برافو يا باحث، إنت بتعرف تكتب prompt كويّس، #تخاريف_أيمن_زهري 😀😀😀

اللجوء والنزوح مش بعيد عن أي حد في الدنيا ومش لازم يكون بسبب الحروب. ممكن يكون بسبب الكوارث البيئية والمناخية. تعاطفك مع المنكوبين واجب، وهو أضعف الإيمان، #هكذا_تكلم_زُهْري

إنت كباحث، قيمتك في الدنيا بتتحسب بعدد الاستشهادات البحثية بأبحاثك ودراساتك. غير كدة تضييع وقت ع الفاضي، #هكذا_تكلم_زُهْري

طيب هل تعلم ان عدد الفراخ اللي في الدنيا أكبر من عدد البشر وإن عدد الفراخ اللي على قيد الحياة حالياً 21.4 مليار بينما البشر تمانية مليار فقط؟

لو حضرتك متخيّل إن مشكلتنا في البعد عن الدين تبقى غلطان والغلط راكبك من ساسك لراسك. إحنا مشكلتنا في البعد عن الدنيا والانفصال عن العالم والتغييب اللذيذ بتاع رجال الدين ورجال (ونساء) التنمية البشرية، #هكذا_تكلم_زُهْري

شوف بقى يا سيدي. أنا عندي مشاكل تكفّيني العشر سنين اللي باقيين ليّا في الدنيا ... وزيادة كمان. علشان كدة، مش عاوز أدخّل نفسي في مشاكل تانية. كون إني مداري مشاكلي و "فاشخ" بُقّي زي ما انت دايماً شايف، ده مش معناه ان معنديش مشاكل؛ ده في الحقيقة الـ user interface بتاعي 😂 مش أكتر ولا أقل، وانعكاس لرضا عمييييق بالقضاء والقدر. وطبعا مافيش حد خالي م الهم حتى قلوع المراكب زي ما قال عمّنا إبن عروس. ثم المفروض إن كل واحد يشيل شيلته، إنت بس إدعي ربنا إنه يرزقك مشاكل من النوع الحلو وإن شيلتك تبقى خفيفة لإن كل واحد في الآخر "متعلّق من عرقوبه، #هكذا_تكلم_زُهْري 😀😀😀

الدنيا بقت زيطة والمعايير باظت، لكن ده مش معناه انك تزيّط في الزيطة ومعاييرك انت كمان تبوظ. في النهاية، الدنيا ماشية ومستمرّة بالشويّة اللي فاضلين من الانضباط والمعايير السليمة، #تخاريف_أيمن_زهري

كتاب جدير بالقراءة كتبه الراحل العظيم الدكتور محمد عوض محمد

وازاي اقلك كنا زمان والماضي كان في الغيب بكره واللي احنا فيه دلوقتي كمان هيفوت علينا ولا ندرى

صباح الخير ... صباح القلوب الشابة والعقول المتحررة

حسماً للجدل حول ما إذا كانت الأرض مسطّحة أو كروية، أستطيع القول بقدر كبير من التأكُّد أن الأرض لا مسطّحة ولا كروية. الأرض قرويّة ومن ليس له قرية فليبحث له عن قرية، #هكذا_تكلم_زُهْري