المهدي بن تركي 🇸🇦

* لو اني اطرد كل راعي خطيه والله ماحصل وقت وافعل به الطيب ويصير لي في كل يوماً قضيه من مبتداها لنهاية رباريب والاغي اصحاب العلوم الرديه ويدرون عني لابتي والأصاحيب لكن ما تسحبني الجاذبيه للارض عن مبدى طويل المراقيب وما ضاقت الدنيا الفسيحه عليه اكفخ سوات الحر وأبعد كما الذئب لو راحتي في شمس ماهيب فيه اخير من قصرٍ دروبه سراديب واكره هل النمات و العنصريه ضعاف النفوس مشذبين العراقيب اذا جلس واحد وقابل خويه تخيروا طيب وحطوا عذاريب وشبوا لهم فتنه ونارً قويه ثم ادخلوا فيها بعيد المحاضيب وجوا لك هل الشطحات والعنجهيه وزادوا بلاها من ردات الاساليب وصارت فتن فيها البلاء والبليه وعجز الذي يمسح بها الجرح ويطيب هاذي افرازات الزمان الشقيه تطل بوجيهً مليه من العيب #المهدي_تركي

اعيش في ديرةٍ ما مثلها ديره فالعز فالأمن في تطبيق الاسلامي انا اشكر اللي ما يشكر واحدٍ غيره أني سعودي وآل سعود حكامي ️ #المهدي_تركي

حبي لها لاجل إنها اتعيش واعيش لولا المحبة كان ياثنين متنا حب اتزان وطاهرٍ ماهو بطيش والمغريات بعصرنا ما اخلفتنا اسراء يحيط بنا من همومنا جيش وأدأب في سجن الوفاء ساجنتنا يلتاعنا حالات مهيب بشويش لو يقطعون ارقابنا ما التفتنا نطير ونحلق ولو مالنا ريش ونصل مدانا فالفضاء من بختنا عند السحاب اللي مزونه مراهيش من فوقنا بعضه و بعضه تحتنا يا اللي سألت وقلت كثر الغلاء ليش بلاك ما انت بعارف ً سالفتنا #المهدي_تركي

احيان احس المدى يضيق بي في مداي لكني اقنع بما حصلت فيه وكفا يكثر ما احس شي مؤلمٍ في مساي اجاهده كل ما حسيت به با الخفا وماضرني بالحياة الا نتائج وفاي وكل الخساير تهون الا خسارة وفا ياليت وقتي يرجعني الى مبتداي حتى ماقدم وفاء والقى بداله جفا والحذفه اللي حذفها واحدٍ في قفاي والله ما الد له مادام هو بالقفا وراياً تجنب هله ما طُلّبْ لي فيه راي ماهمني لو نجح والا ضرني لو هفا واليا نقدني غشيمٍ ما عرف مستواي اعفيه واقول يا الله ترحم اللي عفا اسحب على جرت المقفي لايقفا عصاي والا اصحي النايم اللي عن حياته غفا جربتها كلها واصدق نتيجة معاي آيات ربي وما قاله لنا المصطفى #المهدي_تركي

حلم المساء في ليلةٍ شتوية شبوب نار وجلسة برية خوة نشاما في شعيب سايل كأنك ملكت الكورة الارضية تنسيك شئً كان مشغل بالك وتغير اللي يرهق النفسية وتذكرك وترجعك للماضي وتعيش كل احلامك الوردية #المهدي_تركي

قصتي واغرب مافيها كل شي من زماني يوم افكر مطيات الوقت تاتي مستحيله من شتاتٍ بعثره كثر التخيل والاماني تهت في عالم جديد وصار مافي ايدي حيله كل مابحث بسم شي القاه يطلع بسم ثاني حتى قوقل من عبثهم صار مايقدر يجيله صارت اسماء مستعارة فالعيان وفالبياني وصار واحدهم يسوي الشي ما يخشى الفشيله وابغترابي بينهم لو كلهم مني دواني صرت مثل اللي كبر حمله وعجزانٍ يشيله واقتنعت ان العدو اليوم ارحم من خواني يوم اخاف من الذي لبستهم بشت الفضيله مامعي حيلة لاشفت الحقد فا الادنين باني غير ادور عذر يوم ابعد وادورلي وسيله كنت صامت لين شفت المجتمع كله يعاني كل فردٍ من اسرته او كل أسرة من قبيله صرت اعيش بغير وقتي والزمن له وجه ثاني من كثر ما يصعب الاصلي ونرضى في بديله #المهدي_تركي

يابوي والله ما دفنتك لحالك دفنت والله معك باقي حياتي يابوي كني عقب فرقاك هالك وحسيت والله مع وفاتك وفاتي ودي لو ان الموت خذني بدالك وانا فديتك يوم جاك المماتي اليوم انا أجد راحتي فالدعاء الك وقت الاذان وكل دابر صلاتي #المهدي_تركي

ياللي تعيدون نشر أخبار ماهي صحيح يا ليتكم قبل إعادة نشرها تعلمون لقد خدمتوا عدوٍ جالس مستريح وانتم عنه بالنيابة للأسف تنشرون خلوا القبيحة يروجها الخبيث القبيح وانتم من اللي يضر ابلادكم تسلمون #المهدي_تركي

مساعي المملكة أمنٍ وأمان وسلام والقافلة ماعليها من نبيح الكلاب أقلام مستاجرة وافواه تاكل حرام هذا هو المشهد الحالي عويل وخراب والمملكة وضعها مرموق بين الانام ماعاد تحسب لتجار القضايا حساب يعيش سلمان قايد دارنا للأمام ولي عهده هو الشهم الأبئ المهاب #المهدي_تركي