عمش بن طواله

والله انّي حرٍ يجمّل هدادي مخلب يعشي و مخلابٍ يغدّي مير طعت الطيش وانا الحين غادي لعنبو شيطاني اللي صار ندّي سقت خطواتي و جاراني عنادي قلت : هدّ و قال : ماوالله اهدّي لين ضعت و ضاع بالسكّة مرادي ياحلولات الضمير اللي يقدّي يوم صرت بـ وادي و عقلي بـ وادي اقتنعت الوضع صار الحين جدّي لا تلوموني و انا شعوري حيادي شفت واجد و انفعلت و باح سدّي ياهوى دخل الهوى على بلادي ودّني .. خطوات رجلي ما تودّي خلن اغني بعد طول ابتعادي واترك الكراس تحت اسناد يدّي يا حبيبة خاطري ترا فوادي ناقصه من ما عطاك الله مهدّي اتركي اللي صار توّ الليل بادي و اتركيني بين ليت و بين ودّي جيت لك شايل بياضي مع سوادي زهّبي لي عرش صدرك و استعدّي اقبلي و اقول : يا حلو التهادي واضحكي و اقول : يا صعب التحدي اسلبيني يا حلو منك التمادي و علميني وش يجوز من التعدّي مانتي بـ عادية و لاني بـ عادي لا ارتخى حبل الشعر بالله شدّي لاعبي ليلك و اهوجس لا إرادي و اسرقي قلبي بنظره عقب صدّي حاوطي خصرك بشبر من الايادي و قولي : ادري بالبنيّ ما فيه قدّي ماني مدوّر عن اضرارك تفادي استبيحي بالمشاعر و استبدّي والله اني بس معاك اصير هادي من متى و انا يديني فوق خدّي

صل الوتر لو كنت مذنب و سربوت تراك مسلم مانت من دون ملّه يا حلوها من قبل لا يفوتك الفوت يصير في قلبك من الله ذلّه بتموت لكن وش تسوي لو تموت بـ اي وجه قلّي رايح تقابل الله ؟

مرحبا كثر الامان اللي بـ داري مرحبا كثر الرجال اللي حموها مرحبا بك صدق مافيها مواري يا ديار اللي على الشيمة بنوها حاكمينك بالسلاح ، و بالشباري ترثةٍ و النعم فيها كل ابوها والله انّا ندري ان جات الطواري انكم هقوة تجمّل من هقوها يا كويت المجد و التاريخ قاري لو كثير من الجهاله ماقروها من قديم الى زمنّا الكل داري صورتك لو حاولوا ما شوّهوها يا كويت العز يا ديار الضواري ماطمعتي يوم غيرك طمّعوها لك وقوف ، و لك سلام ان حلّ طاري ، و وقفه الشعب السعودي مانسوها

قطر فيها وعيت، و ترعرعت، و عشت طفولتي، و اول و أجمل ايام حياتي، قطر ديرتي وديرة خوالي، مثل ما السعودية ديرتي و ديرتهم … تحت هذه التغريدة تشوف ردود الشعب القطري، ردود الشعب العربي الأصيل، في وقت شفنا البعض يفتقد عروبيته، في وقت شفنا البعض يتحد ضد العروبة، في وقت شفنا البعض يتحد ضد مقدساتنا الإسلامية، ياسلام الله على اللي عد جاره من فروضه دون حق الجار قام و بانت فعوله و عيّا الاصيل اللي وسط بطنه معاريف محفوظه فدوته خبلٍ نوا الديرة بـ شرّ و لا تهيّا اتحامى دون اخو نوره و دون اخوان روضه من عروقٍ تدفع الرجل الحماوي للحميّا الديار اللي بذراهم بالمعزّة بان نوضه السعودية سهيل و دوحة المجد الثريّا دون حدّ الديرتين نقوم للحرب و نخوضه كلنا واحد لدرب الموت سقناها سويّا علموا اللي يوم خوّن كنه جْناح البعوضه عن شواربهم بعيده دارنا و حنّا هنيّا #السعودية_العظمى #قطر

كما قلت سابقًا … " إختلطت أثار الخيول بأثار الكلاب " لم نعد نعرف من معنا و من علينا ( مالنا الا حنا ) سلمان ، و محمد ، و حد المملكة من دونهم مافيه حشمة و احترام رسالتي للشعب : هذي معركة ولا لنا الا ايماننا و قت الزحام كلن يقدم للوطن ما يملكه لنا النصر و الموت لعيال الحرام #السعوديه_خط_أحمر #السعودية_العظمى

نعيش و الايام مجهولة مصير كل مالها تفقد من الماضي شبه اعوذ بك يارب من موت الضمير و من الكلام اللي اقوله و اسحبه

تكثر ذنوبي على متني و تطرحني ويمد ليّ اليقين الصادق يمينه اقوم كنّي صغير براسه المحني نادم و خايف يوجّه للسماء عينه اتوب ثم يرجع الشيطان ينطحني وتروح نفسي معاه ، النفس مسكينه يارب انا اسرفت بالتقصير سامحني لا صار عبدك ضعيف انت اللي تعينه يارب لا جيت لك برضاك فرّحني الارض شينه واخاف الاخرة شينه

بين مزحوم الجديل و بين مزحوم الملامح شفت كل الناس ليل و شفتك لحالك فجر ما يفرق بين صد الكره و قبال المسامح من يشوفك تضحكين قبال وجهه ويهجر مثلك انتي تستحق لسان طلق وقلب جامح وشاعرٍ لامن كتب لك بيت ينحت في حجر

حبيبتي كل عام و انتي لي حياه كل عام و انتي طاهرة مثل السُحب اضيع ، و القا نورك بكلّ اتجاه ما عمر عمري في مرابيّك نحب يمرّ برد ، و حضنك اعيّن دفاه تضيق قاع ، و صدرك الواسع رحب وجهك حوالي قرن ما فارق صباه حلو لو تجور الليالي ما شحب احبك ، و قلبي يقدم لك ولاه لو ما احبك كان قلبي وش يحب ؟ اعيش فوق ارضك ، و احبه ، و احماه ، و الموت واجب لك ماهو مستحب 💚 #اليوم_الوطني_السعودي_٩٦

من غيابك كن ماللشمس طاري كل وقت يمر في فرقاك ليل رحت ادوّر في تفاصيل المساري للشموع اللي انطفا ضيّه فتيل لين ضعت و صار فالسكة خياري سوق رجل و طول درب و هدّ حيل

العمر راح اكثرْه خوف المناقيد لين اعذب الاحلام ماعرف وينه ابرمي العادات فوق التقاليد و اخذك مثل الشعرة من العجينة

يامشملينٍ بـ الديار و بـ الصدر لا بدّ عقّاد الحبال يحلّها وداعة الرحمن و اللي ما قدر يحبس دموعة .. علموه يهلّها