أبو مشاري

يا وطنّا دوك فنجال القصيد وثنّه الدلال مهيّله وبطونها مليانه جيت لك بالعاديات ضبحاً نقعهن ثارنّه موريات الشعر قدحاً لا قضبت عنانه قصيدتي في حفل منطقة الجوف بمناسبة اليوم الوطني 96

للجوف عيدٍ -بعد عيد الوطن- فيك وبشارةٍ ما بين اهلها تردّد بشارةٍ يا امير جتنا بطاريك يوم ان قايدنا لامارتك مدّد نفخر يابن نواف فيصل باساميك لا قيل أمير الجوف فيكم محدّد صارت دروب الجوف تعشق خطاويك مع خطوتك قصر الدروب يتمدّد والجود بـ(حْلَانا) يحاول يحاكيك مقداعها ما يوصف ولا يعدّد مير انها عجزت بجودك تجاريك جودك بحر ما ينشف ولا يبدّد من شيمتك لا أعطيتنا تقل نعطيك تجود وانت امن المروّه تصدّد ابشر بنا يا فيصل بطوع اياديك حنّا ولانا كل يوم ايتجدّد سمعاً وطاعه سيّدي لك ولبّيك يا أميرنا البر الكريم المسدّد

شاهدت خبر مراجعة طبيّة لصاحب السمو الملكي الأمير عبدالرحمن بن مساعد بن عبدالعزيز حفظه الله وشفاه، فما وعيت بنفسي إلّا وأنا أكتب هذه الأبيات لمكانته العزيزة في نفسي بكل صفةٍ له.. ما عملت -بصحّتك- يا امير: خير! وما ترك طبعك لـ:ظهرك، (عافيه)؟! ترتكي للحمل والهم الكبير.. وترفع امجاد: (الوطن، والقافيه) لين وسّم متْنك: الطيب الغزير! وانحنى: عودك، بحَمل الوافيه جنّة: أصحابك، وعكّاز: الكسير لو خناجرهم -بظهرك- غافيه! صيّر الله فيك شيٍّ ما يصير: لك يمينٍ تذبح وهي شافيه؟! كم ذبحت الفقر وأحييت الفقير من يدٍ جزله، ونفسٍ ضافيه لا تغارب ثقل خطْوَك بالمسير.. الغريب الوقفه المتعافيه! سرّك بـ(دمع العجايز) يالامير.. و(فرحة قلوب الصغار) الصافيه ودعوة المحتاج -فالثلث الأخير- لاغتنى، من مدّةٍ لك (خافيه) خلف بن صالح

صح الله بدنك من كل شر يا أبا فيصل، أنت والله أهلٌ لكل ثناء ومستحقٌ لكل مديح لكن التواضع من أصيل أدبكم طال عمرك ولا غرابة، ثم أنّ لك عندي مكانة خاصة فأنا نشأت على حب شعرك من قديم الله لا يخلينا منك ويجمع لك بين الأجر والشفاء🤍💐

هنا الرياض، المكانة والشرف والوقار في نجد دار السلاطين وعرين الأسود وكر السياسة وعاصمة اتخاذ القرار من عهد عبدالعزيز وهي برفعه وزود هنا تموت المكايد والعواصم تُدار هنا ملاحم تناقلها كبار الوفود هنا يكون السلام بلذّة الانتصار ومحمّد يلقّن العالم مقام السعود #الرياض #عاصمة_السلام #عاصمة_القرار #ولي_العهد_الأمير_محمد_بن_سلمان #فيصل_بن_فرحان

عقّب (ترمب) معقّبٍ (بايدن) قبله! (سلمان) باصقل سيوفه واندر طيوره اللي عقد حبله اخْو اللي نفث حيله واثنينهم في رحى (محمّد) خذوا دوره! #بيان_الفجر_السعودي