ِ

ياحيّ ذا الشوفه وياحيّ ذا الزول وجهٍ عسَى ثلث العرب فدوةٍ له

يادعوةٍ مستجابه من حدا ، الوالدين يافرحة اللي ضحك حظّه وطاب عمله مايَكفي العمر لو عشته معك مرتين ( العمر مرّه ولا يعتاض وأنتِ أجمله )

أشوفك ملجاي الهادي وأشوفك غربتي والدار وأشوفك رجعة أنفاسي ليّا من ضاقت أنفاسي

وجهٍ سّمح وطبعٍ دلوع

فداك الصحاري والمدن والمرافي ونجمةٍ كل ما طلّت يبشر سعدهـا أتركني ورى ضحكتك أعـنّ القوافي ضحكةٍ وش علي إن ضاع عمري بعدها

أغلى محبّه مرت في تاريخ عمري ، محبتّك

عادك أغلى من عشقت — وعادك الحب المبدّا

ولا زلت أحبَّك وأدري إنك أهم أشياي وأشوفك أمان كل ما احتجته أجي له لو أمشي على الماء لا ذكرتك نبت ماطاي خزامى وورد وكل وادي درج سيله عسَى باقيٍ لي معك ضحكة ترد رضاي ولي عمر مهما فاتني معك باقي له

«طحت في حبك و أنا ممنون لك في كل طيحه لو أطيح الطيحه اللي — بعدها يوم التعازي»

مطر وغيم وبالٍ ما يفكر إلا فيك

«تعوشب كل دربٍ تسلكه ، وتردّ روحه لين تشوف دروبها خضرا — على حطّة خطاويها»

«توّصى على روحك من البرد والنسناس ترى طيحتك .. يمرض بها واحدٍ غيرك»

بخير منهو لمَح زولك — ومسّا به

أنا لو كان باقي لي عُمر دونك؟ ترى ما أبيه وأنا لي نفس ماتقدر على بعدك ولا تقوى وأنا نادم على وقتٍ مضى ماكنت اعرفك فيه أثر ماراح من عمري بدونك ما يسوى

أنتي ومن عقبك يتوب الآدمي توبة نصوح ما عاد يامل فالوجيه البيض وجه ٍ يعجبه

لقـّيت روٌحي بعد ما انا لقيـّتك

معك أغتنيت من الهوى والحب يامال الغناه وحببتني في أيامي اللي ماهَقيت أحبّها أنت الحياه اللي عطت للناس معنى للحياه وأنت النعيم اللي عليه الناس تشكر ربها

ودّي أطيل النظر فيك يالوجه الضحوك ما بعد وجهك — وجيهٍ يسلّي شوفها

وجهٍ ودك تبوس أقصاه وتضمّه

يوم بللّ خدها رش المطر .. كنها وردةٍ يداعبها النّدى