لاترهق افكارك ولا تسرح بعيد
الشمس تفضح ماخفا بشروقها
ازرع بوقتك طيب وانت المستفيد
الطيب شجره ماتموت اعروقها
الشدايد لعبة كبار الاشدّه
و الزمن فتاك و الغافل يعاني
لو تهادى بين لين و بين شدّه
ما لـ راعي الوجه الابيض وجه ثاني
681
السنين أدور ،، والدنيا ماهيب أتجامل
مالها قلبٍ يحن ،، ولا ضمير يأنّب
الفرص مايغتنمها غير ،، شخصٍ صامل
من يخاف الناس وظروف الزمان يجنّب
أجتهد فوق ظهر الأرض رايح وجاي
وألبَس الثوب الأبيض والشماغ الحمَر
الله اللي كفل رزقي ولا له سواي
آكله لو بحلق الذيب ولا النمر
قسمة الله لا من طيبي ولامن رداي
يرزق الله هل الخنزير وأهل التمر
ياشين التصنع فالمراجل وف الابداع
تبي تلفت الانظار يمك وحنا ادرى
ياكم واحدٍ قبلك يحسبنّ باعه باع
وتعبّته عيال الرياجيل لين ازرى
488
بعد طوفان نوح وحادثة سد مآرب
ماغرقنا سوى بافكارنا العنجهية
بين غامر تعيش وبين سدد وقارب
القرارات ماتت والهواجيس حيه
لاتنزل شدادك عن ذلول التجارب
يمكن تطيح بكره تحت خف المطيه
اخذ هرج المفوه واخذ قلب المحارب
واخذ صمت اللبيب وخل صمت البنيّه
- مطرب بن دحيم
ياولد مايطرب البال ، ويسرّ الهجوس
غير طيبٍ ماصنعناه من هاجوسنا
مرحبا : والمجد ماهيب تشريه الفلوس
والبقا : يامجدنا اللي ماهو بفلوسنا
بالمقام اللي على العز محمي ومْحروس
بين ذعذاعة هوانا .. وهبّة كوسنا
شامخينٍ مارقينا على الطاله عسوس
الله اللي شيَّم من الطمان نفوسنا
حنا روابعنا .. روابع رياجيل
ولا يغيّرنا. الزمان المغيَّر
نفوسنا فيها من العز تبجيل
وجدارنا مهو الجدار القصيّر
وبيوتنا لاخوان شمّا مداهيل
منّاب لاشفنا الضيوف نتطيّر
نفرح ليا شفنا النشاما مقابيل
ونضيق اذا ماجا المسيّر مسيّر


