عبدالله المفضلي (@am2299) profile picture

اعتذر عن المساجلات الشعريه ..واهل الاعلانات والدعايه والدعم لا اتابعهم واحظرهم ..

Joined February 2012
Photo by عبدالله المفضلي (@am2299)Photo by عبدالله المفضلي (@am2299)Photo by عبدالله المفضلي (@am2299)Photo by عبدالله المفضلي (@am2299)Photo by عبدالله المفضلي (@am2299)Photo by عبدالله المفضلي (@am2299)Photo by عبدالله المفضلي (@am2299)Photo by عبدالله المفضلي (@am2299)Photo by عبدالله المفضلي (@am2299)Photo by عبدالله المفضلي (@am2299)
( فن الغياب) من دم جوفي كتبت بفيض فكري سطور ارسم فصول ارتحالي في فجوج السراب الله على الصحصح اللي مدهلٍ للصقور الارض متراميه وظلال دهم السحاب سفينة العمر طافت بالجهل والغرور والعمر ساعة زمن والوقت بحرٍ عباب العمر يمضي وانا بين الشقا والسرور بظلال شجرة صبر مابين عقرب وداب ابا اشتري لي صبر كانه يبيع الصبور الصبر حسب المثل للخير مفتاح باب لي بين موت الرجاء والضعف منفذ عبور ياما بنيت الامل بالظن والظن خاب تبقى العزيمه ذخر وبضاعةٍ ما تبور لا شفت ماعفت افضّل حالة الانسحاب العام جاملتهم واوهمتهم بالحضور واليوم خالفتهم واتقنت فن الغياب رايي من الراس لا اشاور ولا احتاج شور انا السؤال افهمه وابني عليه الجواب يٰوم اتذكّر خيار القوم وسط الـقـبـور تحت التراب وخبرهم حي فوق التراب ازهـد بدنيا الندامه جعلها للـدبـور ماعاد تسوى بعيني وزن ريشة غراب #عبدالله_المفضلي #شعر
2
1
16
809
(ودنا بالطيب) ودنا بالطيب والطيب ناخذ به مجال ما ثنى الرجل الصبور الزمن لوهو يبور المدايح لذة العمر عسرات المنال دربهن مفروش بالشوك واسباب العثور المدايح يا اهل العرف عز وراس مال يرجح الميزان مع كل رجّالٍ صبور الكرم ماهو بتصوير دولاب الدلال الكرم بالنفس مغروس ماهو بالظهور الهبايب عاتيه مار ما هزّت جبال كل ما عسعس دجى الليل جا يقفاه نور يفعل المعروف الاجواد مع قل النوال والدهر يومين لا شك والدنيا تدور ينتقد من يفعل الخير عبّاد الريال ما يساوي بالمواجيب وافين الشبور يقبل الهيّن عن الكايد اشباه الرجال عايشين وكنّهم خامدينٍ بالقبور اول الدنيا طرب و آخر الدنيا زوال والحظيظ اللي يجنّب لضى يوم النشور #عبدالله_المفضلي #شعر
3
5
22
1,346
المهمهيه لوا هني من هام بالمهـــمهــيه يطعن نحور البيد ويطارد اللال كوني قريبه يالـفـجـوج الخـــليه ان كان في سدرك مداهيل وظلال على غـصـونـه تـلـعـي الـراعبيـه ترقص على الغصن الخضركل ما مال البعـــد طبٍ للقــــلــوب الشقيه اللي لجى فيها من الوقت ولوال #عبدالله_المفضلي #شعر
3
20
1,149
( الشمال امطار) الشمال امطار والاجواء جميله التمشّي فيه وصٰفـه للتعـافـي كل ماهب الهوا ينعش عليله المزاج بنفحة الذعذاع صافي بالشمال انا المـعـزب والدليلـه والطيور وصحصح البرّان كافي كيف ما يطرب ولا يشفي غليله الغريب اللي له الصحرا منافي صابرٍ صبر الجمل لازاد شيله من ثقيل الشيل تلحاه الظلافي نظرتي حول المراقيب الطويله كل مقصد دونها ماهوب كافي الردي واللي مـحـاريفه هزيله لا نشدني قلت له مابي خلافي كان عز النفس بالدنيا فضيله ما ترجّينا العطا من كل هافي الحياد وكل واحد في سبيله ماحرصت اعرف خفا ماكان خافي #عبدالله_المفضلي #شعر
2
4
31
1,745
البيد عجزت اجاريهم وشديت نـوقـي واقفيت اقص رشوش الامطار بالبيد مالي ومـال مدوّرين الحقـوقي ومـالي ومال مكثّرين التناشيد بضاعتي عرضتها وسط سوقـي اصـلـي ولا فيها مزوّر وتـقـلـيد ماارضى يعذربها كذوب وصدوقي وشريتها طمعان جمله وتفـريد اهـم ماعنـدي مزاجي و ذوقـي والبعد عن ضول البشر بالجراهيد اعـطيت قرناس القصيد السبوقي صيد الفكر للفارق اجمل من الصيد #عبدالله_المفضلي #شعر
3
6
27
2,434
هجن الهقاوي عزالله اني طايب الخاطر امعيف مااشوف لي عند اكثر الناس حاجه اشطب على قربة هل الكذب والزيف واهل الهياط المفتعل والسماجه هجن الهقاوي من طرفهم مناكيف ماغير قرطاسٍ يطير بـعـجاجـه لا شفت بالموضوع ريب وتحاسيف عن مورد القرهود يكفي هماجه ياحيف يابعض السوالف تخاريف على الخطا مضمونها والعواجه النمل بيته ما يذرّي عن الـهيف ومع اول طشة سيل يسقط سياجه #عبدالله_المفضلي #شعر
1
8
31
1,987
صوره من الصحراء بيت الشعر يومي ليا هب هبّاب يهتز لوهو بالمثابيت مقضوب اول نجوم الشبط بحساب حسّاب تلقى الحطب في ليلة البرد مشبوب لا تطلع العقرب ولا يطلع الداب على خشوم البل كما الورس مكبوب ياماحلا بالعاصفه صوت الاطناب صياح جنـيًّ على الذيب مغصوب صوره تذكّرني وهي مصدر اعجاب لفح الرفاف و كاسر البيت مسحوب والـغيـم يزبر بالسما كنه هضاب قصف الرعد يخلف عقل كل مرعوب والبرق بين الغيم والارض شبّاب من هيبة الرحمن مرعب ومهيوب #عبدالله_المفضلي #شعر
1
7
19
1,786
الحقيقه والخيال حارت الرجل فيني عند لوحة جمال الـمـزايا كـثـيـره والمـلامح مـثـيـره غصن وردٍ تمايل مع نسيم الشمال انعش الروح و ارسل نفحةٍ من عبيره كنت عالي مـزاج وكنت مسـرور بال كل ما فز قلبي قـلـت بالامـر خـيـره ابعدي يالحقيقه واقـترب يالخيال وإلبس ثياب فرحه لو ثواني قصيره راحة النفس تشرب كاس سحرٍ حلال جـنـة اللي يعاني من هـمومٍ كـثـيـره من يداري مزاجه عقل ماهو هبال في منادم نجوم الليل راحة ضميره #عبدالله_المفضلي #شعر
2
2
16
1,606
( جمهور القصايد) كان ما اكتب قصيده صنف غالي تلفت انظـار جـمـهـور القصايد اتركـه جـعـل مـا للشـعـر والي مـا خـذيـنـا على كتبه فـوايـد مار لا حندست سود الليالي والكواكب بدت مثل القلايد وقام يزمي مزاج الشعر عالي عادتي مسكت ارسان الفرايد من مدى الوقت وسنينٍ خوالي الرضا من جميع الناس كايد فارق العرف بعقول الرجالي مايجي بالدراسه والشـهـايد الـنـوايـا يابو زيد الهـلالي سود بوجيه شينين العقايد #عبدالله_المفضلي #شعر
1
3
1
26
5,074
( صفاء الجو ) اسمع رزيز الرعد والبرق قبله يـلـوح والغيم غطا السما والجو وصفه خيال اعيش لحظه صفا ذهني وفكري سموح اهجر ضجيج المدينه شفّي الارتـحـال من راح مني زعل مسموح جعله يروح روحة مقيط المسمّى في قديم الليال يا روح يفداك من يزعل و مليون روح غير اعتزازي بنفسي مابقى راس مال مابين موت الهقاوي والزمان اللحوح لقيت موج السراب اللي حسبته زلال اصـد واخفي بقلبي داميات الجروح واصبر على ضيم بقعا مثل صبر الجمال #عبدالله_المفضلي #شعر
4
5
2
26
2,882
ركاب الهقاوي وين الذي وقت الظروف الشديده تسري على نجمه ركاب الهقاوي اللي يسمّى بالمواقف ولـيـده على العلوم الغانمه ما يـراوي من كثر ما يفعل فعوله رصيده فقير مال وبالمدايح غـنـاوي هذاك بالفزعات حامي حديده يشفيك لا واجه كبار الدعاوي #عبدالله_المفضلي #شعر
4
3
35
1,830
انياب الليالي نطحت عـضات الليالي بالانياب واضحك واقول الصبر لازال باقي لازال بـاقـي عزم واسباب وابواب مادام روحـي ما عـلـت للـتـراقـي ما اجامل المبغض ولا اجزع ولا اهاب ولا اطلب من الماء كاس والنذل ساقي احـس بالـغـربـه ومن حولي اغـراب عز النـديـم و راحــتـي بالـفـراقـي #عبدالله_المفضلي #شعر
4
37
2,054
نهايب شاعرٍ حسّاس وقريّب حضايب من تصاريف البشر صعبٍ وثوقه ما يقدّر كود نطّاح الـنـوايـب ولا يهين الا ضعيفٍ فيه بوقه للديار الخاليه حث الركايب يـم مرقاب العنا قلبه يسـوقـه ينهب الراحه من الدنيا نهايـب كن فرحة يوم ماهي من حقوقه جنّته في عزلته مقـفي وغـايـب من ضجيج الناس ما شيٍ يشوقه ماحلى صبح المطر طرق الهبايب وصفة علاج المريض وفك عوقه #عبدالله_المفضلي #شعر
1
6
23
1,879
لوم النفس طير الحباري صامل الطلع ردام شاف الطريده وانعثر بشبكتها مهما جرى مانيب للنفس لوّام دفـعـتها مار الحظوظ خذلتها ياحـظ مادامك تعثّر بالاقدام كم فرصةٍ ضاعت مثل سابقتها هذا الكفن مترين من ساتر الخام المـوته اللي تـقـطع النفس متها ازهد بدنيا كلها زيــف واوهــام وسوالــفٍ ما تنلّحق شاردتـها #عبدالله_المفضلي #شعر
7
11
52
4,444
الطايره بالطايره قلبي بذكراك مجبور يوم استدارت بالسما بأرتفاعي لك إلتفت مما بقلبي من الجور فوق السحاب العين يمّك تراعي نظرت لك بأحساس واشواق وشعور روحاً لـهـا من نار حبك متاعي وحسّيت بالحسره ولو صحت معذور مادام شوفي لك مهو مستطاعي كأس الهوى يا شاغل القلب مخشور سكّر نبات و سم رقط الافاعي #عبدالله_المفضلي #شعر
1
5
29
1,995
بشرى محتاج بشرى رغم كل الـعـوايـق وين انت يا صبح البشاير للارواح اشـرب مـرار الـصـبـر واقـول رايـق واضحك وانا همي على الوجه فضّاح اللي على نقرة حضوضا مـوايـق يكذب على النشّاد لو قال مرتاح لكن بعلم الغيب كل الحـقـايـق عند الكريم اسرار واقدار الافراح #عبدالله_المفضلي #شعر
6
6
28
2,238
تطنيش هذا الزمان اللي يشيّب رضيعه خلّى عزيزين المبادي دراويش يـصـعـد به الكاذب بروجٍ رفيعـه ويلقى به الصادق تجاهل وتهميش ثـلاثـة اربـاع الفـعـايـل خـديـعـه بالفشخره والواسطه والبخاشيش مـادام عندي للـمـودّع وديـعـه ابا اعطي الايام ضحكه وتطنيش #عبدالله_المفضلي #شعر
9
9
51
2,957
البوح عن ما تكن صدورنا يصعب البوح تخفي كما تخفي لحود المقابـر لو كـانت الدعوى خطيره على الروح مـا كـنـّهـا صارت ونمضي نكـابـر اللي على باب المشاريه مذبوح تـضـدّه الـدنـيـا ولا زال صابـر للغير من داني مجمّل ومسموح بـعض الهـقاوي كان تفكير عابـر #عبدالله_المفضلي #شعر
1
10
36
2,660
نصارع الدنيا على غطرستها نطلب عدالتها ولا عندها انصاف لين كشفت جرد السنين اقنعتها وبـانـت خـفـاياها على كل مشراف ناسٍ متون حظوظها شايـلـتـهـا وناسٍ تشيل حظوظها فوق الاكتاف #عبدالله_المفضلي #شعر
12
18
98
6,368
لاصار بالمجلس خبول ومهابيل وصارت سوالفهم غلاط ولجاجه اسكت ولا عندي على الناس توكيل او اتـركـه مالي بالاغـلاط حـاجـه والعزله افضل عن كثير التعاليل اليا رخص بيع الكـلام بـحراجـه #عبدالله_المفضلي #شعر
5
20
1
69
4,248