استهلك القلب كل اللي معه من حنين
واستهلك الصبر كل اللي معه من صبر
اليوم بالذات كلً لاحظ اني حزييين
حتى الحزن قالي منت بـ على ما اخبر
الحب ما يتعب الا عياله البارين
وانا من عياله اطيب قلب و اصدق وابر
_خالد مبارك
عساه يشوفني عابر سبيل بشاشة الجوال
يكفيني لو انه قاطع عني / مراسيله
شعوري في فراقه شي / لا يكتب ولا ينقال
لكم عنوان جرح ماقدرت أشرح تفاصيله !
- سعود مبارك
"تستاهلين الكلام الذرب يالذربه
مسامعك ما يجوز يمرها العادي
أنتِ أمان الفؤاد اللي من الغربة
يهيم بالفكر من وادي إلى وادي
لو ان دونك سيوف، و بندق، و حربه
جات الطعون بـ حَشاه وجالك مفادي
و اليوم صرتي أماني قلبه و دربه
اللي يسوق القدم صوبه بلا إرادي"
من دافع الود .. مدري دافع الأشتياق
أقبلت و الشوق ماحوله شكوك و زلل
مافيه مثلك مشى من تحت سبع الطباق
من ساكنين الخيام ؟.. و ساكنين الفلل
الساعه إللي معك " بداية الأنطلاق "
و الساعه إللي بدونك ؟ كلبوها ملل