نّ . retweeted
لاح وجهك وإنجلى ضيق السنين وزاح همّي
وابتسمت لباكر ، وهبّت على صدري هبايب
والله إني شفت في وقفاتها خالي و عمّي
يوم مالي غيرها بالناس خلّان و حبايب
هذي اللي تمسح الضيقات بكفوفٍ تسمّي
هذي اللي تضرب بسيف الرضى سيف النوايب
عطرة الكلمة، كأن العطر يُسمع ما يشمّي
حلوة الخاطر، بقلب أبيض خِلي من الشوايب
من صفاها لو يمر الغيم فوقي، طاح يمّي
قال؛ هذا يعرف الصافين عِرفه للقرايب
يا حصيلة عمري اللي فات، يا كيفي و كمّي
يا رجاوي عمري اللي جاي يا خير السبايب
بـ أكتبك شعر يتهادى من سما راسي لفمّي
مثل ما يسقى جفاف القاع من رش السحايب
— أمـي ❣️ —










