داخل المستشفى أو خارجه، ما أذكر إني قدمت نصيحة صحية أو علاجية لامرأة إلا وحرصت أتكلم معها عن أهمية تمارين المقاومة حتى لو كانت حالتها ما لها أي علاقة مباشرة بالرياضة أشوف من واجبي أعرّفها بأهميتها وأثرها على صحتها وخليني أقولك شي " تمارين المقاومة عمرها ما كانت مضيعة للوقت " مهما كان هدفك من ناحية شكل جسمك ومهما كانت النتائج أبطأ من توقعاتك أو مو بالقدر اللي يرضيك ، كوني متأكدة إنك تستفيدين من تمارين المقاومة من أول ما تبدين ترفعين الأوزان سواء شفتي أثرها في المرآة أو ما شفتيه