راشـد (@_RH66_) header
راشـد (@_RH66_) profile picture

في معزلٍ عن جميع الخلق وازعااجه

أرى اسمه يلوح بين بيتٍ وآخر
Joined August 2023
Photo by راشـد (@_RH66_)Photo by راشـد (@_RH66_)Photo by راشـد (@_RH66_)Photo by راشـد (@_RH66_)Photo by راشـد (@_RH66_)Photo by راشـد (@_RH66_)Photo by راشـد (@_RH66_)Photo by راشـد (@_RH66_)Photo by راشـد (@_RH66_)
اسر يا ليل ماهو وقت حزن وملامه فاهقك ناحلٍ رايح لجدّه يعايد لا تحلوى قليل الذوق لذة منامه قمت اغنّي على شانه جداد القصايد اطرقٍ في عيوني عز ربي مقامه عن ذوات المفاتن والبنات الخرايد كل ليله تقول انه البدر في تمامه وكل صبحٍ تقول انه عن البدر زايد القلايد على جيده تزايد زمامه والغوايش تزايد باليدين القلايد آتلهّف على صدفة لقاه وكلامه لو كلامه قليل وصدفته بالمصايد كل ما يرسل بخدرات سوده سهامه راحت علومي اللي جيت فيها شرايد يشبه بـ عينه اللي طرفها فيه شامه عين ظبيٍ على جول اعفر الريم قايد اتلقّاه .. كنّه راجعٍ بالسلامه ونتوادع تقول ان راح ماهوب عايد
42
1,588
اقبلت برعودها اللي تصحي النايمين وقام يمزع سترة الليل نوض بروقها ليتها تمطر على نجد ، نجد الطيبين وكل شجرة في طرفها تبل عروقها جعل يسقيها من الغيث همال الغشين لين تظهر خزنة الارض من صندوقها نجد تاخذني عليها الصبابه ، والحنين والجروح اللي مع الوقت زاد فتوقها اخطر جروح المحبين .. جرحٍ مايبين ينزع اسرار العلاقات من معلوقها من فقدله وجهٍ اغلا من الناس اجمعين سـّرته سود الليالي على طاروقها ودي اني حول داره وامره مرتين قبل شمسه لاتوارى وقبل شروقها مايحببك بديار العباد المسلمين غير حب اللي سكنها ويمشي فوقها والا انا لو نجد تصبح ورود وياسمين لامدّور عن كماها ولا رقروقها ودي بشيٍ مايوصل لحلقي باليدين شربةٍ ماودي اموت قبل اذوقها
77
2,569
مبرومة الخصر وش يرضيك غير القصيد أشوف حتى أعتذاري فالخطا ما كفا القلب قطعة لحم ماهوب قطعة حديد عليك تثّر مشاريه الزعل و الجفا وشلون ترضى علي أنام واصحى وحيد معقولة الشوق ما حرّك ضميرك ، أفا مخطي وأعرف الخطا مني ماهوب مني جديد ياجعلني للذهاب وجعلني للحفا فلي حجاج الرضا دام الزعل صار قيد الطيب ، الطيب اللي لاتضايق عفا مانيب مرتاح لين أشوف وجهك سعيد أنا من اهل العذر وانتي من اهل الوفا
11
199
5,572
أخذ حقك يامساي ، الصبح له قصه طويله تستحق التضحيه والالتفاته والعنايه من كثر مانيب عايش نشوة الذكرى الجميله كني إللي ماخذ حقه بما فيه الكفايه الهوى ماهوب علّه لو تفاصيله عليله الصحيح أشوف تعريف الهوى مثل الهوايه باتقدم لين أجيب الكايده والمستحيله التقدم لـ الهدف ماجوب والصده جنايه أوّل الأمال كانت بين يوم وبين ليله وأخر الامال من عندي إلى مالا نهايه يوم اعلق مجمل احلامي على طارف جديله من ورى عيني طموح ، ومن ورى صدري روايه من يقول إن البدايه شي ما تلقى مثيله هذا أنا في كل يوم أعيش لذات البدايه القبال إللي يكفي في عيوني عن قبيله حطه اللّٰه لـ الجمال إللي يشد العالم آيه ما سمعنا ف الوجيه يضيع غواي ودليله وفي حرم وجهه سمعنا عن ثلاث الآف تايه مستحيل يشوف مثله ف البشر نسبة قليله ما يشوف أشباهه إلا ف الصور وف المرايه ف المحبه لا مراد ، ولا سبيل ، إلا سبيله أعشقه و أشوف وجهه كل مطلع صبح غايه
5
72
2,590
مانيب انا ، وانت اعتقد منت بيّاه 👌🏼
1
35
1,623
صحى جفن الصباح اللي يرد الشوف للأفاق صفا جو المشاعر والتمس في فايض احساسي على ذكرى السهر كانت عناوين الليال اشواق ترجعني على ايام الصبّا .. و تطيّر نعاسي تشوف الحب لعبٍ بالقلوب و مرحلة عشاق وانا اشوف ان حبيبي ديرتي واحبابي وناسي لا تنسى من زهد في هالحياه و مات بك تواق تذكرني .. او اذكر شي من حبري و قرطاسي على رمضا مواعيدك .. ادور لـ الضما ترياق عساي اللقى ما يرضي فيك شفّ ويروَّي يبّاسي تعبت اخيل في كبد السما لا لاح بك برّاق متى بالله هتانك يبلل لي طرف كاسي انا مشتاق و أنصاف الحلول إجحاف للمشتاق يا كم مره يراودني القسى .. ويلين لك باسي دريت ان الهواوي لـ العنا و الهم و الارهاق من اول ما رحلت بـ طيفك .. و همّلت جلاّسي يقولون المحبه كاذبه و إن المصير فراق عليك أكذّب أقوال البشر و أصدق احساسي تعبت استر شعوري بالمحبه عن حسد الاحداق و اثر محبتي لك بيّنه .. من رجلي لـ راسي
59
2,004
قالت وش أخبار الغلا قلت روحي قالت تراك تحبني ، قلت ما أحب قالت وش اللي تذكره من جروحي وجروحها اللي فالحشا مالها طب لاتاخذين .. الا بقايا صروحي دموعي اللي تنحني لك لها رب بحاول أنجا من غرامك بروحي وافتح ضلوعي للهوا كل ماهب رميت قلبي وسط نارً تفوحي قال اللهيب يضرني قلت له شب
3
56
1,930
يبين الجفا اصدق من رسوم البطا في الدار على وجهي اللي ذبل من طول تقصيرك ترااااني ماجيتك . . عاد عندي يمين يسار ولا رحت منك عادني في رجا غيرك
1
2
39
1,262
يا لبيّك الحنونه يا وجودي منك يا لبيه أنا لبيه عندي بـ الغلا والحب مرهونه أعرف الحب لكن مستحيل استخدمه ترفيه جعل ربي يهين اللي على اهواهم يهينونه وش اسوي ؟ مع اللي لاسليت ومرني طاريه نفض قلبي غبار الذكريات وجنت جنونه احسب إني نسيته واثرني مازلت ملك ايديه واحسب إني وصلته واثرني لازلت من دونه احبه مثل ماحب الحياه اللي تشعشع فيه واخافه مثل ماخاف السهوم اللي من عيونه أميّز صورته لو حال من دون الوجيه وجيه وأثمّن كلمته حتى ولو ماهيب موزونه لذلك ياصغير السن لاتطرد سراب التيه على هونك وخل أحساسك الطاغي على هونه لا تبدي لي مشاعر قلبك اللي مستحيل ارضيه ترى ما عاد ليّ قلبٍ يحس بمن يحبونه
6
122
4,470
السفر عن بعض الأطلال طبٍ للقلوب لا تلومون المعنّى ليا عاف الديار لا بدا ليل الشتاء واكتمل من كل صوب كني اركي حيد راسي على مشهاب نار اقتحم حر المعاليق يا برد الهبوب وحط لك مع كل ضلعين في صدري مسار الصبر قضّت زهابه طويلات الدروب انكسر غصن المحبة تحت طيره وطار والهوى مافي طريقه مجالٍ للهروب صاحبه لو يملك الرأي مايملك قرار عن غرامك يا اتلع الجيد لو قلبي يتوب يمكن ادخل في حياتك بقلبٍ مستعار جرتك في جرهد البال يالظبي اللعوب مثل نبت الورد الابيض على وجه الخضار مد يمنى الوصل واقلط على الصدر الرحوب واحذف كبار المعاذير بالسبع الجمار وانت عاد عيونك تذوب اللي مايذوب في ملامحها يضيع العتب والأنتظار كنها مطلع قصيدة ترددها الشعوب درةٍ لعيون بلقيس ، كاتبها نزار
7
84
4,100
حبيبي ليلةٍ ما أنت بقمرها وحشه وديجور و أرضٍ ماهي بموطنك . . يا غربة منافيها ومساء الخير
1
42
1,252
ياحزينه لاتنحت بهجة النفس الحزينه زمليني في تباريح الوصوف البندريه ودي ابعد عن مساحات المباني والمدينه لين انادم نفحة النسناس في نجد العذبه والله اني يوم أكبّل دمعة العين السجينه كن في جفني متاهات الظلام الغيهبيه اتساقى موجك العالي واعوم بلا سفينه والبحر عمقه يقاس من العيون العسجديه ما يرد الروح في ثوب الرحابه والسكينه غير شوف الغره اللي تجذب من البدر ضيّه مثل ماشفت القمر في حسنك اللي تسترينه ادري انك في مدار الأرض سر الجاذبيه
2
3
58
2,521
قل للمليحه ذي الخمار باقي لنا شوي ونطير عقب البطى والأنتظار يجرني سلك الحرير جيتك بمحض الاختيار أنا من الصدفه فقير وقبل يعانقك النهار أنهار لك كل الكثير من الجبل لين الزرار ومن البحر لين الغدير الماء و وجهك والخضار وشلون اقول اني بخير أنا ، دمارٍ في دمار ياعين مجهول المصير على ضفاف الأنكسار روفي بحال المستجير من بسمتك زاح الستار ومع نسمتك فاح العبير ومن البياض مع الحَمار طاح الف حرف من الضمير واستنطقت كل المدار منها الفرزدق مع جرير الى ابن شوقي مع نزار وغنى بها شاعر سدير من وفرتك للأختصار ومن البدايه للأخير انا اغار ، انا اغار ولعيونك ارد المغير
2
42
1,953
الشدايد يا جميله بالازمات اختبار ينعرف فيها الضلال الطويل من القصير كل ماذكر حالتك بين غار وبين نار راحت الدنيا بعيني عبوسٍ قمطرير تحسبن حبك محاه التشدد والحصار التشدد في المحبه هو الشر الشرير شغلهم ضدي وضدك يعمر لك وقار في ضميرٍ ماسكن فيه قدامك عشير زارعٍ لك بخشةٍ من الزرار الى الزرار نبتها ملمسك والعود الازرق والعبير شد حيلك لا يصيبك فشل وإلا إنهيار لا تصغر قيمتك وانت في عيني كبير لذة صبار الهوا مثل لذة الانتصار لا تصدق من يقول الحسد مافيه خير لا تغيرب ماجرا من قنا مثلك يغار كل شي ينشفا فيه ميصاله عسير الذهب دونه حراسه وبيباٍنن كبار والدرر من دونها هيبه البحر الغزير غير لاتيّس و تكتب على نفسك قرار يدفعك سوء التصرف على بئس المصير لولا شحي فيك جيتك جهارً من نهار غير ما يصلح مقام بلا راي بصير فرصتي ويقت حرارٍ على ماكر حرار ما يعود فالمحل الربيب إلا البعير والله ان اموت ما جاك من عندي بوار خل في قلبك ثقه والثقه كنز الضمير خذ كلام اللي يشوفك بعين الاعتبار واحدٍ مالك بقلبه ولا عقله خشير والمحبه مدرسة شي ثبوت وشي فرار وانت درسي مع هل الحب الاول والاخير
1
2
71
4,097
لحظة سؤالي عن أهدافي و عن مبتغاي تجتاح فكري .. من الحاضر لـ رؤية غدي غریب ، ما تشبه أشباهك من أول و جاي تشبه براد النسيم اللي .. سبقه بردي يا حبي الواجد ، أفراحي ، شعوري ، رضاي یا آخر محطات تغريبي ، و ضيع جهدي حبيب روحي ، رفیق خطاي ، كل أصدقاي ذراي ، أرضي ، سما حلمي ، أخوي ، ولدي مابي أعيش بـ شغف لين أوصل لـ منتهاي أحب أعيشك من الأول ، و أحب أبتدي تکرار معك التفاصيل .. اختصار لـ هناي و وقتي اللي ما هو يمشي و معك يعدي يا أكثر إنسان .. يقبلني و يقبل خطاي أنت أول إنسان حبه مستمر .. و مدي تجاوز الناس علمني .. نهاية مداي و تكاثر الظن .. علمني أعيش وحدي لا تنتظر أي لحظة تختبر لك .. ولاي أنت اختياري ، قراراتي ، و صدق وعدي أنا أتحدى الظروف .. و كل عمري وراي وياك ما أسبقك خطوه و لا أسحب يدي
1
2
53
2,147
على كثر القصيد الي كتبته فيك مازلتي تعرفين القصيد الي مُحال انشره لـ الساحه قصيدٍ مستحيل انه يجي داخل مفضلتي قصيدٍ لو نشرته يوم ما تنفعه مساحه أجيك .. وما معي الا سؤالٍ في مخيلتي واروح .. وما جنيت إلا تعب مابعده الراحه يـ عيني ، خفي دموعك تراك البارحه سلتي خلاص إليا متى تبكين دامه عايش افراحه يديني ياكثر مـ انتي من دموعي تبللتي وهو يا للأسف كذاب لو بيّن لك صياحه عشانه ياكثر مـ انتي بنص الليل هللّتي مـا بين احزانك الغبرا وسجاده ومسباحه عشانه ، ياكثر مـ انتي من الأحلام قتّلتي وجاك اليوم متقوّي عليك ورافع سلاحه تركك ، تنازعين الموت .. لين انك تحللّتي ولا فكر يجيك بيوم حتى تسمع نياحه ياليتك ، قبل مايدخل مع البيبان قفلتي ياليتك ، ماتهورتي وسلمتيه مفتاحه ياليتك يوم صار الريح وقفتي ، ولا ملتي ياليتك ماشعلتي له بنص الليل مصباحه يكفي .. واكفي احزانك تراك من العنا نلتي عنا لو ذاق نصه يوم بان اليوم مرواحه سألتك وابتلشت بصمت ماجاوب على أسئلتي وانا ما كني الا طير .. لكن فاقد جناحه جليس وحولي احزاني وفوضايه ، ومهزلتي وقلبٍ كل ما داويه ترجع تكثر جراحه وعلى كثر القصيد الي كتبته فيك ماقلتي أمانه .. كيف يدينه تصير اليوم لواحه
1
4
66
3,044
مراسيل وضحى فأول العام مثل العام ماجاء من طرفها لا رساله ولا رنه تفاصيلها ماهيب نزوة شقا وأوهام لا بالله عمرٍ قد قضيته على السنه عطتني الشعور اللي مايشرى ولا ينسام وربى جرحها فيني ، وانا أدراه وأحنه بقى قلبي اللي من عرفها ثلاث أعوام جفته القلوب العابره وأختلف ظنه فداها السنين وماخسرته من الأحلام وجفاف السما والأرض والبرد والكنه تحت رمشها ماتت قصيدة وعاش إلهام وعلى عنقها طلايع الموت منجنه خذت ماخذت خطوة مسيري من الأقدام ولا خلّت إلا خاطرٍ ، ماضحك سنه وقطع دربها ظهر المطيّه مع الأيام وأنا طيّبٍ مايفلت عنانها منه وغسلها السحاب وحبّها السيل والأنسام وجبرها الوداع اللي ما عني ولا عنه عنودٍ هواها نار جوف وعنا وآلام ولا زلت اشوفه نسمةٍ من هوى الجنه
1
3
55
2,806
انا انا .. والمشكله ما لها حل لا زلت اعاني بين عقلي وحنيني بعدك تراني ضعت ، رغم اني ادل والحظ .. من بد البشر ما يجيني يزيد عند الناس ، واشوفه يقل ولا زلت عالق بين شك ، ويقيني رحتي لحالك ، واشعر بـ روحت الكل انا اذكرك .. مدري إذا تذكريني الردن .. لا مرت طواريك يبتل وتراه صعب تطيّح الدمع عيني رميت كل اشيائنا عقبك .. وظل ذكراك ، كيف انساك يا احلى سنيني عن الشموس القشر محتاج لي ظل ومحتاج عقب البعد هذا .. تجيني القلب عقبك .. ضيّع دروبه وضل وما عدت افرّق ، بين زيني وشيني احاول أنّبت كل ما هـ المطر هل وعن آخر الاخبار .. لا تسأليني وانا انا .. والعقل ، من غربته مل والمشكله .. فيني ، وفيني ، وفيني
1
4
60
2,907
ماعاث بقلوب المواليف وإجتاح كثر الهوى اللي ينثني ويتمايل شيٍ نقوله بالقصايد ونرتاح وشيٍ ورا عوج الضلوع النحايل ولا فرحت بشوفة البرق لا لاح إلا حزنت من إنعدام الوسايل ماجا الجواب بظرف ساعي ولا راح والفقد له بعيون ناسه دلايل ياما تمنيت المطر كل ماطاح ألقى بصندوق الرسايل رسايل
1
4
85
3,346
يموت الشوق في راحة يدينك والوعد ما زل أمانه ، دثريني من عذاب الشوق بـ أحضانك على بحرك غريقٍ ما يشوف إن المراسي حل لقى دافع حياته ، موته لـ لولك و مرجانك ما يكفيني قليلك ، لو يكفي من يشوفك ظل تعبت اغبط مرايا غرفتك ، و عيون جدرانك يقولون النفوس تمل ؟ لا والله ماهي بـ تمل حشى من يملكك ، ما فكر بـ غيرك ولا خانك
1
46
2,133