CTO @ https://xitter.cf/t.co/ZWfDFdANDu | Founder @ https://xitter.cf/t.co/5biZkYIJ4G
Joined December 2009
- Tweets3.1K
- Following74
- Followers13.4K
- Likes3.5K
اللهم لك الحمد مجتهد واميرة بيكبر كل يوم وكل يومين تقريبا بينزل فيديو جديد على قناة اليوتيوب وعلى الموقع والتطبيقات بفضل الله عز وجل ولكن عايزين نقفل الاعلانات عاليوتيوب وده مش هيحصل غير بتوفيق الله عز وجل ثم مساعدتكم، دلوقتي القناة عليها تقريبا ٨٠٠ ساعة مشاهدة وده رقم مش قليل ولكن محتاجين اضعافه عشان نقدر نقفل الاعلانات زي باقية حسابتنا لاننا ولله الحمد لا نتربح منها.
ساعدنا وانشر الرسالة ديه واشترك في القناة ويكون ليك مثل اجور من تبِعك فمجتهد وأميرة سواء القناة او الموقع او التطبيقات فيها امور نافعة جدا ومكان واحد لأطفالك والحمد لله انا بستخدمه لأولادي لان فيه:
- سلاسل نافعة بجودة احترافية وخاصة سلسلة تعليم العقيدة للأطفال
- ألعاب بجودة احترافية تُغني الأطفال عن اي Gameboy بفضل الله
- نشاطات زي التلوين وأصنع بنفسك التفاعلية
- أناشيد بدون موسيقى ومحتوى الحمد لله محطوط فيه مجهود كبير جدا نسأل الله الأعانة والتوفيق
ساعدنا نقفل الأعلانات ❤️
قناة اليوتيوب
youtube.com/@MujtahidAndAmir…
الموقع
mujtahidamira.com/
تطبيق الايفون
apps.apple.com/sa/app/mujtah…
هندسة قواعد البيانات
من اكتر الدورات اللي اتطلبت مننا هي دورة Hussein Nasser الخاصة بال Fundamentals of Database Engineering ولكن بفضل الله كعادة المدرسة - Almdrasa احنا حاولنا اننا نُحسن فيها اكتر واكتر فبفضل الله طلعنا دورة تقريبا ١٣ ساعة ب ١٨ قسم و٢٤٩ درس بإخراج المدرسة الاحترافي المعروف بفضل الله.
الدورة من اقوى الدورات اللي هتتعلم فيها:
🔹 يعني إيه ACID: الـ Atomicity والـ Consistency والـ Isolation والـ Durability، ومستويات الـ Isolation والمشاكل اللي بتحلها
🔹 الداتابيز من جوه: الجداول والـ rows بتتخزن إزاي على الـ disk، والـ pages، والفرق بين Row-store وColumn-store
🔹 الـ Indexing: إمتى الـ index يسرّعك وإمتى يبطّأك، وإزاي تقرا الـ Execution Plan
🔹 الـ B-Tree والـ B+Tree، وليه أغلب الداتابيز بتعتمد عليهم
🔹 الـ Partitioning والـ Sharding: إمتى تحتاجهم وإمتى تبعد عنهم
🔹 الـ Concurrency Control: الـ Locks والـ Deadlocks ومشكلة الـ Double Booking
🔹 الـ Replication وإزاي تخلّي النظام بتاعك يستحمل ضغط أكبر
🔹 الـ Database Engines والفرق بينها، والـ SQL مقابل NoSQL من ناحية التصميم الداخلي
🔹 أمان قواعد البيانات وحاجات عملية بتقابلك في الشغل الحقيقي
الدورة دي بتفهّمك الداتابيز بتفكر إزاي، علشان تاخد قرارات صح في أي مشروع، وتقف قدام أي سؤال System Design في الإنترفيو وانت فاهم.
👨💻 مناسبة لمطوري الـ Backend، ولأي حد شغال مع داتابيز وعايز ينقل نفسه للمستوى اللي بعده.
اشترك في كورس هندسة قواعد البيانات من هنا👇
almdrasa.com/products/course…
🎁 خصم الإطلاق 50% بالكود DBENG50: الكورس بـ 299 جنيه بدل 599، لحد 15 نوفمبر.
لأي تفاصيل سيب تعليقك أو ابعتلنا رسالة "داتابيز" هنا أو على WhatsApp👇
wa.me/201000240033
#المدرسة #Almdrasa #Database #DatabaseEngineering #Backend #SystemDesign
مُتعة التعلّم ❤️
كان حلمنا من أول يوم إن المدرسة تكون بقدر الله من أقوى المنصات العربية لتعلّم البرمجة… مش بس بمدرّسين محترفين ومناهج احترافية، لكن بتجربة التعلّم نفسها.
والحمد لله، المدرسة اتبنت من الأول بالكامل Natively، عشان تدخل تجربة تعليمية مش محتاج تخرج فيها من المنصة أو من الدرس عشان تعمل أي حاجة:
١- كل صفحات المنصة اتصممت من جديد وبقت سريعة جدًا
٢- Embedded editor جوه الدرس: تطبّق Python أو Java أو JavaScript أو React أو Bash أو SQL من نفس المكان
٣- Transcript احترافي لكل دورات المدرسة
٤- مساعد ذكي في كل درس يساعدك في أي مشكلة أو أي جزء صعب عليك
٥- امتحانات تفاعلية بشكل جديد: صيّاد الأخطاء، توقّع الناتج، رتّب، صنّف…
٦- تحديث مستمر لكل الدورات عشان المعلومة تبقى أوضح وأبسط
٧- دورات مالهاش مثيل في المحتوى العربي زي عقلك والمال، دليلك المهني، التعديل السلوكي، كيف تتعلم، وإدارة الفرق الهندسية
وخلال شهر تقريبًا نزّلنا وحدّثنا ٦ دورات:
١- الهندسة الوكيلية باستخدام Claude Code مع Mohamed Elganzory
٢- الخوارزميات وحل المشكلات
٣- عقلك والمال مع Hossam Fathy
٤- فن التعامل مع الشخصيات المزعجة مع Mohamed Abusrea
٥- Engineering Management
٦- بناء أنظمة الذكاء الاصطناعي باستخدام n8n مع Mohamed Elshamy - PHD
وبقدر الله خلال الشهر الجاي هيتم إعادة إنتاج دورتي Python الأولى والتانية ودورة الأطفال، وهتنزل أكتر حاجة اتطلبت مننا:
• Database Engineering
• Backend Systems Engineering
• Understanding Node.js: From First Program to Production
• Understand Operating Systems
• Understanding Software Architecture, DDD & Microservices
عشان المدرسة تكون المكان اللي أي حد محتاج يتعلّم فيه أي حاجة في الـ hard أو الـ soft skills، بجودة وتجربة مش موجودة لا في المحتوى العربي ولا الأجنبي.
وعشان كده عاملين خصم 50% على كل مسارات المدرسة لحد الأحد 1 نوفمبر، وكل المسارات هتتحدّث بقدر الله، وأي تحديث بيوصلك مجانًا.
اسحب الصور وشوف التجربة بنفسك 👈 والرابط في أول تعليق 👇
ربنا ينفع بنا وبكم ويرزقنا وإياكم التوفيق لما يحب ويرضى ❤️
كل المسارات بنص السعر لحد الأحد 1 نوفمبر 👇
almdrasa.com/tracks/?coupon=…
أي سؤال:
واتساب 01000240033
نتعلم .. نعمل .. نُعلم .. نصبر
نشيد جديد من مجتهد واميرة عشان يعلم اولادنا عن ٤ امور ينجوهم في الدنيا والاخرة ❤️
شاركوها مع غيرهم واولادهم ومتنسوش ان الحمد لله تطبيق ال iOS بفضل الله عز وجل نزل والاشتراك فيه بيفتح الاشتراك في كل التطبيقات سواء ال iOS او ال Android او ال Web
ربنا ينفع بنا وبكم ❤️
سورة العصر، السورة التي قال فيها الأمام الشافعي رحمه الله:
لو ما أنزل الله حجة على خلقه إلا هذه السورة لكفتهم
سورة لازم ابنك وبنتك يتعلموها ويحفظوها ويعملوا بما فيها لانها ضمت كل ما يحتاجه المرء للنجاة وعشان كده هي موضوع الحلقة التانية من سلسلة شرح الأصول الثلاثة للأطفال.
علم ولادك العقيدة وخاصة في زمن الفتن وشاركها مع غيرك فتؤجر بنفسك وبهم ❤
الحمد لله الذي بنعمته الصالحات دورة ال Algorithms and Problem Solving نزلت وبفضل الله من أقوى الدورات اللي ممكن تشوفها بتتكلم في الموضوع وتقريبا مغطية كل حاجة حد محتاجها في الموضوع ده والجميل كمان ان عندك:
- في نفس الدرس القدرة على التطبيق بدون ما تطلع من الدرس عشان عندك built-in editor
- وكمان عندك AI Assistant لو اي حاجة وقفت معاك تسأله
- وكمان عندك مختصر كتابي تقدر تراجع عليه بسرعة لو حاجة فاتتك او بتحب القراءة وفيها infographics
- وكمان في اختبار تفاعلي ولله الحمد يمكن مفيش مثيل ليه في المنصات التعليمية
اللهم لك الحمد انفقنا جهد كبير جدا عشان نطلعه بالشكل ده واللي بالكامل معتمد على ال visualization عشان تقدر تتعلم بسهولة وبكفاءة بفضل الله ومش بس كده الكورس كمان عملناه رخيص جدا بفضل الله وهسيبلك الرابط بتاعه في التعليقات.
رابط الكورس 👇
almdrasa.com/products/course…
طريقة الاشتراك:
1- افتح الرابط واضغط «اشترك الآن»
2- كود الخصم ALGO30 هيتطبق لوحده، والسعر يبقى 209 جنيه بدل 299 (ومن برة مصر حوالي 20 دولار بدل 29)
3- اكتب إيميلك واختار طريقة الدفع: كارت بنكي (فيزا / ماستركارد / ميزة)، أو محفظة إلكترونية زي فودافون كاش، أو تحويل يدوي بإنستا باي أو فودافون كاش وتبعتلنا صورة التحويل
4- الوصول للكورس هيوصلك على إيميلك على طول، ومش محتاج تعمل حساب قبلها
الكود شغال لحد 17 نوفمبر
ولو عندك أي سؤال كلمنا واتساب: 01000240033
الأناشيد من الحاجات اللي اولادنا تعلقوا بيها وبتسهل عليهم حفظ المعلومات وعشان كده بعد كل درس بيكون في نشيد اطفالنا بقدر الله يحبوه فيسهل عليهم حفظ أُسس عقيدتهم الأسلامية.
نشيد "جذور شجرتي" بيحفظ الطفل بأسلوب جميل أصول دينه الثلاثة، ربي وديني ونبيي ﷺ
شاركوه ليعُم النفع والأطفال تتحول من حفظ الأناشيد الغير مفيدة او الأغاني لحاجات انت وهما يؤجروا عليها فتكون ترفيه ليهم وطاعة لله ♥️
قناة اليوتيوب
youtube.com/@MujtahidAndAmir…
الموقع
mujtahidamira.com/
اللهم لك الحمد انتهينا من تصوير ومونتاج واحدة من اكبر الدورات في @Almdrasaltd، دورة Algorithms and Problem solving وبفضل الله اظنها واحدة من افضل الدورات في مادتها سواء في المحتوى العربي او الاجنبي بفضل الله.
الدورة مغطية تقريبا كل حاجة في الخورزميات وحل المشكلات بطريقة مُبسطة وتصويرية جميلة بفضل الله عز وجل وان شاء الله تنزل خلال ايام وبكده يكون عندنا منهج كامل لأساسيات الحاسوب.
ربنا ينفع بنا وبكم وانتظرونا لاننا بقدر الله قريبا هنبدأ في دورات ال Backend وهنغطي اشهر دورات الناس كانت طلباها مننا:
- Database Engineering
- Fundamentals of Backend Engineering
الشباب كانت بتقولنا نعمل نفس دورات حسين ناصر ولك بالعربي وبقدر الله ربنا يوفقنا ونطلع حاجة فيها من الأحسان اللي متحتجش معاها اي حاجة عشان تفهم اي حاجة ليها علاقة بال Backend.
الله عز وجل هيسألك عن عقيدة اولادك واللي بذلته عشان تُسقيهم العقيدة الصحيحة خاصة في زمن الفتن اللي احنا فيه دلوقتي واللي كثرت فيه الشُبهات واللي بيتعرض ليها الطفل في كل مكان وبكل طريقه وعشان كده قررنا بتوفيق من الله عز وجل تقديم سلسلة جديدة.
شرح الأصول الثلاثة للأطفال، سلسلة جديدة عشان نعلم اولادنا العقيدة بأسلوب بسيط وسهل ويحببهم في اكبر حاجة هتنفعهم في حياتهم خاصة في الزمن اللي احنا عايشين فيه.
السلسلة بقدر الله هتكون ٢٥ درس تبسيط لسلسلة شرح الأصول الثلاثة للشيخ عبد الرزاق البدر حفظه الله وباذن الله كل حلقة هينزل معاها نشيد للأطفال عشان نسهل عليهم الفهم والحفظ.
ربنا ينفع بنا وبكم وانشروا ليعم النفع لأطفال المسلمين وبقدر الله الحلقة هتنضاف لليوتيوب غدا وللتطبيق بالألعاب بتاعتها ♥️
ملحوظة:
الأخوة ربنا يبارك فيهم وزادهم حرصًا اللي بيتكلموا في رسم ذوات الأرواح والطمس وغيره فربنا يبارك فيهم المادة للأطفال وهي من باب صنع الألعاب ليهم كما كان للسيدة عائشة رضي الله عنها بنات وحصان واللهم لك الحمد استفتينا أهل العلم في المسألة وقالوا بالجواز على ما هي عليه للأطفال بل جزاهم الله خيرا يُشاركوا الحلقات بأنفسهم ❤
اللهم لك الحمد معداش ٢٤ ساعة الا وفضل الله عز وجل على مشروعنا الجديد مجتهد وأميرة - Mujtahid & Amira لا يسعنا شكره من اللي شايفينه
👁️ أكثر من 124,000 مشاهدة لخبر الإطلاق على فيسبوك ولينكدإن وإكس
👍 720 متابع على صفحة فيسبوك
▶️ 1,015 مشترك في قناة يوتيوب
🏠 116 عائلة سجّلت في الموقع
🎬 وأكثر من 3,000 مشاهدة لحلقاتنا على يوتيوب
كل رقم من دول وراه أب أو أم بيدوّروا لأطفالهم على حاجة آمنة على الشاشة، بالعربي، بتعليمات اسلامنا، ومن غير إعلانات ولا موسيقى. وده بالظبط الحلم اللي الواحد صبر عشانه ده كله.
انا نفسي ال ١٢٤ الف دول كانوا يبقوا مشتركين في القناة والموقع عشان بقدر الله عز وجل نقدر نكمل بالله ثم بيكم لاننا بقدر الله ناويين نعمل سلاسل مفيش ليها مثيل في المحتوى العربي وبنفس الاحترافية والكفاءة اللي شوفتوها في القناة والموقع وان شاء الله قريبا جدا اولى حلقات واناشيد:
الشرح المبسط للأصول الثلاثة للأطفال
ادعمونا وشاركوا البوست وخلوا كل حد تعرفوه يشترك في القناة عشان نقفل فيها الاعلانات وكمان يشترك في الموقع عشان نقدر نكمل نفع الله بنا وبكم.
قناة اليوتيوب
youtube.com/@MujtahidAndAmir…
الموقع
mujtahidamira.com/
مجتهد وأميرة ♥️
الحمد لله الذي بنعمته تتم الصالحات، النهاردة وبعد ٣ سنين شغل طلعنا موقع وقناة وقريبا بقدر الله تطبيق "مجتهد وأميرة".
طول عمري نفسي اسيب عيالي لقناة او تطبيق وانا مش قلقان يا من اللي هيطلعلهم، يا الافكار اللي فيها، يا المواد اللي كلها مليانة معازف او قصص اسلامية غير صحيحة او معتمدة على مصادر غلط.
كتير من الشباب كان مستغرب من غيبتي وانها شيفاني مببعتش كتير الأيام اللي فاتت ومن الاسباب هي مجتهد وأميرة - Mujtahid & Amira واللي هي عبارة عن قناة تعليمية احترافية بتستخدم الرسوم المتحركة بجودة عالية جدا وتبسيط كبير للأطفال ل:
- شرح البرمجة
- الاناشيد بدون موسيقى
- سلاسل تربوية للأطفال
- تعليم العقيدة بأسلوب مُبسط
وكمان الموقع وقريبا التطبيق بإذن الله تقدر انك تشترك باشتراك رمزي جدا (٥٠ جنيه في الشهر) فيه لو حبيت الاضافات الزيادة زي:
- الألعاب التربوية
- حكايات قبل النوم
- النشاطات الترفيهية
- التلوين والرسم
- وغيرها من الانشطة اللي بنضيفها علطول
قناة اليوتيوب لسه جديدة فللأسف ممكن يظهر عليها اعلانات ونتمنى منكم نشر الرسالة في كل حتة لعلنا بقدر الله نوصل لالف مشترك او ٤ الاف ساعة مشاهدة ونقفل الاعلانات عليها وان كان الموقع او التطبيق قريبا مفيهوش اي اعلانات.
ده كان حلم كبير اننا بقدر الله يكون عندنا استوديو مفيهوش اي مُخالفات للرسوم المتحركة ونطلع حاجات بجودة بفضل الله مماثلة لأكبر استديوهات الرسوم المتحركة.
الحمد لله الذي بنعمته تتم الصالحات
قناة اليوتيوب
youtube.com/@MujtahidAndAmir…
الموقع
mujtahidamira.com/
انا من اكبر مُحبي ال DSA لاني كنت بشرحها بلغة ال C في الجامعة سواء في سكاشن او محاضرات بل كان دكتور "محمد ابوالهدى" ربنا يبارك فيه ساعات يطلعني اشرح للدفعة كلها وهو موجود وعشان كده قررت بقدر الله اعمل كورس ال Algorithms بنفسي بعد انا Mohammed Hussein و Ahmed Ali عملوا عظمة في شرح ال Data structures في المدرسة - Almdrasa بفضل الله عز وجل وحابب اوريكم واحدة من فيديوهات الشرح واللي بانتهاء الكورس ده بقدر الله هيكون عندنا واحدة من افضل مكتبات شرح اساسيات البرمجة من خلال ما يقرب من ١٤ دورة بفضل الله عز وجل.
هتقولي يا هندسة ايش ياخد الريح من البلاط؟ هنعمل بيها ايه في عصر ال AI؟ هقولك انا بدرس الحاجات ديه دلوقتي مش عشان هتستخدمها بنفسك في الشغل (خالص) وانما تعلم الحاجات ديه بيوسع مدارك جدا جدا وبيعلمك طريقة تفكير في حياتك بشكل عام فانت دلوقتي بتتعلم مش عشان "هتنفعك في شغلك" يعني هتطبقها بأيدك في شغلك ولكنها مُفيدة ليك كمبرمج حابب يفهم التفاصيل ويتعلم عنها وتكون سبب في تحسين اداءه وفهمه للأشياء فيكون اكثر احترافية في تسير "المراكب السايرة".
أرجو المشاركة ليعم النفع والفائدة نفع الله بنا وبكم 🌷
من الناس اللي ديما بتأكد يكونوا جنبي في اي شركة بروحها هي الناس اللي بتتميز ب "Growth Mentality" بغض النظر عن شطارتهم لان في ناس بتبقى متفوقة جدا في حاجة ولما يعفو عليها الزمن تلاقيه متمسك بيها جدا وبيدافع عنها لحد اما يموت معاها ومن الناس اللي ربنا رزقها بالمميزات ديه @mohamed_abusrea واللي اللهم بارك بيجمع بين التفوق في مجاله وكمان ال Growth Mentality واللي خلته:
- متمسكش بكونه Staff frontend engineer ويندثر مع المجال ويبدأ يدور السوق رايح فين ويروح معاه ويتحرك ناحية ال Design Engineering
- دائما على اطلاع بالجديد فعارف كل التولز اللي بتنزل وبيمسك منها حاجات ويتفوق فيها جدا فاللي بياخد من غيره اسبوع بياخد منه هو اقل من يوم
- دائم التجربة فمش بس بيمشي عنيه على اكس والسوشال ميديا ويقعد يقرأ اللي الناس بتكتبه او تجاربهم وانما بيجرب بأيده والتجربة ليست كالمشاهدة فبيقدر يستخدم الادوات الصح في المكان الصح
- مبيخافش يجرب حاجة كانت قبل كده مصدر قلق او توتر ليه زي ال Backend او ال Devops وخاصة في الوقت اللي احنا عايشين فيه
اللهم لك الحمد @peaktify هي تالت شركة اشتغل فيها واتأكد ان Mohamed Abusrea يكون جزء منها عشان بخبرته بقدر الله وعقلية النمو بتاعته يقدر يكبرها ويكون جزء من اللي يحط شركة زي Peaktify بقدر الله في المكان اللي تستحقه، المكان اللي انا و Maged Alsabri متأملينه من الله عز وجل انها تكون من اكبر شركات ال AI المتخصصة في ال Agentic Business Solution Implementation.
نسأل الله عز وجل التوفيق والسداد
الحمد لله الذي بنعمته تتم الصالحات، اكبر تاني Bounty ليا في حياتي والمرة ديه من Intel. من الحاجات اللي ديما بقول للناس عليها انك مفروض تكون مبرمج موسوعي يعني ليك في ال DevOps، ليك في ال Cloud، ليك في ال System design، ليك في ال Cybersecurity، ليك في ال AI and Data science حتى لو المعرفة ديه مش متخصصة وخاصة في الوقت اللي احنا فيه ده.
لو متعرفش اي حاجة عن ال CyberSecurity فاللهم لك الحمد احنا عملنا اعادة بناء لمنصة @Almdrasaltd بالكامل وديه حاجة بقدر الله هتكلم فيها في بوست مُختلف والمهندس Taher Mohammad ليه هناك واحدة من افضل الدورات اللي تدخلك في عالم ال Cybersecurity عالم مليء بتشغيل الدماغ وخاصة في عصر ال agents وال uncensored models 😈
فلو هنصحك ببداية فانصحك بدورة المهندس طاهر ربنا ينفع بنا وبكم ❤️
لو قدامك Model مكتوب عليه 8B وواحد 70B، هل التاني أذكى؟ وهل السبعين مليار دول معلومات محفوظة جواه؟ الإجابة على الاتنين: لأ.
في الفيديو ده بنبدأ بـ Model فيه 3 Parameters بس، ونوصل منه لمعنى الرقم الكبير.
أرجو المشاركة ليعم النفع والفائدة نفع الله بنا وبكم 🌷