Pinned Tweet
أحسن وسيلة وأنت بالخير مذكور
وسـيلةٍ مـا تنتعوّض بــحاجـة
قدمك طريقٍ للميامين مأثور
هدي الرّسول وسنّته وانتهاجه
والفاتحة والعصر والفجر والنّور
وما صحّحوه التّرمذِي وابن ماجه
والواحد اللّي من يناجيه ماجور
إليا فات ثلثينٍ من اللّيل ناجه
ــــــــــــــ
لـ #محمد_الخس رحمّه الله
بالله يا أهل البيت لا تشلعونه
خلوا عيوني من حبيبي تروى
ثم لا تهوزونه تبا تضربونه
جعل اليدين اللي تطقه تكوى
جسمه حريرٍ لو تبي تلمسونه
مثل النفل لو تلمسه لمس ذوى
غروٍ نياشين الغلا في عيونه
يضحك ويشر لي على القلب جوى
يقول هذا لك ولا يقربونه
وأبو الذي يزعل بعشرين ضوى
وأنا مليك رضاه ماجوز دونه
قلبي معه بيديه من حيث موى
حيث اني افهم ماخفى من ضنونه
وأدري بقلبه من قديمٍ وتوى
وأخشى عليه من العرب ينظرونه
أنا أشهد ان اللي مسويه سوى
نبنوب موزٍ مايلاتٍ غصونه
عرقه من الجم الزلالي تقوى
والخد براقٍ تكاشف مزونه
مثل المشاعل من مقاديم نوى
عنق الغزال مخلعاتٍ متونه
والثوب من قفوه عليه يتطوى
في خاطري ما فالبشر مثل لونه
مما خلق ربي من آدم وحوى
الله على من شد مجمع قرونه
وأكنى عليه وفي رقبته تلوى
ــــــــــــــ
صُاحب هالرساله :
ضعيّف روابع ودين ومروه ..
كثير توصلني مثل هالرسايل والكثير ولله الحمد يعرفون إني بعيد جداً عن كل ما كتب
سواءاً من سب ومن قذف ومن إنتهاك أعراض المسلمين بغير حق ، اللي أقوله وأخر مره اكتب عن هالموضوع .. كل ما يتعلق بالرسايل هذي أحيّلت رسمياً لجهات الأختصاص ..
ساعتها كل صُاحب حق ياخذ حقه ، والسلام عليكم وأتمنى من اللي توصله أي رساله تخصنّي فيها سب او قذف او غيره لا يجي ويكتبها لي .. لن الموضوع تحّول رسمياً لجهات إختصاص ، والسلام عليكم ✋🏻
5
273
لاح برق الشوق وارعد خياله واستدار
والسهر مني خذا له وكاله مطلقه
لا التطم موج الطواري وحددت المسار
كل بيتٍ يبتدي به يصير معلقه
غالي كان اقرب الناس واحسنهم جوار
وكانت عيونه تكفل بـ خافي منطقه
مالقيت لـ رحلة الهجر والصده مطار
لين عود قصر الاحلام كبر الصندقه
واقف بين الهزيمه وبين الانتصار
وقفت المظلوم لا صار محد صدقه
حالي اللي مثل غصنٍ فقد لون الخضار
وجف ساقي ماه وانلاع وانحت ورقه
المداهيل القديمه وتجديد الاثار
جزم كبد وقل حيله وضيقه وغلقه
جض قلبي كل ما ميلت شمس النهار
جض من وكد غريمه ولكت بندقه
اتقوى وانهر الدمع وابوج الديار
وعبرتي في مطلع الحلق مثل المشنقه
ليت حظي له على كوكب عزومي مدار
ولیت شمس اماني العمر دايم مشرقه
التفاصيل الصغيره على العاشق دمار
وذكريات الحب بعد المفارق مرهقه
صابر ٍصبر السنافي على زلات جار
واثر حتى البعد مغسول وجهه بمرقه
من وقف بين المحبه وما بين الوقار
والله ان يبطي وحلم العمر ما ( حققه )
-#محسن_بن_مترك
@aprvip
57
1,060
من روائع الشاعر
#عبدالله_بن_زويبن_المعمّري :
يالبيض غنن للحويفـي زغاريـت
على البيوت اللـي تليـق بمقامـه
لو كل ماأسمع لي لجاجه تعزويـت
طمرت لي من راس جرف بعدامـه
لو إن شطر البيت ماهو على البيت
لاكان وضحت الهدف من كلامـه
إلليا نصحت قليّل العرف وأزريـت
قل الدروب وساااع .. ومع السلامه
صدك تقل ماأوحيت لو إنك أوحيت
عن الرديه .. طيب ماهو رخامـه
والله ماتنـدم عليهـا ألليـا أقفيـت
إقفاي ذيب ٍ عـن وليشـة هلامـه
لو الخطا وارد وأنا تهت وأخطيـت
وحمّلت نفسي كبر سلمـى ملامـه
نزلـت نفسـي للرديـة ورديـت
لـو إن ردي مايمـس الكـرامـه
والثوب الأبيض تقشبه نقطة الزيت
لو هي صغيرة فيه تبقـى علامـه
ياليتنـي عنهـا بكمـي تـذريـت
وإلا بشبر ً من جنـاااااح العمامـه
وخليتها تبـرى ركـاب العفاريـت
مع رقرق ٍ تذرى الهبايـب رمامـه
نطحتها شهب السهـال السفاريـت
وإن ماوسعتها نجد .. تضرب تهامه
تقدير للـي ماتصاغـوا مصانيـت
للعالـم اللـي ينقـلـون النمـامـه
وإلا لو المقصد كـلام الشماميـت
قدمي رجـال المعرفـه والفهامـه
زلوا وأنا من عرض من زل زليت
كم واحد ٍ عض الأصابع ندااااااامـه
حتى الشراري قبلنـا قـال ياليـت
رقبتي أطول مـن رقبـة النعامـه
56
1,813
ــــــــــــــــ
لـ الشـاعر / #غازي_الميموني رحمّه الله
ياللي تقولون الهوى ضحك ومزوح
ترى الهوى مايعرفه كل مزاح
اصل الهوى معناه روحين في روح
به تندمج كل المشاعر والارواح
حتى يصير الباب للقلب مفتوح
بابٍ له شعور المحبين مفتاح
والقلب يمشي له على غير مصلوح
يتبع هوى مغليه من وين ماراح
وانا هوى بالي معي وين ماروح
طيفه معي باحزان عمري والافراح
ياكثر مايخطي وانا اقول مسموح
كل الزعل لاقال لبيه ينزاح
انا اشهد ان الحب لوعات وجروح
وانا اشهد انّي منه ماني بمرتاح
لكن ياللي كل مافيك مملوح
ارفق على حالي ترى الحب ذباح
يابو جديلن فوق الامتان مطروح
ياللي جبينك كنه النور وضاح
خدك بليلٍ مظلم ولامعه ضوح
اليا لمحته كنه البرق لا لاح
اشوف خدك في دجى الليل بوضوح
نوره ليا باين ولانور مصباح
وعينك دواء قلبي ليا صار مجروح
ورموشها تجرحني بشلف ورماح
شفت التناقض كيف ياغاية الروح
تجرح وتذبح وانت دكتور جراح
عزالله اني عن شقى الحب منصوح
لكن قلبي ماسمع كل نصّاح
اثر الهوى يودعك في سدك اتبوح
وفيه الخساير فوق ضعفين الأرباح
لاتحسب الخاطر من البعد مشروح
تراي اجاوب نايح الورق لاناح
حبك بنى في قلبي ابراج وصروح
وسيطر على قلبن للأسرار ماباح
واسرني وخط احرف اسمي على اللوح
اسير حربٍ مابها جيش وسلاح
حربٍ ضروس ولابها دم مسفوح
لو ان فيها سيف ساطي وسفاح
اول ضحاياها بلا حق مذبوح
قلبٍ يجازي صادق الود بانصاح
قلبي عليه ظلوعي تصيح وتنوح
واقصى الظلوع يزلزل الأرض لاصاح
لكن ياللي كل مافيك مملوح
ارفق على حالي ترى الحب ذباح
ــــــــــــــــ
57
2,433
دارت الايام واستنطقت صمت الحزين
واستوت قصة حياته على السنة الرواه
مابغيت الخافي اللي ورى صدري يبين
لين شفت اللي على البال معطيني قفاه
انحذف حلمي على اليم واقفى يامعين
ما وراه اختٍ تقصه والامواج تحداه
كل يوم اهدي النفس واقول بتزين
مابعد لحفني الياس بطراف العباه
البحر قدمي وانا في رجاء الحلم الثمين
يمكن انه يرجع و يقسم البحر بعصاه
جيت صدفه وامتلكت الذهب في ظرف حين
والمصيبه لو اخسره وروح اخذ زكاه
الصدف من حلوها ماتكرر مرتين
تنعشك يوم وتخليك تعذِر في الحياه
مر اقول اني طبيعي ومر اقول عين
الوكاد اني من الوجد في قلبي حفاه
ياوجودي وجد من طاح ماعنده عوين
جر صوته والهوى الصلف مقفي به وراه
ياوجودي والله ان خاطري ماهوب زين
والعرب من شافني قال فالح وش بلاه
ودي امشي عكس الايام و ارجع خطوتين
يمكن القى لي عن اللي حصل سترة نجاه
اقنعوا سود الليالي معي يامسلمين
تبتسم للتايه اللي مايدري وين تاه
ياوجودي وين انا والثلاث البيض وين
القدم محتار و الشوق مايلحق مداه
باقيٍ لي خمس بيني وبين الاربعين
والليّ بعمري يحسب انْ مانيب من اسنناه
اسرفت فينا الشدايد وحنا طيبين
وارسمت فوجيهنا ما يشد الانتباه
واهني اللي خذا من هوى نجد اكسجين
اعوضٍ في ضيقة كنها جمرة غضاه
احسب اني ما انكسر من وداع الراحلين
لين قمت اجر صوتي ويزعجني صداه
مابقى عندي حنين الـ مهجرعت الحنين
الحنين اللي ورى حدب الاضلاع لغناه
ياغناه ان كان فوق البسيطه حور عِين
انتي اول من تهادت على البيدا خطاه
عقب فقد اللي لها في الحشا سر دفين
صرتي اول مايبدا بعد فرض الصلاه
جعلني ما طيح في مصيدة غبر السنين
لين اخلي ضلع جنبك مثل ظلع السراه
اطلبي واللي تبينه ترانا حاضرين
ياغناة مابعدها على الدنيا غناه
لاعبيني وازعجيني وسوي ماتبين
مستحيل ازعل لو الصبر ياصل منتهاه
في قوانين الغلا مانبا العذر السمين
يخطي الغالي علينا ويشفع له غلاه
انتي اغلا ماعطانيه رب العالمين
جعلني ما ملّ من شكره ولا اجحد عطاه
لا تضايق صدرك وثار بركان الحنين
واقبلت صكات الايام من كل اتجاه
ازبنيني وابشري لك بعزمٍ ما يلين
الغلا يضمن لك اني مافكر في الحياه
- فالح أبو عضيده
عبد الله بن زويبن الحربي
ـــــــــ
عديت في راس الطويل المطلي
اللي يوصف في دجا الليل لونه
عن الرجوم النايفه مستقلي
ترفاء الحرار أوكارها في ركونه
عيني على العالي واحب التعّلي
والطيب عالي والنشاما يبونه
وغنيت يوم إن الغنا عادتن لي
اضبط معاييره واخفف لحونه
من خزنتن ماهيب تجرة مقلي
تاجر وعندي بالرمايه مرونه
ارمي ليا شفت الهدف بينن لي
رميت ذريفٍ بندقه من عيونه
إليا خطم للصيد جاب المجلي
عدل قطرها والنظر مايخونه
ولي صاحبِ غالي ولادري وش اللي
خلاه من يمي تغير ظنونه
ليا عزمته ما يشرف محلي
وليا بحثته في نقاشه خشونه
وازريت من راع الغوج والتغلي
اما امدحه ولا عطاني متونه
خله يولي والمولي مولي
ماينفع البايد لو إنك تصونه
مهف غربٍ مارجع يوم دلي
في راس حبلٍ ذايباتن منونه
عودٍ يلولح بالهوا يوم تلي
والغرب باقصى البير والجم دونه
ومهف طرشٍ عند الاجناب خلي
متكانفينه باربعين معنونه
لقوه في وسط الفيافي مفلي
ما حال دونه من يعقد ردونه
ماني مطيعك يارفيق التسلي
دور خروفٍ تسحبه في قرونه
ـــــــــ
في أجمـل وأصدق معاني الوفاء ، الشاعر والأديب #ذيب_الشمـري
يرثي صديقه
الشـاعر #نـّواف_العـازمي ، رغم نديتهم القويه والشـرسه في مياديـن المحـاوره ، إلا أن الوفاء أكبر وأنبل صفه يتّصف بها الأنسان
#ذيـب_الشمـري
@TheebAlshmmri
ــــــــــــــ
كن الخبر رمحٍ تخلل ضلوعي
رمح الفراق اللي للاعمار قصّاف
صحيح ماهو واحدٍ من ربوعي
مير الوفا فوق الطوايف والاطياف
شقيق فكري في بداية طلوعي
اخوي في حكم العوايد والاعراف
بين الصفوف الحاميه والجموعي
ياما لنا في ساحة الشعر ميقاف
بالقاف يضربني على راس كوعي
واضربه مابين الحجاجين بالقاف
على الشرف ندفع سلاح الدروعي
من شان تعزيز المواقع والاهداف
في علم ترويض الاسود الهجوعي
في ساحته صرنا مروّض وعساّف
حتى بدت تمشي بطوعه وطوعي
والسبع راقي بالتعامل ليا خاف
واصبح حليفي بأتحاد الفزوعي
يوم الزمان اصبح مجاميع واحلاف
من سنة الرحمن ماني جزوعي
لكن معي قلبٍ من الود شفاف
حفظ الصداقه من جواهر طبوعي
اموج بالذكرى شراعٍ ومجداف
ادفع ضرايبها ولاني منوعي
مااظمها في خاطري شكل وغلاف
عليه من جوع الغلا زاد جوعي
ماهو مثل جوع البهايم للاعلاف
جفت ينابيعي ويبْست زروعي
عشرة عمر نسيانها ظلم واجحاف
وفي حين صلينا عليه بخشوعي
وحطوه في قبرٍ فصال اربع اطواف
اقفوا وانا عنده تذارف دموعي
اخر رجل واقف على قبر نواف
يامن لحكمك معلنين الخضوعي
انت الكريم وتكرم الضيف لا ضاف
عبدك وضيفك في مقامٍ يروعي
عن رحمتْك ماله وساطات واسعاف
يالله لاتحصي عليه الوقوعي
في ما نهيت وشفت والغير ماشاف
67
1,486
ـــــــــ
#عبدالله_بن_عون
البـارحـة جفـنـي عــن الـنـوم مـذهـول
طــيــب الـمــنــام ولــذتـــه ما حصل لي
اليـا شتـل عينـي عـن الـنـوم شـاتـول
أخــذت مــع هـاجــوس قـلـبـي تـسـلّـي
وليا عذل عيني عـن السهـر عـاذول
قـلــت الـسـهـر يـاعـاذلـي جـايــزٍ لّــــي
مـادام الـي قلب ٍ مــن الـحـب مـدهـول
ما اشوف في كثر العـذل صالـحٍ لـي
اتـركـنـي اتـبــع راحـــت الــبــال واقــــول
مـن ماتصـور واحـضـره هـاجـسٍ لّــي
خـل القلـم يكتـب مـن القيـل معـسـول
ابــيــع واشــــري فــيــه واخـــــذ وخــلّـــي
اخــذ مــن اول صـفـوة القـيـل مـزلــول
واتــــرك حــثــال الـقـيــل عــنّــي يــولّــي
عـسـى يـعـالـج خـاطــر ٍ فـيــه نـشـبـول
مـن ضيقتـه ضـاق الفـضـا والمحـلّـي
كــان العـزيـز يصـيـح للـحـب مـذلــول
فـــانـــا الــذلــيـــل ولاحـــــــدٍ ذلّ ذلي
دايــم وجيـبـي بــأزرق الـدمـع مـبـلـول
والـحـال مـني نــاحــلٍ مـسـتـسـلّي
حــالٍ بــراه الـهـجـر حـــول ٍورى حـــول
يـامُن يـشـوف لهـجـر الاحـبـاب حـلّــي
طفلٍ طغى مالـه بسـوق الهـوى دول
بأحـلـى صـفـات المحصـنـات متـحـلّـي
راعـي هـدب عينٍ بـلا كحـل مكـحـول
والـبــدر كـنّــه فـــ الـجـبـيـن مـتـجـلّـي
ما احرزت اجيه ولايجي منه مرسول
بـيـنــي وبـيــنــه واحـــــدٍ واقـــــفٍ لـي
علـيـه قـلـبـي بـيــن الاظـــلاع مـتـلـول
ودايـــم وهــــو لـلـبــال قـبـلــة مـصـلّــي
ـــــــــ
ياحبيب القلب فـ الحب يازين الوضوح
اجمع حساب الغموض القديم ودقّقه
يطلع الناتج .. معاناه و أعمارٍ تروح
وذكرياتٍ تحت سقف الطموح معلقه
منك يا كثر المحبه ويا كثر الجروح
و الزمان ايامه مجمّعه .. و مفرقه
تدري ان صدري من الصد والفرقا يفوح
والبطى والهجر : ثوب الغرام يشققه
لا تعاتبني و مزن الجفا ؟ برقه يلوح
وصدتك رحلة غريب ماهي بموفقه
كنت لي منصح وانا كنت في حبك نصوح
لين جبت أعذار طول الغياب .. ملفقه
وين راح الحبّ يالصافن القبّا الجموح
والعهود اللّي بحلف اليمين : موثقه
ودي اوريك قلب على وصلك لحوح
كيف من بعد القساوه غرامك رققه ؟
لا ذكرت الوصل والغيّ وايام المزوح
وسجتي مابين جيدك .. وبين معنقه
قمت اردد من شقى خاطر ومن حر بوح
سَامحك ربي .. وذكرى الغرام ، معتقه
اسمع البيت الختامي وإذا بتروح ؟ روح
بيت احساس الشعور الحقيقي .. نطقه
انت راس المال وانت الامل وانت الطموح
وانت .. حلمٍ جعل رب العباااد : يحققه !
- محسن بن مترك
113
1,960
نرجع ونعيد ونزيد بالموضوع اللي صاير هالفتره الحاليه ، من كثرة رسايل التيـل للحسابات اللي بيني وبينها أضافه .. وربط حسابي وحساب شخص ثاني بكلام لا يرضي الله ولا رسوله ..
أتمنى من هالشخص اللي جالس يكتب وينشر هالاشياء إنه يجي ويتكلم باللي عنده ولا يرمُي بلاه على المسلمين ..
كل من بيني وبينه أضافه فـ اخ عزيز وله تقديره وأحترامه ، القذف والسب ما يرضـاه أي شخص فيه مخافة من الله ومروءة .. لذالك أتمنى من هالشخص يجي بحسابه ويتكلم باللي عنده ويترك المسلمين وأعراض المسلمين عنه ..
تركت الموضوع وترفعت عنه إلى أنه وصل لمرحله ما ينسكت عنها لذالك للمره الاخيره أقول يجي بنفسه ويتكلم باللي عنده
لن بعد هالتغريده هذي بيصير كل شي رسمي موثق ويتم تقديمه لجهة الأختصاص .. ✋✋✋
نرجع ونعيد ونزيد بالموضوع اللي صاير هالفتره الحاليه ، من كثرة رسايل التيـل للحسابات اللي بيني وبينها أضافه .. وربط حسابي وحساب شخص ثاني بكلام لا يرضي الله ولا رسوله ..
أتمنى من هالشخص اللي جالس يكتب وينشر هالاشياء إنه يجي ويتكلم باللي عنده ولا يرمُي بلاه على المسلمين ..
كل من بيني وبينه أضافه فـ اخ عزيز وله تقديره وأحترامه ، القذف والسب ما يرضـاه أي شخص فيه مخافة من الله ومروءة .. لذالك أتمنى من هالشخص يجي بحسابه ويتكلم باللي عنده ويترك المسلمين وأعراض المسلمين عنه ..
تركت الموضوع وترفعت عنه إلى أنه وصل لمرحله ما ينسكت عنها لذالك للمره الاخيره أقول يجي بنفسه ويتكلم باللي عنده
لن بعد هالتغريده هذي بيصير كل شي رسمي موثق ويتم تقديمه لجهة الأختصاص .. ✋✋✋
#عبدالكريم_البدراني
ـــــــــ
بيتً مضى له خمسة أعوام مهجور
متساويٍ من قلة الوطي _ قـاعه
وقفت فيه شوي مع فجّة النور
قبل أرتفاع الشمس تقريب ساعـه
في مجلسٍ بابـه مصدّي ومكسور
ويفتح على حوشٍ محيلن دعِاعه
فيه الورق كنه على الارض منثور
وغصونه اللي تقول موتى جماعه
وقلت العلوم ؟ وقال مانيب مسرور
قلت الحياه ! وقـال ماهي _ طمـاعه
مطيةً تمــشي .. ودورٍ ورى دور
كم واحــدٍ طشت وراها متاعه
تشكي علي الهجر يا عـالي السور
شكوىً تخلي الكبد مثل المياعه
جيتك سليم وعندي أحساس وشعور
ورحت بكسر خاطر .. وحـزن وقناعه
واللي وطـاك من الغرابيـل والجـور
ماهي قضية وصــل ولا قطـاعـه
ماعلموك إنْ غيب الايام مستور
اللي بنوا سـاسـك وعلو ربـاعـه
وأن المفارق مالهم فيه مقدور
أمراً مافيه محـاوله وأستطـاعه
شيٍ ما ينفع بـه معالج ودكتور
والبـاس والصحـه وقو المنـاعه
وقتٍ يلف سلوك الاعمار ويـدور
واللي وطا ظبيه .. توطا سبـاعه
والنـاس بالدنيا رصـاصٍ بـشرشور
احـدٍ رحـل واحـدٍ قريـبٍ وداعـه
ـــــــــ
90
1,290
#عبدالله_بن_عون
ــــ
عسيبٍ عليه الراعبيه تجر الصوت
وتهزّه ليا منّه ركد بإلتفاتتها
تجر الونين لحالها والحمام اسكوت
ليا سمعها راع الولع ون ونتها
تخفّف بجر الصوت عن صدرها المكبوت
وانا صرت من بد الأوادم ضحيّتها
تحرّك جهاز مولّع القلب بالريموت
وتجر المشاعر لين تعطي جريرتها
غريبٍ لحنها ما يباعد لحن بخّوت
عليها الله أكبر كن بخّوت عمّتها
وأنا أظن فالورقا وظنِّي هو المثبوت
شعاها المفارق لين هاضت قريحتها
لكن الفراق ايعالج إلاَّ فراق الموت
هو اللِّي ليا مر المواليف شتّتها
ــــ
101
1,506
قصيـدة غزليـه
من طراز " الغزل العفيف " قيلت القصيده قبل 150 سنه تقريباً ، للشاعر الكبير / دلول بن طراح الجميلي رحمه الله
_
ياراكب ٍ من فوق ناب النسانيس
مربعٍ من طيحة الوسم بالراس
قولوا ربيعٍ دارهم يالعواسيس
حتى تقرب هجرة الناس للناس
إن جت نجوم الليل مثل المقابيس
والا الركايب ضمّرٍ مثل الأقواس
عسى الحيا يسقي مردة مديسيس
اللي شرب من ماه مدقوق الألعاس
ياونتي ونة طريح الملابيس
أهل الدروع اللي زهوا لبس الأطياس
من واحدٍ بالقلب حط الهواجيس
بين الرجا لاما الحبيّب والإياس
تونيس ماعقب أريش العين تونيس
ولا ونساً عن ونسته كثر الأوناس
مثل القمر يضوي بظلما وهي خيس
وإلا الثريا ظاهره وقت الأدماس
الجوخ ما وازن قطع الهداريس
وصافى الذهب ما وازنه بارد الحاس
نظيفٍ أنظف من قطع القراطيس
ما داوروه اللي يدورون الادناس
_
97
3,161
ـــــــــــ
#عبدالله_بن_زويبن رحمه الله
انا البارحة هيض عليه حمام ناح
يجر اللحون من المسرة والأفراحي
نبش له جروح بالحشا دمهن نضاح
وانا قبل كاميهن مبا السر ينباحي
أهوجس ومن جته الهواجيس مايرتاح
تنام العيون المستريحه وأنا صاحي
يدقن قلبي دقة السلف بالمفتاح
ومثل مايطق الطار في قصر الأفراحي
ويتلن قلبي تل ركبٍ من المسراح
يقرب مساهن واللواليح طفاحي
سوات الخشوف إلى تقافن مع الصحصاح وساع النحور فخوذهن مثل الألواحي
لهن عند شغموم يسد اللزوم مراح
يسلي نباه وللمواجيب نطاحي
على البيت من صوب الخلا مايحط سناح
كريمٍ ببيته ضايق البال ينساحي
على دور ناسٍ دورهم كد مضى وانزاح
والأذكار تبقى والعرب رسمهم ماحي
وألا يانديبي قم تولم بدون الحاح
على اللي لها فوق المخايل تمرجاحي
تمروج تمروج مومي السبق والجناح
على متنها توصل خبر مانت سواحي
توجه من العارض إلى ديرة الصباح
معك ماعليها غير كبتن وملاحي
توصل وصاتي يم قرمٍ وسيع شباح
على الخير واللي غير معنا وهو ناحي
جزاء الحنتمي عد الروا واترك الضحضاح
للأمجاد كسابٍ وللقاف نقاحي
عزيز المناسب ماذكر فيه عرق شحاح
سلايل كرام وهو للامجاد طماحي
طموحه يصمل حرمة العفن للمطماح
تشوم لصبي الطيب عن راع الارباحي
سخيٍ يقلط بالصحون الوساع فطاح
كريمٍ يعد بذبحة الحيل سفاحي
عليه الخسارة هينة والحياة اكفاح
والأموال ترجع والخسارة بالأرواحي
سلايل رجالٍ فاللقاء ترخص الأرواح
هل الفزعة العجلة إلى صاح صياحي
إلى من ستر معسلات الشفايا طاح
سندهن ( سند ) مروي مذاليق الأرماحي
نهار اللقاء ينطح ولا ينطحه نطاح
تقطع عقايل ربع خصمه إلى طاحي
عقيدٍ يعزل إلى غزى ناقة المصلاح
حفيده بفعله يستحق التبجاحي
أبا اشكي عليك اللي ذبحني بغير سلاح
وكواني بمرقاع كواياه نجاحي
وحذفني بوسط البير من طفة اللولاح
تحملت مع جور الزمن حمله الفاحي
تشفقت شوفه والبلا من حصاة رزاح
ولا أدري حصات رزاح وشلون تنزاحي
عقب راح كن الدار سكانها الاشباح
غريبٍ مريبٍ في مسايه ومصباحي
أراجي وصوله مثل مايرجي الفلاح
نباتٍ شقاه ومكسبه فيه متواحي
عسى الله يرده من غيابه مثل ماراح
لعل السنين تدوربه مثل الارياحي
نظمت القصيدة مثل ماينظم المسباح
على ماطرى لي وانت ماهر وسباحي
على مبتداها من نسيج الحرير وشاح
وعلى منتهاها عنبر العطر فواحي
وأصلى واسلم عد مايثمر التفاح
على المصطفى اللي بين الحق بيضاحي
ـــــــــــ
-
لاهبّني من يمة الشرق نسناس
أخذت اكرر في ضميري سؤالي
الليل هذا كن له صوت هوجاس؟
ينده معامييلي وصفرا دلالي
وأنا ما ارد اللي ينادي على ساس
ماني بـ مثلك يوم انادي تعالي
ياغاليه وأن بان في عيني الياس
وجهي ذبوله بان منه اختلالي
عديت في راس الطويله وانا راس
ماني بـ تبعٍ ماتعدا ظلالي
في رحلتي مريت الأطلال عساس
مرباعها قفرٍ من الناس خالي
هبهابها يطرق على غصن يبّاس
كن غيمها عن حال الاوراق سالي
ان جيتها زوّدت في باسها باس
تقول ثنّت حزنها من خلالي
ياغاليه؟لولا الشعر وأحمر الكاس
ماكنت أميّز بين عمي وخالي
اسامر طيوفك على جال كرّاس
غالي وسيّر له من الشوق غالي
الجذع يشره لاكسر غصنه الفاس
وشلووون ماشره لانحل منك حالي؟
أثر الرسايل تحمل شعور وأحساس
مابين برد حروفها جمر صالي
بان فمواريها بدر فوق جلّاس
وبان فزواياها سواد الليالي
فروقنا واجد لو الفرق ينقاس
حتى ان تشابهنا بدا الفرق عالي!
« أنتي ثلاث حروف من حولك الناس
وأنا ثلاث حروف . . . لكن لحالي »
- #عمر_الودعاني
88
2,626
وش عذرنا يا نجد يا دار الابطال
وذكراك فـ الاسلاف بالقلب نبعه
يامْا قطعنا فوق أراضيك الأميـال
والذوْد رتعنـاه صلحه وسنـعْه
وقمنـا وصلينـا جمـاعه بالإجمـال
على رمـالك ذي سجـده ودمـعـه
الرجل بالدسمـال والبنت بـجلال
وسبحانك الله إثلاث في كل ركعه
ندعي نبا الغفران من رب الأنفـال
ونلح فـ اخر وقت من يوم جمـعه
يا نجْد فيك أحرار شيبان وعـيـال
نبطي ما نشكي من صحْاريك وجعه
من حول ليا حولٍ رحايل ونـزال
شـد بدوي ٍ بعد البرق _ نجعـه
" إمن المؤسس لين تاليً الأجيال
وحكامْك اللي هيمنوا فيك سبعه "
وعلمك خفاق ٍ على رؤس الأطلال
بهيبة اللي قيض صيفك ورجعه
على الحبايب غيث ٍ يصب همال
وعلى العداء بركانٍ يروع فجعه
ال السعود محولة راس من طال
أرض السعوديه ومن قام تبعه
عاش الملك سلمـان حل ٍ وترحال
وعاش الأمير محمد وعـاش جمعه
يا موطني نفْداك بالـحـال والمـال
وأمرك يا أمير الشرق طوعـه وسمعه
عقُال مير إن عسكر الحرب جهال
نجيب ما نبغيه ويجيب ربعه
المملكه خط أحمر ٍ لكل من عال
مال العدو لاقربها خط رجعه
#علي_عيفان
#السعوديه_العظمى_خط_احمر
وجـع وخسـارة الاب لا يعوض ، ولا ينتسى :
#جمـال_الشمـري ، كالعاده أفضل من يوصف الصور بـ شعوره وأبداعه /
بالهون يا غيم ٍ عروقه تزبّر
آخـاف يبرد من غشانا سكوته
هذاك والبرد الشمـالـي تجبّر
ادفى على ريحة يدينه وصـوته
وأقوم لامن قال : يا علّك أكبر
البس / عشان أكبر : شماغه وكوته
من غيبته يا غيم والعمر دبّـر
ظنك تركت الوقت بفراش موته!



