي صارله فترة ما يدرون كل المعلومات اللي حاجيها مسكرنة ومنتشرة بكل مكان للي يدور يومين ويرجع كالعادة