🇶🇦

يارب لا تجعلني أخلق أملاً في قلبي لم يُكتب لي '

لمّني ما بين سلسالك وشالك واسقني من ريقك الشهد المحلّى

على دربك لو إن العمر يوقف تمشي الأقدام إلين أموت أبيك وغيرك من الناس ما أبيها يا روح الشعر وحروف الكلام وسطوة الإلهام أحاسيسي معك ؟ ماني بـ عارف كيف أخبيّها يا مرساي الأخير و ذكرياتي في مدى الأعوام يا ضحكة وجهي اللي تذبح أشواقي و تحييها

جمالها فتنه ومنطوقها غير ترفه و دلوعه و بالزين آيه غطت على كل البنات الغنادير وراحت تنافس نفسها بالمرايه

ترفٍ يميل من الغنج والذرابه❤️

يشبهك بدر السما لون وغنج والورد الاحمر عاد كنه شفاياك ❤️

انتي الزين والدلع والغنج كله العين عين الريم والمبسم قتال فيك كل صفات الحسن وزين الحله عز الله انك خطفتي القلب ياست الدلال لك صوت عذب من سمعه مامله وفيك كل الذرابه والحيا والجمال ❤️

حرّه و مرباها على كف صقّار لو حامت طيور العرب ما وصلوها تقبل و يتلفت لها صغار و كبار لو فرشوا دربها زهر ما جذبوها لو هي بالسّماء تلقى القمر حولها سار و تلقى الكواكب و النجوم جاوروها ❤️

الزين في طلتك .. ماهو بـ متحابي حتى القمر لو تجينه صرتي الاقمر من قال قبلي ولا غلطه .. يا عنابي بلاه والله ما عيّن ثوبك الاحمر من نحرك الزامي ومن ردفك النابي اليا لبستي ثيابك .. كلللها تشمر طلي تراني من البارح على اعصابي وفلي جديلك على الكمبود والمجمر ❤️

موت حمر لابسه فستان موت حمر متلهفه حفلة البارح لها من الاخير حتى الثواني تراقبها وعيت .. تمر يوم الفحت الفحت بقلوب جمع غفير في كل مره يجيهم زينها ادهى وامر من صغرها اللي تبيه يصير لازم يصير :)

تبختري حسن ، ميلي غنج ، تيهي دلال أنا غرامي من الأغصان .. ميّاسها فديت جيد من الشامات فيه إختيال والشفة اللي عرفت الخمر من كاسها وجديلك اللي تفلينه وألمه ليال وعيونك اللي تسهرني من نعاسها ما نام طرف نصيبه من جمالك خيال كم نفس لحظة مرورك تحبس أنفاسها .

أحبك يا كثر ما قلت أحبك في حروف هجاي أحبك كثر ما مل القلم من دفتر .. أشعاري أحبك ، ثم أحبك ، ثم أحبك ، أبك أنا لولاي أحبك ‌ما تغافلت الجروح و جيت لك ساري أحبك ، و أعترف لك أيه أحبك و إن بدالك راي أجي كلي على حشمة غلاك أقدم .. أعذاري أحبك و أسبر أغوار المواجع ، و أنثرك بـ غناي أترجم لك شعوري و المواجع تسبر أغواري أحبك و ألوي عِنان القصيد و ينحني لـ رضاي عسفت رضاه ، لكنك لعبت بـ حسبة أفكاري أوقف لـ الحروف إللي تلعثم في جدار شفاي و أرتب لك صدى صمتي مشاعر و أشعل أنواري

يا وليف الروح يا حلو الوصايف يا بعد من شافت عيوني عيونه إيه أحبك غير عن كل الولايف حبٍ صعب ان الأوادم يعرفونه الغلا لك والمحبة وأنت شايف كيف عذال الهوى منك مغبونه وأنا قبلك من ظروف الحب عايف لين شفتك وأخلف الخاطر ظنونه .

يا شيخة الخفرات والذوق والجاه يا ربّة الحسن الذي ذاع صيته انتي ؟ على كل الخلايق "مبدّاه" لو دونك الجمر المحمّى ، وطيته يفداك منهو تل عمره من اقصاه ويفداك عمرٍ في غرامك قضيته

احبش جعل حب يجي من بعدش يعاف وانا حالف حبش مع الوقت ماخونه ليا شفت وجهش والله ان ماعلي خلاف فلا تنشد اللي شاف غايته وش لونه " عيونش مثل مجدٍ قصر دونه اللي يخاف وانا اللي يحب المجد ويموت من دونه "

في اول يوم من نوفمبر : أعلن الاعتراف انك ختام الحب وانك نعيم ❤️

واحد جابك الله حلم وأعجوبه الأرض ما تليق بك خذ موطنك صدري قبلك حياتي ترى ماهي مرغوبه وشلون جدد وجودك رغبتي ما أدري عن عيني الناس ملغية ومحجوبه ما أشوفك الا سماي وكلهم حدري

يا زين وجهك يا بعد كل غالي يا نعمةٍ ادعي عسى ربي يديمها حبك سكن روحي وصار احتلالي وروحي من الغلا ما عاد تقدر تخفيها لو يجتمع زين البشر في مكانك تبقى لحالك سيد الحسن كله ما شفت مثلك في جمالك وكيانك ولا شفت زين بالملا ياصل محله ❤️

من يوم ماصرت في غبة غلاها غريق وأنا أمتمني اكون اقرب من " ثيابها " متى تزين الظروف وينفتح لي طريق ؟ وأعلق الوردة الحمرا .. على بابها ❤️

تهز الخصر طربانه ام العيون السود وهي خصرها ناحل والأرداف مليانه دلعها ، اناقتها ، دخيل الله المعبود حقيقة ، واسطوره بها الروح ولهانة

انت مثل العمر و الاعمار ما تتعوّض ودي اعيش العمر وياك لحظه لحظه