᷂القنوف retweeted
الحب ياتي مرة مالها ثان
واللي يحب بصدق ما صابه غياب
لو مر بعده حب في كل الازمان
يبقى الغلا الاول له حساب وعتاب
تلقى المشاعر تقلب كتاب الاوجان
وتقارن المجرى على ذيك الاهداب
اقوى غرام يمر في عمر الانسان
واحد وتالي الحب تمثيل واعجاب
-عبدالرحمن الشمري
#الحب #قصيدة
᷂القنوف retweeted
تفارقنا بليل أغبر.. وأنا كلي وله وآبيك
وجاوبني صدى صوتي بجرحٍ يوم ناديتك
غريبٍ صرت في بُعدك ولا أردد سوا طاريك
ولو طال المدى يا غايبٍ.. يبقى الصدر بيتك
أنا الموعود بظروفك وأنا اللي غارق بماضيك
رسمتك في سما قلبي.. ومن دمعاتي أسقيتك
تعبت آساوم الأيام.. لا علّ وعسى آلاقيك
وأنا اللي في نهار الوصل.. بعت العمر وشْريتك
فمان اللّٰه يا حلمٍ.. عجزت بلهفتي أوفيك
رحلت .. وما رحل منّي هواك اللي به أغليتك
عزاي أني عطيتك حب.. ما مثله أحد يعطيك
وأني رغم جور الوقت.. ماقد يوم ذميتك
-عبدالرحمن الشمري
#قصيدة #قصيد
᷂القنوف retweeted
يالبيه ياللي حبش ابلغ من التعبير
مع انش على ردّ المواصل تمنـنتي
رغم كل جرح ورغم دوامة التقصير
مازلتي عظيمه وسط قلبي كما كنتي
يامنعمْك وانت تزورني مع نسيم عصير
وياملطفك حتى لو على جرحي ادمنتي
انا مابغيت الا وصالك فقط لا غير
ولا قد عشقت امن المخاليق كون انتي
عموماً انا عانيت ورهقني التفكير
خذيني لابعد مرحله معْك لا هنتي